Romeku 3:21 - Mewar Alqawarang

²¹ Yang leendang wa wut njiv nggur yerem zum nu̱ke chem ka gwaki dambi ɓu̱ Magham. Nduk ɓu̱ gwa dambi nang nu̱ ku̱nshe mbu Bibitang ɓa, aa nu̱ke Shogar ɓu̱ Musa ndu̱ lagarkati ɓu̱ annabikwang wa saida dambi nang.

Romeku 3:21 ပူးပေါင်းရင်းမြစ်များ

Luka 24:44

Tu̱ ze wor za, “Nang ke ɓalar nang zu̱ki ye nu sarchi nu̱ke nga su̱yen ndu̱ tunwang, nga za ɗyi nu̱ Taurete ɓu̱ Musa ndu̱ Lagarkati ɓu̱ annabiku ndu̱ Zaburya zu̱ki ɗyina kap ka nyedli.”

Yokhana 1:45

Tu̱ Filibus gwa Nataniyel tu̱ ze nda za, “Chem wa gwa njif nu̱ Musa bu̱laki labar ɓaran mbu̱ taurete ndu̱ lagarkatiku ɓu̱ annabikwang, chin ke Yesu khuzi Nazaret, Yi ɓu̱ Yusufu.”

Tlu̱nar ɓu̱ Pudeku 10:43

Annabikwang kap wa saida nda za aaki maitaki nda ka gwa yaapar solar ɓaran nu̱ ku̱nshe dlu̱man.”

Tlu̱nar ɓu̱ Pudeku 15:11

Chem wa maita nu̱ ɗyine chem gwa ɗanar nu̱ ku̱nshe mu̱nkir ɓu̱ Yesu, ba wa nu̱ gwaki ku.”

Tlu̱nar ɓu̱ Pudeku 26:22

Yang tu̱ Magham shaata nga ma ɓar meeni, nang ke ɗyi nu̱ saki nga saidu nang ye nduki rututundi ndu̱ nu̱ katar du̱mbu̱r. Nga zu̱kya ɗyi nggur zum ndu̱ ɗyi nu̱ annabiku ndu̱ Musa zu̱ki za ka ɗatlang ɓa.

Tlu̱nar ɓu̱ Pudeku 28:23

Nu̱ saki sarchi nu̱ke wor ka gamaki tu̱ ɗa ɓa ku ye maa nu̱ zhurki nu̱ nje, yang ɗu̱ ku wor khang maɗyi tu̱ duk nu̱ gumang. Ji dumaari, ma yir mugdi tu̱ ki ɓalar ye wor a saida kwaaɗar ɓu̱ Magham, a wuta dut wor nu̱ she Yesu nu̱ ku̱nshe njiv Taurete ɓu̱ Musa ndu̱ lagarkati ɓu̱ annabikwang.

Romeku 1:17

Jiwa chin wutki dambi na viki she Magham, yang nduk ka gwa dambi nang nu̱ ku̱nshe maitaran vu̱ nggarsan ma yir she lauɗarsan. Ba wa nu̱ke a nje bu̱laran za, “Nu̱ dambi, ka ɗana mbe maito ɓaran.”

Romeku 1:2

Magham wa shi alqawar Labar mbarkandi nang zhu tang nu̱ ku̱nshe annabiku ɓaran, ba wa nu̱ke a nje bu̱laran mbu̱ bu̱lar Ɓalar ɓu̱ Magham shakhshakhndi.

Romeku 16:26

yang leendang a ɗal ye dalangi nu̱ ku̱nshe bu̱larku ɓu̱ annabiku. Nu̱ ku̱nshe zu̱r ɓu̱ Magham nu̱ke lauɗarsi ve nda ɓa, yang wa wut ɗyen tu̱k ye nduki kap, ma ku̱ maita ku ku̱ mbu.

Romeku 3:28

Jiwa chem wa na nu̱ ɗyine nduk ka gwa khar waare sola gume Magham nu̱ ku̱nshe maito, nduk nu̱ka gwa nda nu̱ ku̱nshe mburi Bibitang ɓa.

Romeku 5:19

Ba wa nu̱ nduki khang khaki ma nu̱ solar ku ku̱me zhangndi tu̱kti maa ɓu̱ nduk kaada, wanang tu̱k nduki khang ka kha waare sola gume Magham nu̱ ku̱nshe mburi zu̱r ɓu̱ Magham nu̱ nduk kaada shiki.

Romeku 5:21

Wa nu̱ solar shiki kwaaɗar ɓaran nu̱ ku̱nshe mu̱ti, wanang tu̱k mu̱nkir ɓu̱ Magham a kwaaɗar ɓaran leendang nu̱ ku̱nshe dambu. A yir ndu̱ chem ye nyifi nu̱ke ɓu̱ shi woɗa ɓa mbe Yesu Masiya Yesu Zhinerem gwaanji.

Romeku 9:30

Yang chem ka zu̱ nyem za nu̱m ɗo? Nduki nu̱ke ɗya Yakhudeku ɓa nu̱ laɓ khar ma nu̱ dambu gume Magham ɓa, yang tu̱ gwa ku. Khar ma nu̱ dambu gume Magham nu̱ gwaki ku nang, ɗya pooni khar dambi nu̱ke nduk ka gwaki nu̱ ku̱nshe maito.

1 Korintiyeku 1:30

Magham saki ku̱ khanu nu̱ mbe Masiya Yesu, chin saki tu̱ Masiya kha chin ke kaɗari ɓaarem. Chem gwa dlu̱r she Magham, chem kha ma nduki ɓaran wakakandi chem lawa me khar maavi ɓu̱ sola nu̱ ku̱nshe nda.

2 Korintiyeku 3:9

Mbu̱ ɗyi nu̱ ɗa ɓa ki ndu̱ mu̱ti wa kha ndu̱ zhaaji, yang ɗyi nu̱ ɗa ɓa ki ndu̱ tlu̱nar dambi ɓu̱ Magham ɗa, ai, ka dukti nda ndu̱ zhaaji maɗyi!

2 Korintiyeku 5:21

Masiya nu̱ shi sola sar da ɓa, yang tu̱ Magham gaɓ ndu̱ chin ma sadke sola ku̱me chemi. Nang ke ɗyi nu̱ saki chem kha ma nu̱ jeembu she Magham mbe Masiya.

Galatiyeku 3:8

Bu̱lar Ɓalar ɓu̱ Magham wa zu̱ zhu za ɓeeni nduki nu̱ke ɗya Yakhudeku ɓa ka gwa khar waare sola gume Magham nu̱ ku̱nshe maitar nda. Ku̱me zhu wa zu̱ Labar Mbarkandang ye Yibram za, “Larji kap ka gwa barke nu̱ ku̱n shoro.”

Galatiyeku 5:5

Yang ɓaarem, chem wa sa memu̱narem nu̱ ɗyine Magham ka sa chem gwa khar waare sola gume nda. Nang ke ɗyi nu̱ke chem a buran nu̱ ku̱nshe Jiimbi shakhshakhndi nu̱ke a tlu̱nar mbe maitar Masiya nyem shiki.

Filipiyeku 3:9

tang khan mbe nda tu̱k. Yang ku̱me dambi ɓang mbe mbu Bibiti ghaari ghai ɓa, kope nu̱ ku̱nshe dambi nu̱ nduk ka gwaki nu̱ ku̱nshe maito mbe Masiya, nang ke dambi nu̱ke nduk ka gwaki she Magham mbe maito.

1 Biturus 1:10

Yang viɗ ɗyine gwar ɗanar nang, annabiku nu̱ shiki ɓalar ɓu̱ mu̱nkir nu̱ke ka ɗa ɓa ki ye nu, wa laɓ mban nu̱ gha mbari ndu̱ shaandi.

2 Bitu̱rus 1:1

A vi she Siman Biturus, maavi ndu̱ pude ɓu̱ Yesu Masiya, ma yir she nduki nu̱ gwaki maito nu̱ zhaaji ba wa nyem gwaki, nu̱ ku̱nshe dambi ɓu̱ Maghamndi ɓaarem ndu̱ Nu̱ Ɗanar rem Yesu Masiya.