Romeku 3:25 - Mewar Alqawarang

²⁵ Magham wa vu̱r Yesu tu̱ kha ma sadke nu̱ daki shipiti solar ɓaarem ɓara nu̱ ku̱nshe maitar tom ɓaran nu̱ mbu̱ɗki. Magham shi wanang ma wut ɗyi toropndi nyin shiki ku̱me wa gu̱n memu̱naran, tu̱ njig solarku nu̱ nduki shiki zhu nu̱ kuma wor ɓa.

Romeku 3:25 ပူးပေါင်းရင်းမြစ်များ

Yokhana 6:47

Zhire, nga zu̱ran ye nu, aaki maitaki wa gwa nyifi nu̱ke ɓu̱ shi woɗa ɓa.

Tlu̱nar ɓu̱ Pudeku 14:16

Zhu wa njig nduki tu̱ shi ɗyi nu̱ke a shimndan ku,

Tlu̱nar ɓu̱ Pudeku 15:18

Nang ke zu̱r ɓu̱ Zhinkir gwaanji, chin nu̱ wutki ɗyiku nang zhu tang.

Tlu̱nar ɓu̱ Pudeku 17:30

Zhu tang Magham nu̱ kuma nduki ku̱rku̱r ndu̱ zop ɓaanda ɓa, ku̱me song zu̱ndi ɓaanda. Yang leendang wa qa nduki aa fu̱n ku̱ nggoɗ ku.

Tlu̱nar ɓu̱ Pudeku 2:23

Me ku̱ vu̱r khuski nang nu̱ mbu̱ kha nu ma ku̱ nu̱ solarku kaatli nda gha, Magham wa zu̱ni ku̱me chin daasaki.

Tlu̱nar ɓu̱ Pudeku 3:18

Yang tu̱k nu̱ ku̱nshe shir ɓu̱ ɗyiku nang Magham wa nyel ɗyi nu̱ zu̱ki nu̱ ku̱nshe annabikwang kap, ku̱me wa zu̱ za Masiya ɓaran ka za bonye.

Tlu̱nar ɓu̱ Pudeku 4:28

Taba ku ma shi ɗyi no daasaki ka shi, nu̱ ku̱nshe zalale ɓaaro ndu̱ shimndi ɓaaro.

Romeku 2:4

Yang ɓa, ta ndu̱mkya khang mu̱nkir ɓu̱ Magham, ndu̱ kanaɗyi ɓaran, ndu̱ song wuti shokhnar ɓaran ɗau ɗau nu̱ke a shiran yorang mu? Alapa no zu̱n za mu̱nkir nu̱ke Magham a shiran yorang a shiran ma ku̱ nggoɗ na ɓa goma?

Romeku 3:26

Shi wanang ma wut nji mbu̱ qaandiku nang za ɗyi nyin shiki zhwang torop, kom ku̱ gaɓ ndu̱ njif nu̱ maitaki Yesu tu̱ kha waare zop gume nda.

Romeku 5:1

Nu̱ke chem wa kha waare sola gume Magham nu̱ ku̱nshe maito, chem wa gwa qaandi memu̱na chele ɓaarem ndu̱ Magham nu̱ ku̱nshe Zhinerem gwaanji Yesu Masiya.

Romeku 5:11

Dukti nang, chem a kashar ku̱me ɗyi nu̱ Magham shiki nu̱ ku̱nshe Zhinerem gwaanji Yesu Masiya, nu̱ somtaki chele ɓaarem ndu̱ Magham nu̱ ku̱nshe nda.

Romeku 5:18

Ku̱me nang, ba wa nu̱ solar ɓu̱ nduk da a ɓa ki ndu̱ mu̱ti ye aaki, wanang tu̱k tlu̱nar dambi nu̱ nduk da shiki a ɓa ndu̱ barke ye aaki, nang ke gwar khar waare sola gume Magham ndu̱ mewar nyifiri.

Romeku 5:9

Nu̱ke chem wa kha waare sola gume Magham nu̱ ku̱nshe mbu̱ti tom ɓu̱ Masiya, leendang, ka lawa rem ɓar mbe shokhnar ɓu̱ Magham nu̱ ku̱nshe Masiya.

1 Korintiyeku 5:7

Fet ma yis gu̱makandi nu̱ solar ɓaanu ɓara ma ku̱ kha nu ma mewar ɓurti toli, ku̱me tun ba wanang ɗo. Jiwa wa dla qur ye gamndi sadke Tabar peetar ɗyinang, chin ke Masiya.

2 Korintiyeku 5:21

Masiya nu̱ shi sola sar da ɓa, yang tu̱ Magham gaɓ ndu̱ chin ma sadke sola ku̱me chemi. Nang ke ɗyi nu̱ saki chem kha ma nu̱ jeembu she Magham mbe Masiya.

Afiseku 1:7

Mbe nda chem wa gwa dli ɗyin nu̱ ku̱nshe tom ɓaran, nang ke yaapar solar ɓaarem nu̱ shiki yerem. Yang shi nang yerem ku̱me khang mu̱nkir ɓaran

Afiseku 2:13

Yang leendang tun a mbe Masiya Yesu, tun nu̱ke a ɓakh mbu̱r fara, a ɓa ndu̱ tun bing nu̱ ku̱nshe tom ɓu̱ Masiya.

1 Timoti 1:15

Ɓalar nang ɗya ndooga: nu̱ke wa ku̱s ku̱ aaki maita, Masiya Yesu a ɓa larji ma ɗana nu̱ solar ku, yang chele ɓaanda kap nga ke kuji.

Yibraniyeku 10:4

Jiwa ɓu̱ shi ku̱ tom ɓu̱ getliku ndu̱ gunoku da solarku ɓar ɓa.

Yibraniyeku 11:14

Nduki nu̱ke a pooni ɓalarku nang a wutan ku ye dalang nu̱ ɗyine a laɓ ghai ɓaanda nu̱ ɗyin wora.

Yibraniyeku 11:17

Maito saki Yibram, sarchi nu̱ buuki nda, tu̱ vu̱r Yishaku ɓar ma dla sadke. Nang wa wut nu̱ ɗyine chin nu̱ dlu̱ki alqawarang wa daasa ma vu̱r nji woi ɓaran kaada fengtu̱lengndang ɓara.

Yibraniyeku 11:7

Ɗya maito saki tu̱ Nukhu mbu zu̱r ɓu̱ Magham tu̱ kwaɗa du̱mbu̱l ɗyimi ma ɗana rafti ɓaran, qu̱rse Magham wa wuri nda nu̱ ɗyine ɗyiku nu̱ke nu̱ nduk na dong ɓa. Nang saki tu̱ larji gwa kumari, tu̱ chin yang gwa ɗye mbu̱ ge dambi nu̱ ka gwaki nu̱ ku̱nshe maito.

Yibraniyeku 9:28

wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

Yibraniyeku 9:5

Viɗ ɗyine Akwachi Alqawarang cherobimku a nje nu̱ zhaaji ɓu̱ Magham, wa lu̱pa maa nu̱ka daki kuɗar solar ɓarang. Yang leendang chem ɓu̱ ɗu̱ma ɓalar maɗyikandi ɗyine ɗyiku nang ɓa.

1 Yokhana 1:10

Mbu̱ chem wa zu̱ nyem za nyem shi sola ɓa, chem wa gaɓ ndu̱ chin ma nu̱ wollo, yang ɓalar ɓaran a nje mbu̱ memu̱narem ɓa.

1 Yokhana 2:2

Chin ke sadke yaapar solar ɓaarem yerem, yang ɓaarem ɗyenda ɓa, ndu̱ solarku ɓu̱ larji gumada.

1 Yokhana 4:10

Wonji ma ndolar zhirekandi, chem ndolaki Magham ɓa, chin ndolaki rem, tu̱ ɗa ru̱k Yi ɓaran ma ku̱ kha ma sadke yaapar solar ɓaarem.

Ɗyin mbu̱ tukari 1:5

ndu̱ she Yesu Masiya, chin nu̱ke ɗya nu̱ saidu zhire. Chin nu̱ke ɗya Ye gomir nu̱ gumapaali nu̱ jiiki ɓar mbe mu̱ti, a kwaaɗar ɗyine kujiku nu̱ larji tu̱k. Chin nu̱ ndolaki rem, tu̱ lawa rem mbe solarku ɓaarem nu̱ ku̱nshe mbu̱ti tom ɓaran.

Ɗyin mbu̱ tukari 13:8

Nduki nu̱ke kharan mbu̱ larji kap ka ghar ghai ye dlu gaari nang, nang ke kap nduki nu̱ke nu̱ bu̱la dlu̱m wor nu̱ mbu̱ Lagarkati Nyifiri ɓu̱ Ye gamndi nu̱ dlaki nu̱ ghang ma ji sarchi du̱ngndi larjyang ɓa.

Ɗyin mbu̱ tukari 20:15

Kap njif nu̱ke dlu̱man a nje mbu̱ Lagarkati Nyifiri ɓa, wa mbukti nda nu̱ mbu̱ giɗim ɓai.

Ɗyin mbu̱ tukari 5:9

Tu̱ qa mewar taazi ku, a zu̱ran ku za, “Ta khu̱l ma ku̱ dlu̱ na lagarkati ɗyikhlakandang to qu̱n yitu̱m ɓaran kwang nu̱gha. Jiwa wa tlagha nu̱gha zhu, yang nu̱ ku̱nshe tom ɓaaro ta dli ɗyin nduki ye Magham mbe aa nyi me sham, ndu̱ me ghin, ndu̱ me ghai, ndu̱ aa nyi nduki.