Romeku 4:18 - Mewar Alqawarang

¹⁸ Aa nu̱ke Yibram wa sa memu̱naran, tu̱ ɗyen kha wa ɓu̱ shi ɓa, yang nu̱ fet memu̱naran ɓar ɓa, tu̱ zu̱m guma ndu̱ sar memu̱naran su̱yen ndu̱ maitaran. Tu̱ yang kha ma zhin me ghaiku khang, nang ke alqawar nu̱ shiki yenda za, “Qusonggi ɓa ka shi khang wanang.”

Romeku 4:18 ပူးပေါင်းရင်းမြစ်များ

Luka 1:18

Tu̱ Zakariya tlogha za, “Ɗyinang ka shi kikimnda? Wonji nga ndu̱ nokhza kap chem wa geema.”

Tlu̱nar ɓu̱ Pudeku 27:25

Ku̱me nang tun gu̱n memu̱na nu, nduki, nga maita Magham nu̱ ɗyine ɗyinang ka shi ba wa nu̱ zu̱ki ya.

Romeku 4:17

Ba wa nu̱ke a nje bu̱laran za, “Ngga sa to kha ma zhinkir ɓu̱ me ghaiku khang.” Shi alqawar nang ye Yibram, ku̱me wa maita Magham, chin nu̱ka jiiki ndu̱ mu̱ti tu̱ kha ndu̱ nyifiri, tu̱ qa ɗyi nu̱ke a nje ɓa ku̱ kha wa a nje, tu̱ yang shi.

Romeku 4:19

Yang ye sarchi ni, sonyi ɓu̱ Yibram wa shi wa sonyi won ka, yang nu̱ maito ɓaran kata ɓa, aa nu̱ke du̱mbu̱r ɓaran wa woɗa ku̱me wa geema, wonji chin Saratu nokhzan, wa peeta me khar woi.

Romeku 5:5

Yang sar memu̱nar nang ɓu̱ kha bam sar da ɓa, ku̱me Magham wa wuuta ndolar ɓaran yerem nu̱ mbu̱ memu̱narem nu̱ ku̱nshe Jiimbi shakhshakhndi nu̱ vu̱rki yerem.

Romeku 8:24

Jiwa ɗana rem nu̱ ku̱nshe sar memu̱nar nang. Yang mbu̱ chem wa na ɗyi nyem saki memu̱na rem nu̱ ɗyinanang, ɗyen nu̱ kha ma sar memu̱na ɓa. Ki ka saki memu̱naran ma ku̱ gwa nji ɗyi nu̱ke a nje kha nda?

Yibraniyeku 6:19

Chin sar memu̱nar ɓaarem nang saki chem ching gha shaanggu̱ɗang waare sawa. Yesu viki nu̱ mbu mbu maɗyi, tu̱ ɗu̱ qu̱rse kapar nu̱ke a mbu̱ rafti ɓu̱ Magham nu̱ke a viɗang me ɓaarem.