Romeku 6:19 - Mewar Alqawarang

¹⁹ Nga shikya pooni ɓalar ɓu̱ nduk ye nu, ku̱me tu̱ɓti ɓaanu nu̱ me ɓu̱ nduku. Ɗau fara tun wa su̱n ndu̱ vu̱rti me bar ɓaanu ma tlu̱na ɗye zhaaneku, ndu̱ mu̱nar nu̱ke a zu̱m guma ndu̱ shaatari aakochi. Yang leendang vu̱r ma me bar ɓaanu ye tlu̱nar dambu, tun kha wakaran.

Romeku 6:19 ပူးပေါင်းရင်းမြစ်များ

Matta 4:23

Tu̱ Yesu baara mbu̱ dlar ghai Galili ɓar kap, a shogar ye nduki mbu̱ kib tabar ɓaanda. A wopa labar mbarkandi nu̱ kwaaɗar ɓu̱ Magham. Kom ndu̱ shaanar nduki nu̱ke var wor mu̱n ɓa ndu̱ aa nyi pooni khaati nu̱ke a damta wora.

Romeku 15:1

Chem nyem khaki du̱mbu̱ran mbe maito ɓaarem wa shipa ku̱ shi mi kanaɗyi ndu̱ nduki nu̱ke khukhutanku, ma ku̱ shaata mi wor mbe tu̱ɓti ɓaanda. Ku̱ kha mi ndu̱ ndolar ɗyin ɓa.

Romeku 3:5

Yang nu̱ke tlu̱nar malkandi ɓaarem wa wut za ɗyi nu̱ Magham shikyang torop, chem ka zu̱ nyem za nu̱m ɗo? Mbu̱ Magham wa kuma rem chem ka zu̱ nyem za nu̱ shi torop ɓa mu? (Nang ke pooni konyi ɓu̱ nduku)

Romeku 6:13

Ku̱ njig nu tun vu̱r me bar ɓaanu ye sola tu̱ kha ma ɗye tlu̱nar malkandi ɓa. Yang vu̱r ma vaanu ye Magham tun kha wa nduki nu̱ lawaki wor ɓar mbu̱ khar mu̱ti ma gwa nyifiri. Vu̱r ma me bar ɓaanu ye Magham tun kha ma ɗye tlu̱nar dambu.

Romeku 7:23

yang nga na ɗyi nggur zum mbu̱ me barku ɓanga nu̱ke a dakhla ɗyi nu̱ke memu̱nara daki ya. Ɗyi nang wa sa tang kha ma maavi ɓu̱ sola nu̱ke a nje mbya.

Romeku 8:26

Wanang tu̱k Jiimbyang a shaata rem mbe tu̱ɓti ɓaarem. Nyem magha shir bara wa nu̱ shipaki ɓa, yang Jiimbyang nu̱ ɗyinan a khuɗ Magham yerem ndu̱ tlu̱rti nu̱ke ɓala ɓu̱ ɗu̱ma zu̱ mban ɓa.

1 Korintiyeku 5:6

Khamndi ɗyino nu nu̱ke tuna shiranang mbar ɓa. Nun zu̱n za yis koɗomma ke nu̱ sa ɓurti toli tu̱ ji ɓa goma?

1 Korintiyeku 6:11

Ɓeeni nduki chele ɓaanu wa shi ɗyiku nang zhu, yang leendang wa waka nun konggol. Wa sa nun mbu̱ khar Magham. Tun wa kha ma nduki nu̱ke zopan ɓa she Magham mbu̱ dlu̱m Zhinerem gwaanji Yesu Masiya, ndu̱ Jiimbi shakhshakhndi ɓaarem.

1 Korintiyeku 9:8

Ɗyi nu̱ke nga ɓalar ɗyinan nang ɗya zu̱r ɓu̱ nduk ɗyenda mu? Nu̱ Bibiti ɓu̱ Musa zu̱ wanang de?

Galatiyeku 3:15

Nyeezaku, bu wut nga ye nu mbe ɗyi nyem ka shiki meeni ndu̱ wuri. Mbu̱ nduki rap wa ching alqawar gha chele ɓaanda, tu̱ yang sa khar wora ma ku̱ kha ma saidu ɓu̱ alqawar nu̱ wor daki, nduk a nje nu̱ke ka laadaki nu̱ gha ɓa, yang nduk ɓu̱ paata ɗyi nggur nu̱gha mban zum ɓa.

Yibraniyeku 12:15

Ku̱r ma vaanu ma ku̱ aaki mbu̱ɗ gwar mu̱nkir ɓu̱ Magham ɓa. Ku̱ aaki kha ndu̱ ɗyooti mbi nu̱ka ɓa ki ndu̱ su̱bu̱rti tu̱ka su̱bu̱r nduki khangang ɓa.

Yibraniyeku 4:15

Jiwa chin gorkir kuru ɓaaremang ɗya njif nu̱ damtaki ndu̱ tu̱ɓti ɓaarem. Ku̱me wa gwa buuriku ve aa nyi njiv nu̱ buuki rem, yang nu̱ shi sola ɓa.