Romeku 3:23 - Mewar Alqawarang

²³ jiwa aaki wa shi sola, tu̱ mbu̱ɗ gwar zhaaji ɓu̱ Magham.

Romeku 3:23 ပူးပေါင်းရင်းမြစ်များ

Romeku 1:28

Nu̱ke wa zhang zu̱n Magham ku gha, tu̱ Magham njig wora tu̱ ku̱s kor ɗyi bamndiku tu̱ ka shi ɗyi nu̱ke nu̱ shipa ku ɓa.

Romeku 11:32

Jiwa Magham wa gu̱n ndukiku gha kap tu̱ kha ma nu̱ zhangndi mburi su̱quran, ku̱me ku̱ ɗaana nji wor kap.

Romeku 3:19

Chem wa zu̱n nu̱ ɗyine ɗyi nu̱ Bibitang zu̱ki kap, a zu̱ran ye nduki nu̱ke a mbu̱ bu̱n Bibitang. Shi wanang ma ku̱ nduk gwa ɗye zu̱ ɓa, tu̱ larji kap khan mbe kumar ɓu̱ Magham.

Romeku 3:9

Yang chem ka lauɗa su̱ ɓalar nang za kim ɗo? Chem Yakhudeku chem wa duk ɓeeni nduki mu? Auwo! Ɗyen wanang shwat ɓa! Chem wa woɗa wutan nu̱ ɗyine Yakhudeku ndu̱ nduki nu̱ke ɗya Yakhudeku ɓa ɗya nu̱ sola ku kap, yang a mbu̱ bu̱n sola ku kap.

Romeku 5:2

Chem gwa mu̱nkir nu̱ke chem a mban nang nu̱ ku̱nshe maito ɓaarem. Chem a kashari ku̱me chem wa sa memu̱narem nu̱ ɗyine chem ka gwa zhaaji ɓu̱ Magham.

Galatiyeku 3:22

Yang bu̱lar Ɓalar ɓu̱ Maghamang zu̱ za larji kap a khar maavi ɓu̱ sola. Shi wanang ku̱me ku̱ vu̱r alqawar nu̱ shiki nu̱ ku̱nshe maitar Yesu Masiya ye nduki nu̱ maitaki.

1 Tasalonikeku 2:12

Chem wa dut dlu̱mdonu, chem pa du̱mbu̱r ye nu, chem khutonu ku̱ shi nu khar nu̱ shipaki nu̱ke Magham a shimndan, chin nu̱ qaki nun mbu̱ kwaaɗar ɓaran ndu̱ zhaaji ɓaran.

2 Tasalonikeku 2:14

Qa nu nu̱ ku̱nshe Labar mbarkandi nyem vu̱rki yenwang, ma ku̱ gwa nu me ɓaanu mbu̱ zhaaji ɓu̱ Zhinerem gwaanji Yesu Masiya.

Yibraniyeku 4:1

Nu̱ke alqawar viri nu̱ mbu̱ maasi ɓaran a nje ma ɓar leendang, chem ku̱r vaarem maɗyi ɗo ma ku̱ njif nggur ku̱na gwa viri nu̱ mban ɓa.

1 Biturus 4:13

Me ɓu̱ nang, shi ma kasha ma nu̱ke tun a zakya bonye nu̱ Masiya zaki, ma ku̱ ɓa shi nu ɓong memu̱na ndu̱ kashar nu̱ke koɗokhsi ɓa ye sarchi nu̱ke a ma wut zhaaji ɓaran.

1 Biturus 5:1

Ma yir she ku̱mandiku nu̱ chele ɓaanu, nga khutonu ma nu̱ke nga ku̱maandi nduk wa tunu nga nang naki bonye nu̱ Masiya zaki ndu̱ yita, yang tu̱k nga gwa zhaaji nu̱ke ka ɓa ɗatlki ye dalangi.

1 Biturus 5:10

Qu̱rse tun wa za bonye nang me sarchi koɗomma, Magham nu̱ mu̱nkir kap, chin nu̱ qaki nu ma gwa nu zhaaji su̱yen ndu̱ chin koɗokhsi ɓa mbe Masiya. Ka gaɓ ndu̱ tun tun kha nyeedlan, ka pa du̱mbu̱r ye nu tun ching gha shanggu̱ɗang.