Romeku 4:16 - Mewar Alqawarang

¹⁶ Ku̱me nang, alqawarang a ɓa mbe maito. Shi alqawarang shwat, ma ku̱ kha ma mu̱nkir ɓu̱ Magham ye qusonggi ɓu̱ Yibram kap. Yang ye qusonggi ɓaran nu̱ke a mbu̱ bu̱n Bibitang ɗyenda ɓa, ye qusonggi ɓaran nu̱ maitaki ba wa nu̱ Yibram shikyang tu̱k. Yibram ke zhinerem kap.

Romeku 4:16 ပူးပေါင်းရင်းမြစ်များ

Luka 19:9

Tu̱ Yesu ze nda za, “Meeni ɗanar a vi nu̱ mbu̱ rafti nang, ku̱me njif nang ɗya pooni ɓu̱ Yibram tu̱k.

Romeku 15:8

Jiwa nga zu̱ran ye nu nu̱ ɗyine Masiya wa kha ma nu̱ tlu̱nar ye Yakhudeku ma ku̱ wut zhire ɓu̱ ɓalar ɓu̱ Magham, tu̱ wut zhire ɓu̱ alqawar nu̱ shiki ye zhikankirku ɓaanda.

Romeku 3:22

Chin dambi nu̱ka ɓa ki she Magham nang, nduki nu̱ maitaki kap ka gwa nu̱ ku̱nshe maito mbe Yesu Masiya. Nduk a nje nu̱ khaki zum ɓa,

Romeku 3:30

ku̱me Magham kaada, ka sa tu̱ nduki nu̱ke su̱ wor dlaran gwa khar waare sola gume nda nu̱ ku̱nshe maito. Wanang tu̱k, nduki nu̱ke su̱ wor dlaran ɓa ka gwa khar waare sola gume Magham nu̱ ku̱nshe maito dandi nang.

Romeku 4:11

Ye sarchi nu̱ shiki ɓalar dlarsi yendang, shi ma ku̱ kha ma saidu dambi nu̱ gwaki ku̱me maito ɓaran, ku̱me sarchi ni san dlaran ɓa ɗo. Ku̱me nang Yibram wa kha ma zhinkir ɓu̱ nduki nu̱ maitaki Magham, nu̱ daki wor ma nu̱ dambu, aa nu̱ke nu̱ dla su̱ wor nu̱gha ɓa.

Romeku 5:1

Nu̱ke chem wa kha waare sola gume Magham nu̱ ku̱nshe maito, chem wa gwa qaandi memu̱na chele ɓaarem ndu̱ Magham nu̱ ku̱nshe Zhinerem gwaanji Yesu Masiya.

Romeku 9:8

Nang a wutan za qusonggi nu̱ Yibram khaki ke qusonggi ɓu̱ Maghamang ɓa, qusonggi nu̱ gwaki nu̱ ku̱nshe nyedli alqawarang, ke qusonggi ɓu̱ Yibram zhirekandi.

Galatiyeku 3:14

Masiya Yesu dli ɗyineremang ma ku̱ barke nu̱ vu̱rki ye Yibramang khan ɗyine nduki nu̱ ke ɗya Yakhudeku ɓa tu̱k. Nang ke ɗyi nu̱ saki chem gwa Jiimbi nu̱ shiki alqawaranang nu̱ ku̱nshe maito nyem shiki.

Galatiyeku 3:16

Wanang tu̱k, Magham wa ching ndu̱ alqawar gha chele ɓaran ndu̱ Yibram ndu̱ pooni ɓaran tu̱k. Lagarkatang nu̱ zu̱ za, “Ndu̱ pooniku” ɓaran ɓa, ma ku̱ taman mi za wor khang. Zu̱ za, “pooni ɓaaro” nduk kaada, chin ke Masiya.

Galatiyeku 3:22

Yang bu̱lar Ɓalar ɓu̱ Maghamang zu̱ za larji kap a khar maavi ɓu̱ sola. Shi wanang ku̱me ku̱ vu̱r alqawar nu̱ shiki nu̱ ku̱nshe maitar Yesu Masiya ye nduki nu̱ maitaki.

Afiseku 2:5

ba ye sarchi nu̱ke chem mu̱tan mbu̱ solarku ɓaarem, tu̱ vu̱r nyifiri yerem su̱yen ndu̱ Masiya. Ɗana nu nu̱ ku̱nshe mu̱nkir ɓaran.

Afiseku 2:8

Ai, mu̱nkir ɓu̱ Magham saki tun gwa ɗanar nu̱ ku̱nshe maito ɓaanu. Tun shiki ɓa, ɗya mu̱nkir ɓu̱ Magham.

Titus 3:7

Shi wanangang ma ku̱ gwa mi khar waare zop gume Magham nu̱ ku̱nshe mu̱nkir ɓaran, chem zu̱m ɗye mbu̱ ge nyifiri nu̱ke nu̱ka shi woɗa ɓa nu̱ke memu̱na rem saran ɗyinan.

2 Bitu̱rus 1:10

Ku̱me nang, nyeezaku, shaata ma kasha wutan nu̱ ɗyine Magham wa qa nu tu̱ daato nu. Mbu̱ tun wa shi wanang tun ɓu̱ nggu̱ɗ sar da ɓa.