Romeku 6:23 - Mewar Alqawarang

²³ Jiwa ɗye ɓi ɓu̱ sola chin ke mu̱ɗi, yang vu̱rti ɓu̱ Magham chin ke nyifi nu̱ke ɓu̱ shi woɗa ɓa, nu̱ ku̱nshe Masiya Yesu Zhinerem gwaanji.

Romeku 6:23 ပူးပေါင်းရင်းမြစ်များ

Matta 25:46

“Nduki nang ka vi nu̱ mbu̱ bonye nu̱ke ɓu̱ shi woɗa ɓa, yang nu̱ dambi ku ka vi nu̱ mbu̱ nyifi nu̱ke ɓu̱ shi woɗa ɓa.”

Yokhana 10:28

Nga vu̱r nyifi ye wor nu̱ke ɓu̱ shi woɗa ɓa, ɓu̱ dar mu̱t ku ɓa, yang nduk a nje nu̱ke ka lawaki wor ɓar mbu̱ khara ɓa.

Yokhana 17:2

Jiwa ta vu̱r zalale ye Woyang ɗyine aaki, ma ku̱ vu̱r nyifi nu̱ke nu̱ka shi woɗa ɓa ye nduki nu̱ke to vu̱rki yenda.

Yokhana 3:36

Aaki kya maita Woyang, wa gwa nyifi nu̱ke ɓu̱ shi woɗa ɓa. Yang aaki nu̱ zhangki Woyang, ɓu̱ na nyifi ɓa, yang shokhnar ɓu̱ Magham a nje kharan ɗyine nda.”

Yokhana 4:14

yang aaki zaki ɗyim nu̱ke ngga vu̱rki yendang ɓu̱ tu̱k khuzhum gana tu̱k ɓa. Ɗyim nang vu̱rki yendang ka kha ma ɗyim nu̱ke a ɓaghar ma yir mbu̱ nyifi nu̱ke nu̱ka shi woɗa ɓa.”

Yokhana 4:36

Nu̱ ku̱mndang a gwa ɗye ɓi ɓaran, a tabaran a yir si mbu̱ nyifi nu̱ke nu̱ka shi woɗa ɓa, ma ku̱ nu̱ kaɓti ndu̱ nu̱ ku̱mndi shi kashar ku su̱yen.

Yokhana 5:24

“Zhire nga zu̱ran ye nu, njif nu̱ka tu̱kki ɓalar ɓanga, tu̱ka maita njif nu̱ ɗa ru̱kki nga, wa gwa nyifi nu̱ke ɓu̱ shi woɗa ɓa. Ɓu̱ kuma nda ɓa, wa woɗa lawar me mu̱ti wa gwa nyifiri.

Yokhana 6:27

Ki nu bonye ku̱me kaalar ɗye zu̱mndi nu̱ke ka su̱bu̱rki ɓa, laɓ ma ɗye zu̱mndi nu̱ke ɓu̱ shi su̱bu̱r ɓa, yang ka vu̱r nyifi ye nu nu̱ke ɓu̱ shi woɗa ɓa. Nang ke pooni ɗye zu̱mndi nu̱ke Yi ɓu̱ Nduk ka vu̱rki ye nu. Ku̱me Magham wa ghwaɗ saidu maito nu̱ ve Masiya Yesu.”

Yokhana 6:40

Ku̱me nang ke shimndi ɓu̱ Zhinkir ɓanga, kap njif nu̱ke a nggu̱t Woyang, tu̱ ki maita nda wa gwa nyifi nu̱ke ɓu̱ shi woɗa ɓa, yang nga ka da nda nu̱ viɗi fu̱ɗar wuri.”

Yokhana 6:68

Tu̱ Siman Biturus tlogha yenda za, “Zhinerem gwaanji, chem ka ɗu̱kya she kiya? To ke nu̱ ɓalar nu̱ka vu̱rki nyifiri nu̱ke ɓu̱ shi woɗa ɓa.

Romeku 1:32

Wa zu̱n bibitiku ɓu̱ Magham ku nu̱ ɗyine nu̱ ɗye shir malkandiku nang mu̱ti shipaki wora, yang nu̱ ching nu̱ ɗyine shir ɗyi nu̱ nggu̱tlki ku nang ɗyenda ɓa. Tu̱ ka ji su̱ nduki nu̱ke a tlu̱na ɗyi malkandi ku nang.

Romeku 2:7

Nduki a nje nu̱ke a kaala gorkir ndu̱ zhaaji nu̱ke nu̱ka shi woɗa ɓa. Nang ke nduki nu̱ shiki mbarkir mbe kanaɗyi, wor ke nduki nu̱ke Magham a ma vu̱r ɗye ɓi nu̱ nyifiri nu̱ke ɓu̱ shi woɗa ɓa ye wora.

Romeku 5:12

Sola a vi nu̱ mbu̱ larji nu̱ ku̱nshe nduk da, tu̱ solar nang a ɓa ndu̱ mu̱ti. Wanang tu̱k tu̱ mu̱ti mbu ɗyin nduki kap, ku̱me aaki wa shi sola.

Romeku 5:17

Solar ɓu̱ Adamu chin ɗyenda nu̱ saki tu̱ mu̱ti shi kwaaɗar ɗyine aaki nang, ɗya aa nu̱m ɓa mbu̱ ta gonta ndu̱ ɗyi nu̱ nduk kaadandi, Yesu Masiya nang a ɓa ki si. Chem gwa khang mu̱nkir ɓu̱ Magham ndu̱ vu̱rti nu̱ saki chem kha waare sola gume Magham nu̱ ku̱nshe nda. Chem ka shi kwaaɗar mbu̱ khar viti ɓaarem nu̱ ku̱nshe nda tu̱k.

Romeku 5:21

Wa nu̱ solar shiki kwaaɗar ɓaran nu̱ ku̱nshe mu̱ti, wanang tu̱k mu̱nkir ɓu̱ Magham a kwaaɗar ɓaran leendang nu̱ ku̱nshe dambu. A yir ndu̱ chem ye nyifi nu̱ke ɓu̱ shi woɗa ɓa mbe Yesu Masiya Yesu Zhinerem gwaanji.

Romeku 6:16

Nun zu̱n za mbu̱ tun wa vu̱r vaanu ye njif nggur tun ki shi shimndi ɓaran, tun wa kha ma maavi ɓaran ɓa goma? Tun ka ɗu̱ma khar ma maavi ɓu̱ sola, nu̱ka ɓa ki ndu̱ mu̱ɗi, yang tun ka ɗu̱ma khar ma maavi ɓu̱ Magham, nu̱ka ɓa ki nu̱ dambu.

Romeku 6:21

Yang leendang tun gwakya nu̱m mbe ɗyiku nu̱ khaki ye nu ma ɗye kawar nang na? Ai, lauɗar si ɗyiku nang ɗya mu̱ɗi!

Romeku 8:13

Mbu̱ke tun a shikya ɗye shir ɓu̱ nduku, tun ka mu̱ɗi. Mbu̱ yang tun wa tlagha me ɓu̱ nduk nu̱ka shiki solarang nu̱gha, nu̱ ku̱nshe zalale ɓu̱ Jiimba, tun kha ndu̱ nyifiri.

Romeku 8:38

Jiwa nga zu̱n shwat nu̱ ɗyine aa mu̱ti, aa nyifiri, aa nu̱ ru̱ktiku ɓu̱ Magham, aa khu̱kheetiku, aa ɗyi nu̱ke chem a mban meeni, aa nu̱ke a ɓari. Aa kwaaɗarku zum zum,

Romeku 8:39

aa kirti ɓu̱ tunu, aa mboɓong ɓu̱ ɗyen, aa ɗyi nggur zum mbu̱ du̱ngdiku ɓu̱ Magham nu̱ke a nje. Tun a nje aa da nu̱ke ka shakki rem ndu̱ ndolar ɓu̱ Magham nu̱ke a mbe Masiya Yesu Zhinerem gwaanji ɓa.

Romeku 8:6

Damtar ndu̱ ɗyiku ɓu̱ manva wa ka ɓa ndu̱ mu̱ti, yang damtar ndu̱ ɗyin mbu̱ Jiimba ka vu̱rkya nyifiri ndu̱ qaandi memu̱na.

Galatiyeku 3:10

Jiwa kap nduki nu̱ tamanki za wor ka gwa dlu̱r she Magham ku̱me wora mbu Bibiti ɓu̱ Musa, wa mi barke ɓaanda. Jiwa bu̱lar Ɓalar ɓu̱ Magham wa zu̱ za, “Njif nu̱ke nu̱ mbu ɗyi nu̱ke a nje bu̱laran mbu̱ Lagarkati Bibitang ɓa, Magham wa mi barke ɓaran.”

Titus 1:2

Maito nu̱ zu̱ndi nu̱ke dlaran ve sar memu̱na ye nyifi nu̱ke nu̱ka shi woɗa ɓa. Magham nu̱ke nu̱ka shi wollo ɓa shiki alqawar nang kaabu nggarsi sarchi.

Yaqub 1:15

Mbu̱ melakh malkandi ɓaran wa shi ghu̱rɓan tu̱ ka kha solari. Mbu̱ yang solarang wa gori tu̱ kha mu̱ti.

1 Yokhana 2:25

Nang ke alqawar nu̱ Woyang shiki yerem, chin ke nyifi nu̱ke nu̱ka shi woɗa ɓa.

Ɗyin mbu̱ tukari 21:8

Yang nu̱ sawarku, ndu̱ nu̱ song shir zhireku, ndu̱ nu̱ tlu̱nar ɗye zhaane ku, ndu̱ nu̱ tlaghar mu̱tiku, ndu̱ nu̱ zawarku, ndu̱ nu̱ ɓu̱tli ghaiku, ndu̱ nu̱ ghaari ghai ye mu̱lu̱mku, ndu̱ kap nu̱ wolloku. Ka gwa ɗye ɓi ɓaanda mbu̱ giɗim ɓai gu̱rgu̱rndi nu̱ ɓai solfa, nang ke mu̱ti nu̱ rap.”