Romeku 4:11 - Mewar Alqawarang

¹¹ Ye sarchi nu̱ shiki ɓalar dlarsi yendang, shi ma ku̱ kha ma saidu dambi nu̱ gwaki ku̱me maito ɓaran, ku̱me sarchi ni san dlaran ɓa ɗo. Ku̱me nang Yibram wa kha ma zhinkir ɓu̱ nduki nu̱ maitaki Magham, nu̱ daki wor ma nu̱ dambu, aa nu̱ke nu̱ dla su̱ wor nu̱gha ɓa.

Romeku 4:11 ပူးပေါင်းရင်းမြစ်များ

Matta 16:16

Kom tu̱ Siman Biturus tlogha za, “To ke Masiya, Yi ɓu̱ Magham nu̱ nyifiri.”

Matta 8:11

Nga zu̱ran ye nu, nduki khang ku nu̱ke ɗya Yakhudeku ɓa ka ɗa vi ku ɗokhatla ndu̱ mugu tu̱ kha gha ku maa zu̱m ɗye zu̱mndi su̱yen ndu̱ Yibram ndu̱ Yishaku, ndu̱ Nyagham mbu̱ kwaaɗar viɗi.

Luka 19:9

Tu̱ Yesu ze nda za, “Meeni ɗanar a vi nu̱ mbu̱ rafti nang, ku̱me njif nang ɗya pooni ɓu̱ Yibram tu̱k.

Yokhana 3:33

Yang kap njif nu̱ dlu̱ki saidu ɓaran wa wuɗ nu̱ ɗyine Magham ɗya nu̱ zhire.

Yokhana 3:36

Aaki kya maita Woyang, wa gwa nyifi nu̱ke ɓu̱ shi woɗa ɓa. Yang aaki nu̱ zhangki Woyang, ɓu̱ na nyifi ɓa, yang shokhnar ɓu̱ Magham a nje kharan ɗyine nda.”

Yokhana 6:35

Tu̱ Yesu tlogha ye wor za, “Nga ke ɗye zu̱mndi nu̱ka vu̱rki nyifi, njif nu̱ ɗa ɓa ki sha ɓu̱ tu̱k meeri gana fan ɓa, yang tu̱k njif nu̱ maitaki nga sar da ɓu̱ tu̱k khuzhum ɓa.

Yokhana 6:40

Ku̱me nang ke shimndi ɓu̱ Zhinkir ɓanga, kap njif nu̱ke a nggu̱t Woyang, tu̱ ki maita nda wa gwa nyifi nu̱ke ɓu̱ shi woɗa ɓa, yang nga ka da nda nu̱ viɗi fu̱ɗar wuri.”

Yokhana 6:47

Zhire, nga zu̱ran ye nu, aaki maitaki wa gwa nyifi nu̱ke ɓu̱ shi woɗa ɓa.

Yokhana 8:33

Tu̱ tlogha yenda ku za, “Ai, chem pooni ɓu̱ Yibram, sar da nyem shi khar maava ɓa. Yang nu̱m saki to zu̱ za chem ka dli ɗyineremang na?”

Romeku 10:11

Ba wa nu̱ Bu̱lar Ɓalar ɓu̱ Magham zu̱ki za, “Kap njif nu̱ maitaki nda ɓu̱ tu̱k kawa ɓa.”

Romeku 10:4

Masiya ke lauɗar su̱ Bibitang, ma ku̱ aaki nu̱ maitaki nda kha ma nu̱ dambu gume Magham.

Romeku 10:6

Yang wonji ɗyi nu̱ Bu̱lar ɓalar ɓu̱ Magham zu̱ki ɗyine gwar khar waare sola nu̱ ku̱nshe maito, “Zu̱ na mbu̱ memu̱na no za, ‘Ki ka dlaki nu̱ viɗa?’ ” (Ma ku̱ ɗa zhur ndu̱ Masiya).

Romeku 3:22

Chin dambi nu̱ka ɓa ki she Magham nang, nduki nu̱ maitaki kap ka gwa nu̱ ku̱nshe maito mbe Yesu Masiya. Nduk a nje nu̱ khaki zum ɓa,

Romeku 3:26

Shi wanang ma wut nji mbu̱ qaandiku nang za ɗyi nyin shiki zhwang torop, kom ku̱ gaɓ ndu̱ njif nu̱ maitaki Yesu tu̱ kha waare zop gume nda.

Romeku 3:30

ku̱me Magham kaada, ka sa tu̱ nduki nu̱ke su̱ wor dlaran gwa khar waare sola gume nda nu̱ ku̱nshe maito. Wanang tu̱k, nduki nu̱ke su̱ wor dlaran ɓa ka gwa khar waare sola gume Magham nu̱ ku̱nshe maito dandi nang.

Romeku 4:10

Yang qa nda nu̱ mbu̱ nu̱ dambyang ye nyi sarcha? Qa nda me ku̱ dla san mu yang qu̱rse wa dla san nu̱gha mu? Ai, qa nda me ku̱ dla san nu̱gha.

Romeku 9:30

Yang chem ka zu̱ nyem za nu̱m ɗo? Nduki nu̱ke ɗya Yakhudeku ɓa nu̱ laɓ khar ma nu̱ dambu gume Magham ɓa, yang tu̱ gwa ku. Khar ma nu̱ dambu gume Magham nu̱ gwaki ku nang, ɗya pooni khar dambi nu̱ke nduk ka gwaki nu̱ ku̱nshe maito.

Romeku 9:33

Ba wa nu̱ke a nje bu̱laran za, “Wonji nga sa ndogdi ɓang nu̱ Sikhiyona, ndogdi jiiri saari. Ndogdi nu̱ke ka saki nduki khang tu̱ njimi. Yang aaki maitaki nda ɓu̱ tu̱k kawa ɓa.”

Romeku 9:6

Yang nang nu̱ wut nu̱ ɗyine Magham wa ku̱na nyel alqawar ɓaran ye Israila ɓa. Ku̱me kap ndukiku Israila ke pooni ɓu̱ Israila ɓa.

2 Korintiyeku 1:22

Wa sa ɗyi nu̱ saidaki za chem ɓaran nu̱ ɗyinerem, tu̱ sa Jiimbi ɓaran nu̱ mbu̱ memu̱narem mu̱nki. Ma ku̱ wut chem ku̱si ɓaran dong ma ku̱ wut ɗyi nu̱ke a ɓar gana fan.

Galatiyeku 3:22

Yang bu̱lar Ɓalar ɓu̱ Maghamang zu̱ za larji kap a khar maavi ɓu̱ sola. Shi wanang ku̱me ku̱ vu̱r alqawar nu̱ shiki nu̱ ku̱nshe maitar Yesu Masiya ye nduki nu̱ maitaki.

Galatiyeku 3:29

Yang mbu̱ tun ɓu̱ Masiya, tun wa kha ma pooni ɓu̱ Yibram, tun ka gwa ɗye mbu̱ ge ɓu̱ Magham viɗ ɗyine alqawarang.

Galatiyeku 3:7

Yang ɗo, zu̱n man gha nu̱ ɗyine nduki nu̱ maitaki Magham wor ke qusonggi ɓu̱ Yibram.

Galatiyeku 5:5

Yang ɓaarem, chem wa sa memu̱narem nu̱ ɗyine Magham ka sa chem gwa khar waare sola gume nda. Nang ke ɗyi nu̱ke chem a buran nu̱ ku̱nshe Jiimbi shakhshakhndi nu̱ke a tlu̱nar mbe maitar Masiya nyem shiki.

Galatiyeku 6:16

Ku̱ qaandi memu̱nar ndu̱ nar zhiyaye kha nduki nu̱ke a mbu mewar bibiti nang, nang ke nduki nu̱ mburiku zhirekandi kap ndu̱ Israila nu̱ke ɓu̱ Magham.

Afiseku 1:13

Tun wa kha ma nduki ɓu̱ Magham tu̱k nu̱ ku̱nshe Masiya, sarchi nun tu̱kki ɓalar zhire, nang ke Labar mbarkandi nu̱ ɗa ɓa ki ndu̱ ɗanar ye nu. Ye sarchi nun maitaki Masiya, Magham wa sa yitu̱m ɓaran nu̱ ɗyine nu nu̱ shiki alqawar vu̱rti Jiimbi shakhshakhndi ɓaran ye nu.

Afiseku 4:30

Ku̱r ma vaanu, ku̱ su̱bu̱r nu memu̱na Jiimbi shakhshakhndi ɓu̱ Magham nu̱gha ɓa, ku̱me chin ke saidu ɓu̱ Magham nu̱ke ka naki nu̱ si Fu̱ɗar wuri za tun ɓaran.

Filipiyeku 3:9

tang khan mbe nda tu̱k. Yang ku̱me dambi ɓang mbe mbu Bibiti ghaari ghai ɓa, kope nu̱ ku̱nshe dambi nu̱ nduk ka gwaki nu̱ ku̱nshe maito mbe Masiya, nang ke dambi nu̱ke nduk ka gwaki she Magham mbe maito.

Yibraniyeku 11:7

Ɗya maito saki tu̱ Nukhu mbu zu̱r ɓu̱ Magham tu̱ kwaɗa du̱mbu̱l ɗyimi ma ɗana rafti ɓaran, qu̱rse Magham wa wuri nda nu̱ ɗyine ɗyiku nu̱ke nu̱ nduk na dong ɓa. Nang saki tu̱ larji gwa kumari, tu̱ chin yang gwa ɗye mbu̱ ge dambi nu̱ ka gwaki nu̱ ku̱nshe maito.

2 Bitu̱rus 1:1

A vi she Siman Biturus, maavi ndu̱ pude ɓu̱ Yesu Masiya, ma yir she nduki nu̱ gwaki maito nu̱ zhaaji ba wa nyem gwaki, nu̱ ku̱nshe dambi ɓu̱ Maghamndi ɓaarem ndu̱ Nu̱ Ɗanar rem Yesu Masiya.

Ɗyin mbu̱ tukari 9:4

Tu̱ ze wor za ku̱ su̱bu̱r wuzu̱ndi ku ndu̱ qu̱farku ndu̱ ɓanar ɗyi nggur nu̱ larji ɓa, kope nduki nu̱ke yitu̱m ɓu̱ Magham a nje me guma wor ɓa.