Romeku 5:2 - Mewar Alqawarang

² Chem gwa mu̱nkir nu̱ke chem a mban nang nu̱ ku̱nshe maito ɓaarem. Chem a kashari ku̱me chem wa sa memu̱narem nu̱ ɗyine chem ka gwa zhaaji ɓu̱ Magham.

Romeku 5:2 ပူးပေါင်းရင်းမြစ်များ

Matta 25:21

“Tu̱ nu̱ rafti ɓaranang makhta za, ‘Kwaanggu̱rang, maavi mbarkandi nu̱ zhire! Ta shi zhire ɗyine ɗyi koɗommandi, ngga vu̱r ɗyi nu̱ dukki na yoro. A ɓo to shi kashar su̱yen ndu̱ nga.’

Yokhana 10:7

Ku̱me nang tu̱ Yesu ze wor tu̱k za, “Zhire nga zu̱ran ye nu, nga ke me vi ɓu̱ ndu̱ɓangkwang.

Yokhana 10:9

Nga ke me virang, njif nu̱ viki ku̱n sha ka gwa ɗanari, ka vi tu̱ vi nu̱ dam a khutlori.

Yokhana 14:6

Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Yokhana 5:24

“Zhire nga zu̱ran ye nu, njif nu̱ka tu̱kki ɓalar ɓanga, tu̱ka maita njif nu̱ ɗa ru̱kki nga, wa gwa nyifi nu̱ke ɓu̱ shi woɗa ɓa. Ɓu̱ kuma nda ɓa, wa woɗa lawar me mu̱ti wa gwa nyifiri.

Tlu̱nar ɓu̱ Pudeku 14:27

Nu̱ khu̱lki ku, tu̱ taba nu̱ mbu Yesu ku tu̱ vu̱r labar kap ɗyi nu̱ Magham shiki nu̱ ku̱nshe wora, kom ndu̱ njiv maito nu̱ Magham qu̱nki ye nduki nu̱ke ɗya Yakhudeku ɓa.

Romeku 11:20

Ɗyen wanang shwat! Yang ku̱rta wor ɓar ve man qu̱farang ku̱me song maito ɓaanda, to yang maito ɓa ka saki to zu̱m guma ndu̱ khar ve man qu̱farang. Ku̱me nang shi na me nggu̱nggal ɓa, to ka tu̱k kya sawa.

Romeku 12:12

Tun shi zhakhzhakh mbe sar memu̱nar nu̱ke tun a san, tun kha ndu̱ kanaɗyi mbe bonye, ki ma barar aakochi.

Romeku 14:4

To ki ɗo nu̱ke to ka kumaki maavi ɓu̱ njif nggurang na? Zhin nu̱ rafa ka kumaki nda. Yang wonji ka zu̱m loobo, ku̱me Zhinkir gwaanji ka ɗu̱ma sa nda tu̱ shi loobo.

Romeku 15:13

Bu ku̱ Maghamndi nu̱ka vu̱rki sar memu̱nari, nyeedlonu ndu̱ kashari ndu̱ qaandi memu̱nari wa nu̱ke tun a maita nda, ma ku̱ kha nu ndu̱ sar memu̱nar nyelkandi, nu̱ ku̱nshe zalale ɓu̱ Jiimbi shakhshakhndi.

Romeku 2:7

Nduki a nje nu̱ke a kaala gorkir ndu̱ zhaaji nu̱ke nu̱ka shi woɗa ɓa. Nang ke nduki nu̱ shiki mbarkir mbe kanaɗyi, wor ke nduki nu̱ke Magham a ma vu̱r ɗye ɓi nu̱ nyifiri nu̱ke ɓu̱ shi woɗa ɓa ye wora.

Romeku 3:23

jiwa aaki wa shi sola, tu̱ mbu̱ɗ gwar zhaaji ɓu̱ Magham.

Romeku 5:5

Yang sar memu̱nar nang ɓu̱ kha bam sar da ɓa, ku̱me Magham wa wuuta ndolar ɓaran yerem nu̱ mbu̱ memu̱narem nu̱ ku̱nshe Jiimbi shakhshakhndi nu̱ vu̱rki yerem.

Romeku 8:1

Ku̱me nang, ɓu̱ kuma mu̱ti ye nduki nu̱ke a mbe Masiya Yesu ɓa.

Romeku 8:24

Jiwa ɗana rem nu̱ ku̱nshe sar memu̱nar nang. Yang mbu̱ chem wa na ɗyi nyem saki memu̱na rem nu̱ ɗyinanang, ɗyen nu̱ kha ma sar memu̱na ɓa. Ki ka saki memu̱naran ma ku̱ gwa nji ɗyi nu̱ke a nje kha nda?

1 Korintiyeku 15:1

Yang leendang, nyeezaku, nga shim ku̱ kor nga Labar mbarkandi nang zu̱ki ye nwang ye nu, chin labar nun dlu̱ki, tun ching nu̱ ɗyinanang.

2 Korintiyeku 3:18

Chem nu̱ke mbu̱ yiterem lu̱paran ɓa, chem a wutkya yarang ɓu̱ zhaaji ɓu̱ Zhinkir gwaanji wa ɗye nari, a mbu̱mderem ma ku̱ shipa mi nda. Mbu̱mndi nu̱ke a shiran yerem nang ba a shaatar mbu̱ zhaaji na viki she Zhinkir gwaanji, nu̱ke ɗya Jiimba.

2 Korintiyeku 4:17

Jiwa bonye koɗommandi nu̱ke chem a zaran nang ɓu̱ shoɓ ɓa, yang ka vu̱r zhaaji khangndi yerem koɗokh si ɓa.

Afiseku 2:18

Ai, mbu̱r ɓaarem chem gwa zalale ɓar she Zhinkirang ve njiv da, nang ke Jiimbi shakhshakhndi.

Afiseku 3:12

Mbe nda kom ndu̱ mbe maitar nyem shiki yenda chem wa gwa du̱mbu̱r ɓar she Magham ndu̱ shokhku̱rokh me bu̱n sawa su̱ ɓa.

Afiseku 6:13

Ku̱me nang ghar ma ɗye dakhlarku ɓu̱ Magham kap ma ku̱ gwa nu tun ching gha shaanggu̱ɗang mbu̱ fu̱ɗar malkandi nang, mbu̱ tun wa woɗa aa nu̱m kap, tu̱ gwa nu chingndan.

2 Tasalonikeku 2:16

Bu ku̱ Zhinerem gwaanji Yesu Masiya ndu̱ ɗyinan, ndu̱ Magham Zhinkir ɓaarem, nu̱ke a ndolarem, vu̱r shokhku̱rokh me bu̱n yerem nu̱ke nu̱ka shi woɗa ɓa, ndu̱ sar memu̱nar mbarkandi nu̱ ku̱nshe mu̱nkir ɓaran.

Yibraniyeku 3:6

Yang Masiya ɗya nu̱ zhire mbe khar ɓaran Yi ɓu̱ Magham ɗyine nduki ɓu̱ Magham. Chem ke nduki ɓaran mbu̱ chem wa zu̱m guma ndu̱ shokhku̱rokh memu̱na, chem a sa memu̱narem su̱yen ndu̱ wakhti ɗyine ɗyiku nu̱ke chem a bu ɓar ɓaanda.

Yibraniyeku 6:18

Yang ɗo, ɗyiku a nje rap nu̱ke nu̱ka shi paata ɓa, yang ɓu̱ shi tu̱ Magham shi song zhire ɗyinan ɓa. Nu̱ke ɗyinang ɗya ɗye par du̱mbu̱r ye memu̱narem maɗyi, chem nyem ɗaki ku̱me gwami chem khuɓ maitwang, chem ka gwa par du̱mbu̱r maɗyi.

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,

Ɗyin mbu̱ tukari 21:11

Ghayang a wuti ndu̱ yarang ɓu̱ zhaaji ɓu̱ Magham, yarang ɓaran wa kha wa ndogdi nu̱ zhaaji, wa jaspa, a wuti yaryar wa ɗyim mbu̱ ndooga.

Ɗyin mbu̱ tukari 21:23

Yarang ɓu̱ fu̱ɗa ndu̱ chera ɓu̱ kha ndu̱ boota mbu̱ ghayang ɓa, ku̱me zhaaji ɓu̱ Magham kya vu̱r yarang yenda, Ye gamndang ke pitile ɓu̱ ghayang.

Ɗyin mbu̱ tukari 21:3

Tang tu̱k su̱qur ɓalar du̱mbu̱rkandi a vi she zhakhɗyang a zu̱ran za, “Leendang maa khar ɓu̱ Magham a su̱yen ndu̱ nduki! Ka kha gha su̱yen ndu̱ wora, ka kha ma nduki ɓaran. Magham ndu̱ ɗyinan ka kha gha su̱yen ndu̱ wora, tu̱ kha ma Maghamndi ɓaanda tu̱k.

Ɗyin mbu̱ tukari 3:21

Kap njif nu̱ raki wute, ngga sa nda tu̱ kha gha su̱yen ndu̱ nga wudle zhakhɗye kwaaɗar ɓanga, ba wa nang raki wute tang kha gha su̱yen ndu̱ Zhinkir ɓang wudle zhakhɗye kwaaɗar ɓaran.