Romeku 3:22 - Mewar Alqawarang

²² Chin dambi nu̱ka ɓa ki she Magham nang, nduki nu̱ maitaki kap ka gwa nu̱ ku̱nshe maito mbe Yesu Masiya. Nduk a nje nu̱ khaki zum ɓa,

Romeku 3:22 ပူးပေါင်းရင်းမြစ်များ

Luka 15:22

“Yang tu̱ zhinang qa maaviku ɓaran tu̱ ze wor za, ‘Leendang! A ɓa ma ndu̱ lukti mbarkandi, tun sa yenda. Tun sa ayimndi yenda ndu̱ paghamndi.

Tlu̱nar ɓu̱ Pudeku 11:12

Tu̱ Jiimba zu̱ ya za, ji nga tang ɗu̱ ndu̱ wora, keela nga ɓa. Mu̱dlerem ku njongndi nang balaki nga chem vi nu̱ mbu̱ rafti ɓu̱ khuski na shiki ru̱ktang.

Tlu̱nar ɓu̱ Pudeku 15:9

Nu̱ shakh chele ɓaarem ndu̱ wor ɓa, ku̱me wa sa memu̱na wor tu̱ kha shakhshakh nu̱ ku̱nshe maitar Yesu nu̱ shiki ku.

Tlu̱nar ɓu̱ Pudeku 3:16

Maitar dlu̱m Yesu nu̱ke zalale a si saki khuski nun zu̱nki nda tun a nggu̱ti nda nang tu̱ gwa du̱mbu̱r. Dlu̱m Yesu ndu̱ maita nda nyem shiki saki tu̱ khuski nang shaana nggalang. Tun wa na ndu̱ yitonu.

Romeku 1:17

Jiwa chin wutki dambi na viki she Magham, yang nduk ka gwa dambi nang nu̱ ku̱nshe maitaran vu̱ nggarsan ma yir she lauɗarsan. Ba wa nu̱ke a nje bu̱laran za, “Nu̱ dambi, ka ɗana mbe maito ɓaran.”

Romeku 10:12

Jiwa nu̱ shakh chele ɓu̱ Yakhudeku ndu̱ nduki nu̱ke ɗya Yakhudeku ɓa nu̱ gha ɓa. Zhinkir gwaanji nang, ke Zhinkir gwaanji ɓu̱ aaki, chin ke nu̱ vu̱r barke khangndi ye kap nduki nu̱ ka ghoki yenda.

Romeku 10:4

Masiya ke lauɗar su̱ Bibitang, ma ku̱ aaki nu̱ maitaki nda kha ma nu̱ dambu gume Magham.

Romeku 2:1

Ku̱me nang, to nu̱ nggu̱ti mu̱dlo ndu̱ zop, ɓala kha ɓa, aa to ki. Ku̱me sarchi nu̱ke ta nggu̱t mu̱dlo nu̱ zop, ta dlakya kumar nu̱ ɗyine vaaro, ku̱me ɗyi nu̱ke ta kuma mu̱dlo ɗyinanang, nang ke ɗyi nu̱ke ta shiran tu̱k.

Romeku 3:30

ku̱me Magham kaada, ka sa tu̱ nduki nu̱ke su̱ wor dlaran gwa khar waare sola gume nda nu̱ ku̱nshe maito. Wanang tu̱k, nduki nu̱ke su̱ wor dlaran ɓa ka gwa khar waare sola gume Magham nu̱ ku̱nshe maito dandi nang.

Romeku 4:16

Ku̱me nang, alqawarang a ɓa mbe maito. Shi alqawarang shwat, ma ku̱ kha ma mu̱nkir ɓu̱ Magham ye qusonggi ɓu̱ Yibram kap. Yang ye qusonggi ɓaran nu̱ke a mbu̱ bu̱n Bibitang ɗyenda ɓa, ye qusonggi ɓaran nu̱ maitaki ba wa nu̱ Yibram shikyang tu̱k. Yibram ke zhinerem kap.

Romeku 8:1

Ku̱me nang, ɓu̱ kuma mu̱ti ye nduki nu̱ke a mbe Masiya Yesu ɓa.

Romeku 9:30

Yang chem ka zu̱ nyem za nu̱m ɗo? Nduki nu̱ke ɗya Yakhudeku ɓa nu̱ laɓ khar ma nu̱ dambu gume Magham ɓa, yang tu̱ gwa ku. Khar ma nu̱ dambu gume Magham nu̱ gwaki ku nang, ɗya pooni khar dambi nu̱ke nduk ka gwaki nu̱ ku̱nshe maito.

1 Korintiyeku 12:13

Ku̱me shi baptismyang yerem kap mbu̱ Jiimbi da ndu̱ man var da, aa to Yakhude nduku, aa to Khelene, aa to maava, aa to ye ghai, kap ɓaarem chem za mbu̱ Jiimbi dandi nang.

1 Korintiyeku 4:7

Ki zu̱ki yor za ta duk mu̱dlwang na? Nu̱m kya kha nu̱ke Magham vu̱rki yoro vu̱r vu̱r ɓa? Yang mbu̱ wanang nu̱m saki ta me wakhti wa no za to gwa bam ɓa?

Galatiyeku 2:16

Yang chem wa zu̱n nu̱ ɗyine nduk ɓu̱ kha waare sola gume Magham nu̱ ku̱nshe mburi Bibitang ɓa, kope wa maita Yesu Masiya. Ku̱me nang chem wa vu̱r vaarem ye Masiya Yesu. Chem shi wanang ma ku̱ kha mi waare sola gume Magham nu̱ ku̱nshe dlar vaarem nu̱ ve Masiya, nyem mbu nu̱ ku̱nshe mburi Bibitang ɓa. Ku̱me nduk a nje nu̱ke ka khaki waare sola gume Magham nu̱ ku̱nshe mburi Bibitang ɓa.

Galatiyeku 2:20

Wa kaatli nga gha su̱yen ndu̱ Masiya. Yang nga nje ndu̱ nyifi ɓa, Masiya kya khar mbya. Khar ɓang mbu̱ man var nang, nga shikya khar maito mbe Yi ɓu̱ Magham, chin nu̱ ndolaki nga tu̱ mu̱t ku̱me nga.

Galatiyeku 3:22

Yang bu̱lar Ɓalar ɓu̱ Maghamang zu̱ za larji kap a khar maavi ɓu̱ sola. Shi wanang ku̱me ku̱ vu̱r alqawar nu̱ shiki nu̱ ku̱nshe maitar Yesu Masiya ye nduki nu̱ maitaki.

Galatiyeku 3:28

Ku̱me nang, nduk ɓu̱ shakh chele ɓu̱ Yakhudeku ndu̱ Khelene ku ɓa, woi ndu̱ maava ɓa, yang nusu ndu̱ khusku tu̱k zum ɓa. Kap ɓaarem chem ɗyi dandi mbu̱ khar ɓaarem mbe Masiya Yesu.

Afiseku 3:12

Mbe nda kom ndu̱ mbe maitar nyem shiki yenda chem wa gwa du̱mbu̱r ɓar she Magham ndu̱ shokhku̱rokh me bu̱n sawa su̱ ɓa.

Filipiyeku 3:9

tang khan mbe nda tu̱k. Yang ku̱me dambi ɓang mbe mbu Bibiti ghaari ghai ɓa, kope nu̱ ku̱nshe dambi nu̱ nduk ka gwaki nu̱ ku̱nshe maito mbe Masiya, nang ke dambi nu̱ke nduk ka gwaki she Magham mbe maito.

Kolosiyeku 3:11

Nu̱ke tun wa gwa mewar ɗye shir mbarkandi, tun wa kha ma ɗyi dandi. Yakhudeku nu̱ nduki nu̱ke ɗya Yakhudeku ɓa, chem kap ɗyi dandi. Aa soro dlaran aa soro dlaran ɓa kap chem da. Nduki nu̱ke shaanaran ɓa, nu̱ nji nduki, maaviku ndu̱ nduki nu̱ke ɗya maava ɓa, yang Masiya ke aa nu̱m, Masiya kya mbe aaki.

Yaqub 2:23

Nang ke ye maa nu̱ bu̱lar Ɓalar ɓu̱ Magham nyeelki nu̱ zu̱ki za, “Ku̱me Yibram wa maita Magham, tu̱ Magham shiga ɗyi nu̱ shiki nang ma dambu she nda.” Nang ke ɗyi nu̱ saki tu̱ qa Yibram rapti Magham.