Romeku 5:15 - Mewar Alqawarang

¹⁵ Yang vu̱rti ɓu̱ Magham nu̱ ɗa ɓa ki nu̱ ku̱nshe njif nu̱ke a ɓar nang, wa ngga yen maɗyi ndu̱ solar nu̱ Adamu shiki. Nu̱ke solar nu̱ nduk kaada shiki nang a ɓa ndu̱ mu̱ti ye nduki khang. Wanang tu̱k, mu̱nkir ɓu̱ Magham ndu̱ vu̱rti nu̱ ɗa ɓa ki nu̱ ku̱nshe nduk kaada, nang ke Yesu Masiya nu̱ vu̱rki barke gwaanji ye nduki khangndi nang wa duk naandang ɓakh maɗyi.

Romeku 5:15 ပူးပေါင်းရင်းမြစ်များ

Matta 20:28

Wanang ni, Yi ɓu̱ Nduk na ɓa ku̱ nduki shi tlu̱nar maava yenda ɓa, a ɓa kya ma tlu̱na, kom ku̱ vu̱r nyifi ɓaran ma ɗanar nduki khang.”

Matta 26:28

Ku̱me nang ɗya tom ɓanga, nu̱ nyedli alqawar nu̱ke a ma mbu̱ti ku̱me nduki khang ma ndu̱m sola.

Yokhana 3:16

“Ji Magham wa ndola larji maɗyi, tu̱ vu̱r woi ɓaran khakandi chin ɗyenda, ku̱me aaki nu̱ maitaki nda, ɓu̱ sagha bam ɓa, yang ka gwa nyifi nu̱ke ɓu̱ shi woɗa ɓa.

Yokhana 4:10

Tu̱ Yesu tlogha yenda za, “Mbu̱ ta zu̱n vu̱rti ɓu̱ Magham, ndu̱ njif nu̱ khuɗki ɗyim kha nang, tu̱ga ta khuti nda ka vu̱r ɗyim nu̱ka vu̱rki nyifiri yoro.”

Tlu̱nar ɓu̱ Pudeku 15:11

Chem wa maita nu̱ ɗyine chem gwa ɗanar nu̱ ku̱nshe mu̱nkir ɓu̱ Yesu, ba wa nu̱ gwaki ku.”

Romeku 5:12

Sola a vi nu̱ mbu̱ larji nu̱ ku̱nshe nduk da, tu̱ solar nang a ɓa ndu̱ mu̱ti. Wanang tu̱k tu̱ mu̱ti mbu ɗyin nduki kap, ku̱me aaki wa shi sola.

Romeku 6:23

Jiwa ɗye ɓi ɓu̱ sola chin ke mu̱ɗi, yang vu̱rti ɓu̱ Magham chin ke nyifi nu̱ke ɓu̱ shi woɗa ɓa, nu̱ ku̱nshe Masiya Yesu Zhinerem gwaanji.

2 Korintiyeku 5:14

Jiwa ndolar ɓu̱ Masiya rosaki rem tu̱ sa chem maita nu̱ ɗyine nduk da wa mu̱t ku̱me nduk kap, ku̱me nang aaki wa mu̱t tu̱k.

2 Korintiyeku 9:15

Kuna mi Magham ku̱me mu̱nkir ɓaran nu̱ peetaki me zu̱r ɓu̱ nduku.

Afiseku 2:8

Ai, mu̱nkir ɓu̱ Magham saki tun gwa ɗanar nu̱ ku̱nshe maito ɓaanu. Tun shiki ɓa, ɗya mu̱nkir ɓu̱ Magham.

Yibraniyeku 2:9

Chem nakya Yesu nu̱ saki tu̱ kata nu̱ ru̱ktiku ɓu̱ Magham me sarchi koɗomma. Yang leendang wa vu̱r zhaaji ndu̱ gorkir yenda ku̱me wa shi bonye nu̱ ku̱nshe mu̱nkir ɓu̱ Magham ka dar mu̱ɗi me ɓu̱ nduk kap.

1 Yokhana 2:2

Chin ke sadke yaapar solar ɓaarem yerem, yang ɓaarem ɗyenda ɓa, ndu̱ solarku ɓu̱ larji gumada.

1 Yokhana 5:11

Yang nang ke saidwang: Magham wa vu̱r nyifi yerem nu̱ke nu̱ka shi woɗa ɓa, yang nyifi nang a mbe Yi ɓaran.