Romeku 3:5 - Mewar Alqawarang

⁵ Yang nu̱ke tlu̱nar malkandi ɓaarem wa wut za ɗyi nu̱ Magham shikyang torop, chem ka zu̱ nyem za nu̱m ɗo? Mbu̱ Magham wa kuma rem chem ka zu̱ nyem za nu̱ shi torop ɓa mu? (Nang ke pooni konyi ɓu̱ nduku)

Romeku 3:5 ပူးပေါင်းရင်းမြစ်များ

Romeku 12:19

Raptaku, ku̱ kha nu ma nduki nu̱ka dliiki gaɗa ɓa, njig ma tu̱ Magham dli gaɗe ni ye nu ndu̱ shokhnar ɓaran. Ku̱me a nje bu̱laran ɗo za, “Nga ke nu̱ dli gaɗa, yang ngga dli gaɗe ni, Zhinkir gwaanji zu̱ki nang.”

Romeku 2:5

Yang kaaku̱ɗakh ɗyin, ndu̱ kaaku̱ɗakh memu̱nar nu̱ke ta shiran nang, ta tabakya kumar ye ɗyinoro, yang a buroro ye Fu̱ɗar shokhnar ɓu̱ Magham, nang ke sarchi nu̱ke a ma wut kumar toropndi ɓu̱ Magham.

Romeku 3:19

Chem wa zu̱n nu̱ ɗyine ɗyi nu̱ Bibitang zu̱ki kap, a zu̱ran ye nduki nu̱ke a mbu̱ bu̱n Bibitang. Shi wanang ma ku̱ nduk gwa ɗye zu̱ ɓa, tu̱ larji kap khan mbe kumar ɓu̱ Magham.

Romeku 3:7

Yang mbu̱ kotame ɓang wa sa zhire ɓu̱ Magham tu̱ ɗa vi ye dalang maɗyi, tu̱ kha ma ɗye vu̱rti zhaaji ye Magham, nu̱m saki ka kumaki nga za nga nu̱ sola?

Romeku 4:1

Yang chem ka zu̱kya nu̱m ɗyine Yibram, zhikan zhikanerema? Zu̱nkya nu̱m ɗyine ɓalar maito nang ɗo?

Romeku 5:8

Yang Magham wa wut ndolar ɓaran maɗyikandi yerem, ma nu̱ke ye sarchi nu̱ke chem a mbu̱ solar ɓaarem, Masiya mu̱tki ku̱me chem.

Romeku 6:1

Nang chem ka zu̱ nyem za nu̱m ɗo? Zu̱m mi guma ndu̱ sola ma ku̱ mu̱nkir ɓu̱ Magham shaata mu?

Romeku 6:19

Nga shikya pooni ɓalar ɓu̱ nduk ye nu, ku̱me tu̱ɓti ɓaanu nu̱ me ɓu̱ nduku. Ɗau fara tun wa su̱n ndu̱ vu̱rti me bar ɓaanu ma tlu̱na ɗye zhaaneku, ndu̱ mu̱nar nu̱ke a zu̱m guma ndu̱ shaatari aakochi. Yang leendang vu̱r ma me bar ɓaanu ye tlu̱nar dambu, tun kha wakaran.

Romeku 7:7

Yang ɗa, chem ka zu̱ nyem za nu̱m ɗo? Bibitang ɗya sola mu? Wanang sar da ɓa! Mbu̱ ku̱me Bibitang ɓa, ngga zu̱n ɗyi nu̱ke ɗya sola kikimndana? Mbu̱ tu̱ga nu̱ bibitang zu̱ za, “Shi na melakh ɗyi ɓu̱ njif nggur ɓa” Ai, ngam ɓu̱ zu̱n nu̱m ke melakh ɗyi ɓu̱ njif nggur ɓa.

Romeku 8:31

Yang chem ka zu̱ nyem za nu̱m mbu̱ ɓalar nangang na? Nu̱ke Magham kya ji sarem, ki ka shiki kare ndu̱ chema?

Romeku 9:30

Yang chem ka zu̱ nyem za nu̱m ɗo? Nduki nu̱ke ɗya Yakhudeku ɓa nu̱ laɓ khar ma nu̱ dambu gume Magham ɓa, yang tu̱ gwa ku. Khar ma nu̱ dambu gume Magham nu̱ gwaki ku nang, ɗya pooni khar dambi nu̱ke nduk ka gwaki nu̱ ku̱nshe maito.

1 Korintiyeku 15:32

Ye tamandi ɓaanu dakhlar nang shiki ndu̱ dlu gaariku Afisa nang, mbu̱ nga shi ku̱me ɗyi nu̱ke nduki ka saki memu̱na wor nu̱ ɗyinan, ngga gwakya nu̱m mban ɗo, mbu̱ke mu̱tiku ɓu̱ ji ɓa? “Bu zu̱m mi chem za, nu̱ke wuri chem a ma mu̱ti.”

1 Korintiyeku 9:8

Ɗyi nu̱ke nga ɓalar ɗyinan nang ɗya zu̱r ɓu̱ nduk ɗyenda mu? Nu̱ Bibiti ɓu̱ Musa zu̱ wanang de?

2 Korintiyeku 6:4

Me ɓu̱ nang, chem a wutan ye nduki nu̱ ɗyine chem nu̱ tlu̱narku ɓu̱ Magham ve aa nyi njiva. Chem a gu̱n memu̱narem, mbe damtarku ndu̱ bonye ndu̱ palase.

2 Korintiyeku 7:11

Na ma ɗyi nu̱ su̱bu̱rti mbi nu̱ Magham njigki ku̱ gwaanu nang a ɓa ki si ye nu. Wa sa nu tun wut maa nu̱ke nun shi torop ɓa. Wa sa tun shi shokhnari, tun tu̱k sawar tu̱k. Wa sa tun sa memu̱na nu, nun ndola vaanu ɓa. Tun daasaran ma ku̱ wu nu aaki nu̱ shiki zop wa nu̱ shipaki. Ve ɓalar nang tun wa wut mbe anyi njiva nu̱ ɗyine nun shi zop ɓa.

Galatiyeku 2:18

“Mbu̱ yang nga gaɓ tang ki du̱n ɗyi nang gu̱ɗaki nu̱ gha, nga kha ma nu̱ zhar bibitang.

Galatiyeku 3:15

Nyeezaku, bu wut nga ye nu mbe ɗyi nyem ka shiki meeni ndu̱ wuri. Mbu̱ nduki rap wa ching alqawar gha chele ɓaanda, tu̱ yang sa khar wora ma ku̱ kha ma saidu ɓu̱ alqawar nu̱ wor daki, nduk a nje nu̱ke ka laadaki nu̱ gha ɓa, yang nduk ɓu̱ paata ɗyi nggur nu̱gha mban zum ɓa.

Ɗyin mbu̱ tukari 15:3

A qa taazi ɓu̱ Musa maavi ɓu̱ Magham, ndu̱ taazi ɓu̱ Ye gamndang, a zu̱ran ku za, “Tlu̱narku ɓaa gori, a khar ɗye lazham yerem to Magham Zhinkir gwaanji nu̱ zalale aa nu̱m kap! Njiv ɓaa ku ɗya shir jeembu, ndu̱ zhire tu̱k, to Kuji ɓu̱ maaku!

Ɗyin mbu̱ tukari 18:20

Shi kashari ɗyine nda, to mbu̱ viɗi! Shi ma kashari ɗyine nda, tun nduki ɓu̱ Magham ndu̱ pudeku ndu̱ annabiku! Jiwa Magham wa kuma nda ku̱me ɗyi nu̱ shiki ye nu.’ ”