Romeku 5:8 - Mewar Alqawarang

⁸ Yang Magham wa wut ndolar ɓaran maɗyikandi yerem, ma nu̱ke ye sarchi nu̱ke chem a mbu̱ solar ɓaarem, Masiya mu̱tki ku̱me chem.

Romeku 5:8 ပူးပေါင်းရင်းမြစ်များ

Yokhana 15:13

Ndolar a nje nu̱ dukki nang ɓa, ku̱ nduk vu̱r nyifi ɓaran ku̱me raptan.

Yokhana 3:16

“Ji Magham wa ndola larji maɗyi, tu̱ vu̱r woi ɓaran khakandi chin ɗyenda, ku̱me aaki nu̱ maitaki nda, ɓu̱ sagha bam ɓa, yang ka gwa nyifi nu̱ke ɓu̱ shi woɗa ɓa.

Romeku 3:5

Yang nu̱ke tlu̱nar malkandi ɓaarem wa wut za ɗyi nu̱ Magham shikyang torop, chem ka zu̱ nyem za nu̱m ɗo? Mbu̱ Magham wa kuma rem chem ka zu̱ nyem za nu̱ shi torop ɓa mu? (Nang ke pooni konyi ɓu̱ nduku)

Romeku 4:25

Vu̱r Yesu ɓar tu̱ mu̱t ku̱me solarku ɓaarem, yang ji ndu̱ chin ɓar mbe mu̱ti tu̱ kha ndu̱ nyifiri ma ku̱ kha mi waare zop gume Magham.

Romeku 5:20

Vu̱r Bibitang ma ku̱ sola a vi ye dalangi. Yang sarchi nu̱ sola shaataki, tu̱ mu̱nkir ɓu̱ Magham shaata maɗyi.

Romeku 5:6

Jiwa ba ye sarchi nu̱ khaki torop, mbu̱ sarchi nu̱ke chem ku̱naki shaata vaarem, tu̱ Masiya mu̱t ku̱me chem, chem nu̱ke ɗye shir ɓaarem nu̱ kha torop ndu̱ shimndi ɓu̱ Magham ɓa.

Romeku 5:7

Ka shi shar ku̱ nduk mu̱t ku̱me nu̱ dambu. Yang bai njif nggur ka ɓu̱tl memu̱naran tu̱ mu̱t ku̱me nduk mbarkandi.

Romeku 8:32

Magham nu̱ nggu̱tlerem ndu̱ Yi ɓaran ɓa, tu̱ yang vu̱rti nda ku̱me chem kap. Yang Magham nu̱ vu̱rki Yi ɓaranang, ɓu̱ vu̱r aa nu̱m yerem kharan nggaran ɓa goma?

Romeku 8:39

aa kirti ɓu̱ tunu, aa mboɓong ɓu̱ ɗyen, aa ɗyi nggur zum mbu̱ du̱ngdiku ɓu̱ Magham nu̱ke a nje. Tun a nje aa da nu̱ke ka shakki rem ndu̱ ndolar ɓu̱ Magham nu̱ke a mbe Masiya Yesu Zhinerem gwaanji ɓa.

Galatiyeku 2:20

Wa kaatli nga gha su̱yen ndu̱ Masiya. Yang nga nje ndu̱ nyifi ɓa, Masiya kya khar mbya. Khar ɓang mbu̱ man var nang, nga shikya khar maito mbe Yi ɓu̱ Magham, chin nu̱ ndolaki nga tu̱ mu̱t ku̱me nga.

Afiseku 2:7

Yang Magham shi nang ma ku̱ wut mu̱nkir ɓaran nu̱ke koɗokhsi ɓa ye aa nyi sarchi nu̱ke a ɓari. Wut mu̱nkir ɓaran nang, mbe Masiya Yesu.

Afiseku 5:2

Tun shi khar viti ɓaanu mbe ndola ba wa nu Masiya ndolaki rem, tu̱ vu̱r ɗyinan ku̱me chem, vu̱rti nu̱ke zhiran mu̱ni, yang ɗya sadke nu̱ dlaki ye Magham.

1 Timoti 1:16

Yang tu̱ Magham tu̱k zhiyaye ɓanga, aa nu̱ke nga kuji sola, ma ku̱ nduki na kaɗanyi ɓu̱ Masiya Yesu nu̱ vya, tang kha ma ɗye saidu ye nduki nu̱ke a ma maita nda gana fan ma gwa nyifi nu̱ke ɓu̱ shi woɗa ɓa.

Yibraniyeku 8:3

Ka dat gorkir kuru ma vu̱r vu̱rtiku ndu̱ sadkeku. Wanang tu̱k wa shipa ku̱ gorkir ɓu̱ kuruku ɓaarem nang kha ndu̱ ɗyi nu̱ke chin ka vu̱rki.

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,

1 Yokhana 3:16

Wonji ɗyi nu̱ saki chem zu̱n nu̱m ke ndola, Yesu Masiya wa vu̱r nyifi ɓaran ku̱me chem. Wa shipa chem tu̱k vu̱r mi nyifi ɓaarem ku̱me nyeezerem.