Romeku 3:4 - Mewar Alqawarang

⁴ Fu̱n ɗo! Ɓu̱ nggu̱tl sar da ɓa! Magham ka kha ma nu̱ zhire aakochi, aa nduki kap wa kha ma nu̱ wollo ku. Ba wa nu̱ke a nje bu̱laran za, “Ɓalar ɓa ɗya zhire aakochi shwat, aa gume kuma to ke nu̱ zhire.”

Romeku 3:4 ပူးပေါင်းရင်းမြစ်များ

Matta 11:19

Nu̱ Yi ɓu̱ nduk a ɓa ki a zu̱mndi ndu̱ zari, tu̱ gaɓ tu̱k za, ‘Na ma nda nu̱ khape zu̱mndi ndu̱ raptikir ɓu̱ nu̱ dlu̱r zhaanggal ku ndu̱ nu̱ “Solar ku.” ’ Yang kap ndu̱ nang, nduk ka na kaɗari ɓu̱ Magham mbe tlu̱nar ɓaran.”

Luka 20:16

Ka ɗa ɓa tu̱ tlagha nu̱ ghutiku nang nu̱gha kom tu̱ vu̱r damang ye ndukiku nggur zum.” Nu̱ ndukyang tu̱kki wanang, tu̱ zu̱ ku za, “Magham nggu̱tli!”

Yokhana 3:33

Yang kap njif nu̱ dlu̱ki saidu ɓaran wa wuɗ nu̱ ɗyine Magham ɗya nu̱ zhire.

Romeku 11:1

Yang bu zham nga ɗo, Magham wa zhang nduki ɓaran gha guma da mu? Auwo! Wanang shwat ɓa! Ai, nga ndu̱ vara nga nduk Israila, nga pooni ɓu̱ Yibram, me sham ɓu̱ Banyami.

Romeku 11:11

Yang bu shi nga zhamndi nggur tu̱k leendang. Nu̱ Israila jiiki saari wor, tu̱ njim kwang, ɓu̱ ji nu̱ viɗi ku de? Auwo! Ɗyen wanang ɓa! Nduki nu̱ke ɗya Yakhudeku ɓa wa gwa ɗanar nu̱ ku̱nshe solar nu̱ Yakhudekwang shiki, ma ku̱ Israila shi zhiri ɓaanda.

Romeku 3:31

Yang ɗa, chem wa da Bibitang ɓar nu̱ ku̱nshe maito nang mu? Sar da wanang ɓa! Me ɓu̱ nang, chem a gu̱nkya su̱ Bibitang.

Romeku 6:15

Yang nang mban za kim ɗo? Chem ka zu̱m guma ndu̱ solari ku̱me chem a mbu̱ bu̱n Bibitang ɓa, chem a mbu̱ bu̱n mu̱nkir ɓu̱ Magham mu? Auwo! Chem ɓu̱ shi wanang sar da ɓa!

Romeku 6:2

Fu̱n ɗo! Nu̱ shipa sar da ɓa! Chem nyem mu̱tki mbe sola, yang ka shi kikimndi chem zu̱m guma ndu̱ khar mbu̱ solarang na?

Romeku 7:13

Yang nduk ka dla mban za bibiti mbarkandi nang a ɓa ki ndu̱ mu̱tang ya mu? Fu̱n ɗo, ɗyen sar da wanang ɓa! Sola a dutki nang ya. Sola shikya boote ndu̱ bibiti mbarkandi nang tu̱ ɗa dut mu̱ti ya, ma ku̱ nduk zu̱n shwat nu̱m ke sola. Sola wa ɗal dam tu̱ ɗa vi ye dalang ndu̱ maatli ɓaran nu̱ ku̱nshe bibitang.

Romeku 7:7

Yang ɗa, chem ka zu̱ nyem za nu̱m ɗo? Bibitang ɗya sola mu? Wanang sar da ɓa! Mbu̱ ku̱me Bibitang ɓa, ngga zu̱n ɗyi nu̱ke ɗya sola kikimndana? Mbu̱ tu̱ga nu̱ bibitang zu̱ za, “Shi na melakh ɗyi ɓu̱ njif nggur ɓa” Ai, ngam ɓu̱ zu̱n nu̱m ke melakh ɗyi ɓu̱ njif nggur ɓa.

Romeku 9:14

Yang chem ka zu̱ nyem za nu̱m ɗo? Magham wa shi song zhire mu? Fu̱n ɗo! Ɗyen wanang sar da ɓa!

1 Korintiyeku 6:15

Alapa nun zu̱n za man vaanu ɗya me bar ɓu̱ Masiya ɓa goma? Alambu̱ram! Ngam ɓu̱ gaɓ ndu̱ me bar ɓu̱ Masiya tu̱ kha ma ɓu̱ man mu̱nggu̱l ɓa.

2 Korintiyeku 1:18

Ba wa nu̱ke Magham ɗya nu̱ zhire, ɓalar nyem zu̱ki ye nu ba wanang tu̱k, nyem ka zu̱ “E” ndu̱ “O'o” ɓa.

Galatiyeku 2:17

“Yang mbu̱ chem a shim khar waare sola gume Magham nu̱ ku̱nshe dlar vaarem nu̱ ve Masiya, nang wa wut nu̱ ɗyine chem nu̱ vaarem chem nu̱ sola ɗo, yang nang a wutan za Masiya gaɓki ndu̱ chem ma nu̱ sola mu? Auwo, ɗyen wanang sar da ɓa!

Galatiyeku 2:21

Ɓang nang zhang mu̱nkir ɓu̱ Magham gha ɓa. Yang mbu̱ nduk ka gwa jeembu she Magham nu̱ ku̱nshe mburi bibitang, nang wa wut nu̱ ɗyine Masiya shikya mu̱ti bamndi.”

Galatiyeku 6:14

Yang ngam ɓu̱ shi wakhti sar da ɓa. Aa ngga shi, buka shi nga ndu̱ qu̱far kaatli ɓu̱ Zhinerem gwaanji Yesu Masiya. Jiwa mu̱ti ɓaran ɗyin qu̱far kaatlang saki tang mu̱t ye shimndi ɗyin larji tu̱ ɗyin larji kha mu̱tan sha.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

Titus 1:2

Maito nu̱ zu̱ndi nu̱ke dlaran ve sar memu̱na ye nyifi nu̱ke nu̱ka shi woɗa ɓa. Magham nu̱ke nu̱ka shi wollo ɓa shiki alqawar nang kaabu nggarsi sarchi.

Yibraniyeku 6:18

Yang ɗo, ɗyiku a nje rap nu̱ke nu̱ka shi paata ɓa, yang ɓu̱ shi tu̱ Magham shi song zhire ɗyinan ɓa. Nu̱ke ɗyinang ɗya ɗye par du̱mbu̱r ye memu̱narem maɗyi, chem nyem ɗaki ku̱me gwami chem khuɓ maitwang, chem ka gwa par du̱mbu̱r maɗyi.

1 Yokhana 5:10

Aaki maitaki Yi ɓu̱ Magham, saidu nu̱ ɗa viki she Magham nang a nje mbu̱ memu̱naran. Yang kap njif nu̱ke nu̱ maita Magham ɓa, wa gaɓ ndu̱ Magham ma nu̱ wollo, nu̱ke wa zhang maita saidu nu̱ Magham shiki ɗyine Yi ɓaran.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.

Ɗyin mbu̱ tukari 3:7

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Filadelfiya no za, Wonji ɓalar na ɓa ki she njif shakhshakhndi nu̱ zhire. Chin nu̱ke a ku̱s ɗye qu̱ndi kwaaɗar ɓu̱ Kuji Dauda, nu̱ke mbu̱ wa qu̱n tunu nu̱gha nduk a nje nu̱ke ka zaki nu̱ gha ɓa, mbu̱ yang wa za nu̱ gha, nu̱ qu̱ndan nu̱gha nje ɓa.