Romeku 2:9 - Mewar Alqawarang

⁹ Bonye ndu̱ takashi kya bu aa nyi nu̱ tlu̱nar mu̱na, Yakhudeku gumapaali, kom nduki nu̱ke ɗya Yakhudeku ɓa.

Romeku 2:9 ပူးပေါင်းရင်းမြစ်များ

Matta 16:26

A fu̱nke boote ɓu̱ ku̱ nduk gwa larji kap, tu̱ yang mbu̱ɗ nyifi ɓarana? Nduk ka paatakya nu̱m ndu̱ nyifi ɓarana.

Luka 24:47

Yang ka shi wopar njigti solar ndu̱ yaapar solar mbu̱ dlu̱man ye nduki nu̱ larji kap, yang ka nggaasan Urshalima.

Tlu̱nar ɓu̱ Pudeku 11:18

Nu̱ Yakhudeku nu̱ mbu Yesu kwang tu̱kki wanang, nu̱ gwa ɗye zu̱ ku ɓa, tu̱ kuna Magham ku, a zu̱ran ku za, “Alapa Magham wa daasa njiv nggooti ndu̱ gwar nyifiri ye nduki nu̱ke ɗya Yakhudeku ɓa.”

Tlu̱nar ɓu̱ Pudeku 13:26

“Nyeezaku, zhikankirku ɓu̱ Yibram ndu̱ nu̱ sawar Magham ku nu̱ke ɗya Yakhude ku ɓa a ru̱k labar ɗanar nang yerem.

Tlu̱nar ɓu̱ Pudeku 20:21

Nga wu Yakhudeku ndu̱ Gu̱rik ku ku̱ nggoɗ ku mbe solar ɓaanda, ta gaɓ nu̱ she Magham, tu̱ maita Zhinerem gwaanji Yesu.

Tlu̱nar ɓu̱ Pudeku 26:20

Tang nggaasi waazu ye nduki nu̱ Damaskus, kom tang shi ye nduki nu̱ Urshalima ndu̱ dlar ghai ɓu̱ Yakhudiya kap. Kom tang shi ye nduki nu̱ke ɗya Yakhudeku ɓa nu̱ ɗyine ku̱ ɗa mbu̱m ku ku̱ ɗa gaɓ nu̱ she Magham, tu̱ shi ɗyi nu̱ke ka wutki za wor wa nggoɗ tu̱k.

Tlu̱nar ɓu̱ Pudeku 28:17

Qu̱rse qaandi kunung, tu̱ Bulus qa dlegumeku ɓu̱ Yakhudeku. Nu̱ tabaki ku tu̱ ze wor za, “Nyeezaku, aa nu̱ke nang shi zop nggur ye nduki ɓaarem ɓa, yang nang zhang meghai ɓu̱ zhikaneremku gha ɓa. Kap ndu̱ nang tu̱ ku̱si nga ku mbu̱ ghai Urshalima ta vu̱rti nga nu̱ mbu̱ khar Romeku ma ku̱ gu̱ndi nga gha.

Tlu̱nar ɓu̱ Pudeku 28:28

“Yang zu̱n man gha, Magham wa ru̱k labar gwar ɗanari nu̱ she nduki nu̱ke ɗya Yakhudeku ɓa. Yang ka dlu̱ ku.”

Tlu̱nar ɓu̱ Pudeku 3:26

Nu̱ Magham datki maavi ɓaran, tu̱ ru̱kti nda nu̱ she nu gumapaali ma ku̱ sa barke ye nu, tu̱ ɗa da nu ɓar mbe ɗye shir malkandi.”

Romeku 1:16

Labar Mbarkandang ɗya ɗye kawa sha ɓa, ku̱me chin ke zalale ɓu̱ Magham nu̱ka vu̱rki ɗanar ye anyi nduk nu̱ maitaki, Yakhudeku ke nu̱ gumapaali, kom ndu̱ nduki nu̱ke ɗya Yakhudeku ɓa.

Romeku 10:12

Jiwa nu̱ shakh chele ɓu̱ Yakhudeku ndu̱ nduki nu̱ke ɗya Yakhudeku ɓa nu̱ gha ɓa. Zhinkir gwaanji nang, ke Zhinkir gwaanji ɓu̱ aaki, chin ke nu̱ vu̱r barke khangndi ye kap nduki nu̱ ka ghoki yenda.

Romeku 2:10

Yang kap njif nu̱ shiki tlu̱nar mbarki ka gwa zhaaji ndu̱ gorkiri ndu̱ qaandi memu̱na, Yakhudeku gumapaali, kom nduki nu̱ke ɗya Yakhudeku ɓa.

Romeku 8:35

Woɗye ki ka shakki rem ndu̱ ndolar Masiya? Bonye mu, palasa mu, kakanshi mu, meeri mu, song mu, nggaɓang nggaɓang mu, yang mu̱ti mu?

Romeku 9:24

Chem ke nduki nang, yang chem nu̱ Magham qaki, mbu̱ Yakhudeku ɗyenda ɓa, nduki nu̱ke ɗya Yakhudeku ɓa a mban tu̱k.

Galatiyeku 3:28

Ku̱me nang, nduk ɓu̱ shakh chele ɓu̱ Yakhudeku ndu̱ Khelene ku ɓa, woi ndu̱ maava ɓa, yang nusu ndu̱ khusku tu̱k zum ɓa. Kap ɓaarem chem ɗyi dandi mbu̱ khar ɓaarem mbe Masiya Yesu.

Kolosiyeku 3:11

Nu̱ke tun wa gwa mewar ɗye shir mbarkandi, tun wa kha ma ɗyi dandi. Yakhudeku nu̱ nduki nu̱ke ɗya Yakhudeku ɓa, chem kap ɗyi dandi. Aa soro dlaran aa soro dlaran ɓa kap chem da. Nduki nu̱ke shaanaran ɓa, nu̱ nji nduki, maaviku ndu̱ nduki nu̱ke ɗya maava ɓa, yang Masiya ke aa nu̱m, Masiya kya mbe aaki.

2 Tasalonikeku 1:6

Magham ɗya nu̱ zhire, ku̱me nang, ka dli gaɗe ye nduki nu̱ke a vu̱r bonye ye nu nang ndu̱ vu̱rti bonye ye wora,

1 Biturus 4:17

Jiwa sarchi kumar nduki a ɓa. Yang ka nggaasan ndu̱ nduki ɓu̱ Magham. Mbu̱ yang ka nggaasi kumarang ndu̱ chem, ɓu̱ nduki nu̱ zhangki tu̱k Labar mbarkandi na viki she Magham ɗa ka kha kikimndana?