Romeku 3:20 - Mewar Alqawarang

²⁰ Jiwa nduk a nje nu̱ke ka khaki waare sola gume Magham nu̱ ku̱nshe mbu ɗyi nu̱ Bibitang zu̱ki ɓa, ku̱me Bibitang a wutkya solar ɓaarem yerem.

Romeku 3:20 ပူးပေါင်းရင်းမြစ်များ

Tlu̱nar ɓu̱ Pudeku 13:39

Yang ba nu̱ ku̱nshe nda tu̱k, aaki maitaki nda ka gwa dli ɗyin mbe solarku nu̱ wopar ɓu̱ Musa ku̱naki dli ɗyinonu ɓar mbanang.

Romeku 2:13

Jiwa tu̱kti Bibitang ka saki tu̱ nduk kha ma nu̱ dambi gume Magham ɓa, tlu̱nar ɗyi nu̱ Bibitang zu̱ki ka saki tu̱ qa wor nu̱ dambi.

Romeku 3:28

Jiwa chem wa na nu̱ ɗyine nduk ka gwa khar waare sola gume Magham nu̱ ku̱nshe maito, nduk nu̱ka gwa nda nu̱ ku̱nshe mburi Bibitang ɓa.

Romeku 4:13

Alqawar nu̱ shiki ye Yibram ndu̱ zhikankirku ɓaran nu̱ gana za ka zu̱m ɗye mbu̱ ge larji ku, Ai, shi nu̱ ku̱nshe Bibitang ɓa, shi alqawarang nu̱ ku̱nshe dambi nu̱ke nduk ka gwaki nu̱ ku̱nshe maito.

Romeku 4:15

Bibitang a dutkya shokhnar ɓu̱ Magham, ku̱me mbu̱ Bibitang a nje ɓa, zop nje zum ɓa.

Romeku 5:13

Me ku̱ vu̱r Bibitang, sola a nje mbu̱ larji. Yang nduk nu̱ka shiga sola ye maa nu̱ke Bibiti a nje ɓa ɓa.

Romeku 5:20

Vu̱r Bibitang ma ku̱ sola a vi ye dalangi. Yang sarchi nu̱ sola shaataki, tu̱ mu̱nkir ɓu̱ Magham shaata maɗyi.

Romeku 7:11

Tu̱ sola gwa maari, tu̱ lamba nga nu̱ ku̱nshe bibitikwang, tu̱ tlagha nga nu̱ gha.

Romeku 9:32

Yang nu̱m saki nu̱ gwa ku ɓa ndang na? Ku̱me nu̱ laɓ ku nu̱ ku̱nshe njiv maito ɓa, laɓ ku nu̱ ku̱nshe tlu̱nar ɓaanda. Tu̱ yang ji saari wor ndu̱ “ndogdi ji saari.”

1 Korintiyeku 15:56

Ai, sola ke ɗye taɓti ɓu̱ mu̱ɗi, yang kuma ke du̱mbu̱r ɓu̱ sola.

Galatiyeku 2:16

Yang chem wa zu̱n nu̱ ɗyine nduk ɓu̱ kha waare sola gume Magham nu̱ ku̱nshe mburi Bibitang ɓa, kope wa maita Yesu Masiya. Ku̱me nang chem wa vu̱r vaarem ye Masiya Yesu. Chem shi wanang ma ku̱ kha mi waare sola gume Magham nu̱ ku̱nshe dlar vaarem nu̱ ve Masiya, nyem mbu nu̱ ku̱nshe mburi Bibitang ɓa. Ku̱me nduk a nje nu̱ke ka khaki waare sola gume Magham nu̱ ku̱nshe mburi Bibitang ɓa.

Galatiyeku 2:19

Ai, nu̱ ku̱nshe bibitang nga mu̱tan, bibitang tlaghaki nga, ma kha nga ma nu̱ nyifi she Magham.

Galatiyeku 5:4

Tun nu̱ke tun a shim gwa nu khar waare sola gume Magham nu̱ ku̱nshe mbu Bibitang, tun wa vi ɓar mbe mbu Masiya. Tun wa zhang mu̱nkir ɓu̱ Magham gha.

Yibraniyeku 7:19

(Jiwa bibitang ɓu̱ ɗu̱ma sa ɗyi nggur tu̱ kha nyeedlan ɓa). Nang ke ɗyi nu̱ saki tu̱ daasa ɗyi nu̱ dukki mbaari nu̱ke chem ka saki memu̱na rem nu̱ ɗyinan ma ku̱ song mi nu̱ bing ndu̱ Magham.