Romeku 6:17 - Mewar Alqawarang

¹⁷ Yang Magham ɗye kuna, ku̱me aa nu̱ke ɗau fara tun maavi ɓu̱ sola, leendang tun a mbu shogar nyem shiki ye nu ndu̱ memu̱na nu da.

Romeku 6:17 ပူးပေါင်းရင်းမြစ်များ

Tlu̱nar ɓu̱ Pudeku 11:18

Nu̱ Yakhudeku nu̱ mbu Yesu kwang tu̱kki wanang, nu̱ gwa ɗye zu̱ ku ɓa, tu̱ kuna Magham ku, a zu̱ran ku za, “Alapa Magham wa daasa njiv nggooti ndu̱ gwar nyifiri ye nduki nu̱ke ɗya Yakhudeku ɓa.”

Tlu̱nar ɓu̱ Pudeku 28:15

Ni nu̱ mbu Yesu ku nu̱ Roma tu̱kki labar khu̱dli ɓaarem, ta ɓa ku ma gaɗa rem mbu̱ gomar Apiyus, kom ndu̱ ye maa nu̱ka qaki za Maa Zhurti Kunung. Nu̱ Bulus naki wor tu̱ kuna Magham, tu̱ shaata gwa shokhku̱rokh me bu̱ni.

Romeku 1:5

Barke ɓu̱ Yesu Masiya ndu̱ dlu̱man saki chem gwa mu̱nkir tu̱ qa rem ma khami ma pudeku ɓaran, ma ku̱ qa mi nduki nu̱ mbu̱ ghaiku kap ku̱ maita tu̱ mbu zu̱r ɓaranku.

Romeku 1:8

Gumapaali nga kuna Maghamndi ɓanga nu̱ ku̱nshe Yesu Masiya ku̱me tun kap, nu̱ke labar maito ɓaanu wa ɗu̱ aa fu̱n mbu̱ larji.

Romeku 15:18

Ngam ɓu̱ shi lu̱kshi ɓalar ɗyine ɗyi nggur ɓa, kope ɗyi nu̱ Masiya shiki nu̱ ku̱n sha nu̱ ɗa ɓa ki ndu̱ nduki nu̱ke ɗya Yakhudeku ɓa nu̱ Magham shiki. Tu̱ mbu zu̱r ɓaran nu̱ ku̱nshe ɓalar ɓanga ndu̱ tlu̱narku ɓanga.

Romeku 16:26

yang leendang a ɗal ye dalangi nu̱ ku̱nshe bu̱larku ɓu̱ annabiku. Nu̱ ku̱nshe zu̱r ɓu̱ Magham nu̱ke lauɗarsi ve nda ɓa, yang wa wut ɗyen tu̱k ye nduki kap, ma ku̱ maita ku ku̱ mbu.

Romeku 2:8

Yang nu̱ shimndi ɗyin ku, nu̱ke ka tlu̱nakya song zhire ndu̱ mu̱na, ka ɓi wor mbe su̱bu̱rti memu̱na ndu̱ shokhna.

1 Korintiyeku 1:4

Nga kuna Magham aakochi ku̱me mu̱nkir nu̱ vu̱rki ye nu nu̱ ku̱nshe Masiya Yesu.

1 Korintiyeku 14:6

Yang ɓa, nyeezaku, mbu̱ nga ɓa she nu nga ɓalar ye nu mbu̱ me ghiindiku, nga boota nu ndu̱ nu̱ma, mbu̱ na nga ɓa ye nu ndu̱ nu̱ zu̱r mban ɓa. Yang ɓalar zu̱ndi ɗyi nggur ɓa, ɓalar ɓu̱ Magham ɓa, yang nga shogakya ɓalar ɓu̱ Magham ye nu rong ɓa?

2 Korintiyeku 2:14

Nga kuna Magham, chin nu̱ka khaki nu̱ gume rem aakochi chem a ra wute mbe Masiya. A boote ndu̱ chem ma ɗyem chem a wopa Labar mbarkandi ɓu̱ Masiya aa fu̱n wa ɗye zhi mu̱nkandi nu̱ zhiran dlu̱ki aa fu̱n.

Afiseku 1:16

nang laada kuna Magham ku̱me tun ɓa. Yang nga ka shi nang sarchi nu̱ke nga barar ye nu.

1 Tasalonikeku 3:9

Chem ka shikya nyi pooni kuna ye Magham ku̱me pooni kashar nyem shiki gume Maghamndi ɓaarem ku̱me tuna?

2 Tasalonikeku 1:3

Nyeezerem, wa ku̱s ku̱ kuna mi Magham ku̱me tunu aakochi. Wa kha torop ku̱ shi mi wanang, ku̱me maito ɓaanu a gwaari maɗyi, ndolar nu̱ke tun a shiran ye yen a shaatar tu̱k.

2 Timoti 1:13

Khuɓ shogar zhirekandi no tu̱kki sha nang, tu̱ kha ma njiv shogar mbarkandi yoro, mbe maito ndu̱ ndolar nu̱ke ɗya ɓaarem mbe Masiya Yesu.

Filimon 1:4

Nga ka kuna Magham ku̱me to aakochi sarchi nu̱ke nga bararku ɓanga.

Yibraniyeku 11:8

Maito saki tu̱ Yibram mbu zu̱r ɓu̱ Magham tu̱ ku̱s njiv ma yir ye maa nggur zum nu̱ shiki alqawaran yenda za ka ɓa zu̱m ɗye mbu̱ ge ni. Tu̱ yang ku̱s njivi aa nu̱ke nu̱ zu̱n ye maa nu̱ke chin a yir su̱ ɓa.

Yibraniyeku 5:9

Ma nu̱ khaki nyeedlan, tu̱ kha ma dlu̱dlarsi ɗanar nu̱ke woɗa su̱ ɓa ye nduki nu̱ke a mbu su̱quran kap.

1 Biturus 1:22

Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.

1 Biturus 2:9

Yang ɓaanu, tun nduki nu̱ Magham datki ndu̱ varan tun tabar ɓu̱ kuruku ɓu̱ Kuji gwaanji. Tun dlar ghai shakhshakhndi tun nduki ɓu̱ Magham ma ku̱ wopa nu khamndiku ɓaran chin nu̱ qaki nu ɓar mbu̱ zhumi ma yir mbu̱ yarang ɓaran nu̱ke ɗya ɗye lazham.

1 Biturus 3:1

Tun nusuku ɓu̱rkandi vu̱r ma ɗyinonu ye zhimenu. Ku̱me mbu̱ khuzuku nggur chele ɓaanda nu̱ maita ɓalar ɓu̱ Magham ɓa, bai nu̱ ku̱nshe ɗye shir mbarkandiku ɓu̱ nusuki ɓaanda ka nggot ku, aa nduk a nje nu̱ shiki ɓala ye wor ɓa.

1 Biturus 4:17

Jiwa sarchi kumar nduki a ɓa. Yang ka nggaasan ndu̱ nduki ɓu̱ Magham. Mbu̱ yang ka nggaasi kumarang ndu̱ chem, ɓu̱ nduki nu̱ zhangki tu̱k Labar mbarkandi na viki she Magham ɗa ka kha kikimndana?

2 Yokhana 1:4

Nga kasha maɗyi nang naki ɓeeni qusonggi ɓaaro a mbu zhire nang, ba wa nu̱ Zhinkirang zu̱ki za shem.

3 Yokhana 1:3

Nga kasha maɗyi sarchi nu̱ ɓeeni nyeezerem a ɓa ki tu̱ zu̱ zhire ɓu̱ khar viti ɓaaro mbe zhire, ndu̱ mburi zhire nu̱ke ta san.