Romeku 6:16 - Mewar Alqawarang

¹⁶ Nun zu̱n za mbu̱ tun wa vu̱r vaanu ye njif nggur tun ki shi shimndi ɓaran, tun wa kha ma maavi ɓaran ɓa goma? Tun ka ɗu̱ma khar ma maavi ɓu̱ sola, nu̱ka ɓa ki ndu̱ mu̱ɗi, yang tun ka ɗu̱ma khar ma maavi ɓu̱ Magham, nu̱ka ɓa ki nu̱ dambu.

Romeku 6:16 ပူးပေါင်းရင်းမြစ်များ

Matta 20:4

Tu̱ ze wor za, ‘Ɗu̱ ma tu̱k tun a shi tlu̱nar ya mbu̱ dam ɓang ɓaa, ngga ɓiiro ro ndu̱ ɗyi nu̱ shipaki.’

Matta 6:24

“Sarda nduk ɓu̱ kha ma maavi ɓu̱ nu̱ rafti rap guma da ɓa, wa ku̱s ku̱ njig da to ku̱s da. Ka shi tlu̱nar zhirekandi ye dandang, tu̱ ndu̱m dandang. Sarda tom ɓu̱ ghar ghai ye Magham su̱yen ndu̱ shimndi mu̱zhin guma da ɓa.

Yokhana 8:34

Tu̱ Yesu zu̱ ye wor za, “Zhire, nga zu̱ran ye nu, kap nu̱ sola ɗya maavi ɓu̱ sola.

Romeku 11:2

Yang Magham nu̱ zhang nduki ɓaran nu̱ datki gumapaali ɓa. Tun wa zu̱n ɗyi nu̱ bu̱lar Ɓalar ɓu̱ Magham zu̱ki nu̱ ɗyine Iliya, Iliya wa gho ye Magham ɗyine Israila a zu̱ran za,

Romeku 12:1

Ku̱me nang, nyeezaku, nga khutonu, mbe khang nar zhiyaye ɓu̱ Magham tun vu̱r ɗyinonu wa sadke nu̱ nyifiri, shakhshakhndi, pooni sadke nu̱ke Magham a shimndan. Nang ke njiv tlu̱nar mbarkandi ye Magham.

Romeku 6:17

Yang Magham ɗye kuna, ku̱me aa nu̱ke ɗau fara tun maavi ɓu̱ sola, leendang tun a mbu shogar nyem shiki ye nu ndu̱ memu̱na nu da.

1 Korintiyeku 3:16

Alapa nun zu̱n za tun rafti ɓu̱ Magham ɓa goma, Jiimbi shakhshakhndi a nje kharan mbe nu?

1 Korintiyeku 5:6

Khamndi ɗyino nu nu̱ke tuna shiranang mbar ɓa. Nun zu̱n za yis koɗomma ke nu̱ sa ɓurti toli tu̱ ji ɓa goma?

1 Korintiyeku 6:2

Alapa nun zu̱n za nduki ɓu̱ Magham ka kumaki larji ɓa goma? Yang mbu̱ke tun ka kumaki larji, tun ɓu̱ ɗu̱ma kuma ɗyi pichichindiku nang ɓa?

1 Korintiyeku 6:3

Nun zu̱n za chem ka ɓa kumaki nu̱ ru̱ktiku ɓu̱ Magham ɓa goma? Yang mbu̱ chem ka kumaki wora, chem ka ku̱na kuma ɗyiku nu̱ke a ɗaatli mbu̱ larji nang mu?

1 Korintiyeku 6:9

Nun zu̱n za nu̱ mu̱narku ɓu̱ vi nu̱ mbu̱ kwaaɗar ɓu̱ Magham ku ɓa goma? Ku̱ nduk lamba nu ɓa ku̱me nu̱ zawar mbu̱ khu̱rti ku a nje, ndu̱ nu̱ ghaari ghai ye mu̱lu̱mku. Kom ndu̱ nu̱ ɓu̱rti ku nu̱ke a zawarku, ndu̱ khuzuku nu̱ nduki ka qanki ndu̱ wora, ndu̱ khuzuku nu̱ka qanki ndu̱ yen kom ndu̱ nusuku nu̱ka qanki ndu̱ yen.

1 Korintiyeku 9:13

Nun zu̱n za nduki nu̱ka shiki tlu̱nar mbu̱ rafti ɓu̱ Magham ka gwa ɗye zu̱mndi ɓaanda ye maaran de? Nu̱ tlu̱nar ɗyin du̱ku̱lang ka gwa me ɓaran mbu̱ sadke nu̱ du̱ngki nu̱ ɗyin du̱ku̱lang.

1 Korintiyeku 9:24

Tun wa zu̱n mbu̱ nduki a palam ɗari, chele ɓu̱ nu̱ ɗar kwang, aakya wuta ku̱ peeta nji mu̱dlen, yang nduk kaada ka gwaki ɗye ɓiirang ɓa goma? Ki ma pooni ɗar nu̱ke ka saki tun gwa ɗye ɓiirang ɗo.

2 Bitu̱rus 2:19

A da alqawar gwar ɗyin ye nduki, yang wor ndu̱ vaanda ɗya maavi ɓu̱ ɗye shir malkandi ku. Ku̱me nduk a khar maavi ɓu̱ ɗyi nu̱ke a zalale ndu̱ chin.