Romeku 5:17 - Mewar Alqawarang

¹⁷ Solar ɓu̱ Adamu chin ɗyenda nu̱ saki tu̱ mu̱ti shi kwaaɗar ɗyine aaki nang, ɗya aa nu̱m ɓa mbu̱ ta gonta ndu̱ ɗyi nu̱ nduk kaadandi, Yesu Masiya nang a ɓa ki si. Chem gwa khang mu̱nkir ɓu̱ Magham ndu̱ vu̱rti nu̱ saki chem kha waare sola gume Magham nu̱ ku̱nshe nda. Chem ka shi kwaaɗar mbu̱ khar viti ɓaarem nu̱ ku̱nshe nda tu̱k.

Romeku 5:17 ပူးပေါင်းရင်းမြစ်များ

Matta 25:34

“Kom kujirang ka ze wor nu̱ ve bu̱n zu̱mang za, ‘A ɓa ma, tun nu̱ zhinkir ɓang shiki barke ye nu! Dlu̱ ma kwaaɗar nu̱ Magham daasaki ye nu ma ji ɗyin sarchi nu̱ shiki larji.

Yokhana 10:10

Nu̱ Muuru ka ɗa ɓakya ba ma muuru, ndu̱ tlaghar mu̱ti, ndu̱ su̱bu̱rti. Yang nga ɓakya ma ku̱ gwa nyifi ku, ku̱ yang gwa ndu̱ yele.”

Romeku 5:12

Sola a vi nu̱ mbu̱ larji nu̱ ku̱nshe nduk da, tu̱ solar nang a ɓa ndu̱ mu̱ti. Wanang tu̱k tu̱ mu̱ti mbu ɗyin nduki kap, ku̱me aaki wa shi sola.

Romeku 5:15

Yang vu̱rti ɓu̱ Magham nu̱ ɗa ɓa ki nu̱ ku̱nshe njif nu̱ke a ɓar nang, wa ngga yen maɗyi ndu̱ solar nu̱ Adamu shiki. Nu̱ke solar nu̱ nduk kaada shiki nang a ɓa ndu̱ mu̱ti ye nduki khang. Wanang tu̱k, mu̱nkir ɓu̱ Magham ndu̱ vu̱rti nu̱ ɗa ɓa ki nu̱ ku̱nshe nduk kaada, nang ke Yesu Masiya nu̱ vu̱rki barke gwaanji ye nduki khangndi nang wa duk naandang ɓakh maɗyi.

Romeku 5:20

Vu̱r Bibitang ma ku̱ sola a vi ye dalangi. Yang sarchi nu̱ sola shaataki, tu̱ mu̱nkir ɓu̱ Magham shaata maɗyi.

Romeku 6:14

Ku̱ sola shi kwaaɗar ɗyine nu ɓa, nu̱ke tun a mbu̱ bu̱n Bibitang ɓa, tun a mbu̱ bu̱n mu̱nki.

Romeku 6:23

Jiwa ɗye ɓi ɓu̱ sola chin ke mu̱ɗi, yang vu̱rti ɓu̱ Magham chin ke nyifi nu̱ke ɓu̱ shi woɗa ɓa, nu̱ ku̱nshe Masiya Yesu Zhinerem gwaanji.

Romeku 8:39

aa kirti ɓu̱ tunu, aa mboɓong ɓu̱ ɗyen, aa ɗyi nggur zum mbu̱ du̱ngdiku ɓu̱ Magham nu̱ke a nje. Tun a nje aa da nu̱ke ka shakki rem ndu̱ ndolar ɓu̱ Magham nu̱ke a mbe Masiya Yesu Zhinerem gwaanji ɓa.

1 Korintiyeku 15:49

Yang ba wa nyem daki shipar ɓu̱ njif nu̱ shiki nda ndu̱ kalau nang, chem ka da shipar ɓu̱ njif nu̱ ɗa ɓa ki viɗang tu̱k.

1 Korintiyeku 4:8

Nang tun wa woɗa gwa ɗyi nun shimki kap ɗo! Tun wa kha ma nu̱ gu̱narku! Tun wa zu̱m kuji, yang ɓaarem chem a mbu̱ aa nu̱m ɓa! Mbu̱ tu̱ga tun kuji yel, tu̱ga chem ka shi kwaaɗarang su̱yen ndu̱ tunu!

Filipiyeku 3:9

tang khan mbe nda tu̱k. Yang ku̱me dambi ɓang mbe mbu Bibiti ghaari ghai ɓa, kope nu̱ ku̱nshe dambi nu̱ nduk ka gwaki nu̱ ku̱nshe maito mbe Masiya, nang ke dambi nu̱ke nduk ka gwaki she Magham mbe maito.

1 Timoti 1:14

Mu̱nkir ɓu̱ Zhinerem gwaanji wa nyedli nga maɗyi su̱yen ndu̱ maito ndu̱ ndolar na viki she Masiya Yesu ya.

2 Timoti 2:12

Mbu̱ chem wa gu̱n memu̱na rem, chem ka shi kwaaɗar su̱yen ndu̱ chin. Mbu̱ chem wa keela zu̱ndi nda, ka keela tu̱k za nyin zu̱nderem ɓa.

Yaqub 2:5

Nyeezaku, ndolarku ɓanga! Tu̱k ma, woɗye ɗa, Magham nu̱ dat nu̱ nungndiku nu̱ mbu̱ larji nang tu̱ kha gu̱naranku mbu̱ maito de? Wor ke nduki nu̱ke a ma gwa ɗye mbu̱ ge kwaaɗar nu̱ shiki alqawaran ye nduki nu̱ke a ndola nda ɓa goma?

1 Biturus 2:9

Yang ɓaanu, tun nduki nu̱ Magham datki ndu̱ varan tun tabar ɓu̱ kuruku ɓu̱ Kuji gwaanji. Tun dlar ghai shakhshakhndi tun nduki ɓu̱ Magham ma ku̱ wopa nu khamndiku ɓaran chin nu̱ qaki nu ɓar mbu̱ zhumi ma yir mbu̱ yarang ɓaran nu̱ke ɗya ɗye lazham.

Ɗyin mbu̱ tukari 1:6

Chin gaɓki ndu̱ chem, chem kha ma kwaaɗari ndu̱ kuruku ma tlu̱nar ye Magham ndu̱ ɓaran nu̱ Zhin. Ku̱me nang bu ku̱ Yesu Masiya dlu̱ zhaaji ndu̱ kwaaɗar koɗokhsi sar da ɓa! Amin.

Ɗyin mbu̱ tukari 20:4

Kom tang na zhakhɗye ku, ndu̱ nduki nu̱ vu̱rki zalale kumar ye wora kharan ɗyinang. Yang tang na nyifiku ɓu̱ nduki nu̱ ɗakhki ɗyin wor nu̱gha ku̱me wa saida Yesu, ndu̱ ɓalar ɓu̱ Magham. Wor ke nduki nu̱ke nu̱ ghar ghai ye dlu gaari nang ɓa, yang nu̱ shi ye shipar ɓaranang zum ɓa. Nu̱ dlu̱ bakhti ɓu̱ dlu gaari nang nu̱ ve me guma wor ɓa yang ve khar wor ɓa. Wor a gaɓki tu̱ kha ndu̱ nyifiri tu̱k, tu̱ shi kwaaɗar ku su̱yen ndu̱ Masiya me sonyi du̱pu.

Ɗyin mbu̱ tukari 20:6

Nduki nu̱ gwaki jiiri mbe mu̱ti nu̱ gumapaali nang, ɗya nu̱ barka ku yang shakhshakh ku tu̱k. Zalale kha mu̱ti nu̱ rap ɗyine wor ɓa, ka kha ma kuruku ɓu̱ Magham ndu̱ ɓu̱ Masiya, ka shi kwaaɗar ku ndu̱ chin tu̱k me sonyi du̱pu.

Ɗyin mbu̱ tukari 22:5

Virkir nje tu̱k ɓa, ɓu̱ gang pitile ku ɓa yang yarang fu̱ɗa ɓa, ku̱me Magham Zhinkir gwaanji ka vu̱rki yarang ye wora. Ka shi kwaaɗar ku koɗokhsi ɓa.

Ɗyin mbu̱ tukari 3:21

Kap njif nu̱ raki wute, ngga sa nda tu̱ kha gha su̱yen ndu̱ nga wudle zhakhɗye kwaaɗar ɓanga, ba wa nang raki wute tang kha gha su̱yen ndu̱ Zhinkir ɓang wudle zhakhɗye kwaaɗar ɓaran.