Romeku 2:6 - Mewar Alqawarang

⁶ Magham ka ɓi aaki ku̱rku̱r ndu̱ tlu̱nar ɓaran.

Romeku 2:6 ပူးပေါင်းရင်းမြစ်များ

Matta 16:27

Yi ɓu̱ Nduk a ɓar ndu̱ nu̱ ru̱ktiku ɓaran, mbu̱ zhaaji ɓu̱ Zhinkir ɓaran, kom ka ɓi aaki ku̱rku̱r ndu̱ pooni tlu̱nar nu̱ nduk shiki.

Romeku 14:22

Bu ku̱ kwaari nu̱ke a memu̱naro ɗyine ɓalar nang kha chele ɓaaro ndu̱ Magham. Njif nu̱ke memu̱naran nu̱ wut yenda za chin wa shi zop ɗyine ɗyi nyin daki za torop ɓa, ɗya nu̱ barka.

1 Korintiyeku 3:8

Njif nu̱ shiki kaɓtang ndu̱ njif nu̱ batlki ɗyimang a ku̱rkya ɗyi da ku, yang aaki ka gwa ɗye ɓiiri ɓaran ku̱r ku̱r ndu̱ tlu̱nar nu̱ shiki.

1 Korintiyeku 4:5

Ku̱me nang ku̱ kuma nu nduk me ku̱ sarchi ni shi dong ɓa, bu ma ɓar ɓu̱ Zhinerem gwaanji nu̱ke ka lauɗaki su̱ kumar aa nu̱m. Chin ka wutki ɗyiku nu̱ke a nje tukaran mbu̱ zhumi, tu̱ fet ɗyi nu̱ nduki ku̱rki mbu̱ memu̱na wor ye dalangi. Nang ke sarchi nu̱ke aaki ka gwaki makhtar she Magham wa nu̱ shipaki.

2 Korintiyeku 11:15

Ku̱me nang ɓu̱ kha ma ɗye lazham mbu̱ maaviku ɓaran wa mbu̱m vaanda tu̱ kha wa nu̱ tlu̱nar dambi ku ɓa. Ka gwa ɗye ɓi nu̱ khaki torop ndu̱ tlu̱nar ɓaanda ve lauɗar san.

2 Korintiyeku 5:10

Jiwa wa ku̱s ku̱ ching mi nu̱ gume du̱ku̱l kumar ɓu̱ Masiya kap ɓaarem, ma ku̱ kuma rem. Aaki ka dlu̱ ɗye ɓi ɓaran ba wa nu̱ tlu̱naki sarchi nu̱ke a mbu̱ man var nu̱ larji nang, aa mbarkandi aa malkandi.

2 Timoti 4:14

Alekhzanda nu̱ ɓu̱dlang wa shi ɗyi malkandi ya maɗyi. Zhinkir gwaanji ka dli gaɗe ni yenda ku̱me ɗyi nyin shiki.

Ɗyin mbu̱ tukari 2:23

Ngga tlagha nduki nu̱ke a mbu shogar ɓaran nu̱gha, nu̱ mbu Yesu ku kap ka zu̱n nu̱ ɗyine nga ke nu̱ laɓ mbu̱ kwaari ndu̱ memu̱na aaki. Yang ngga ɓi aaki ku̱rku̱r ndu̱ tlu̱nar ɓaran.

Ɗyin mbu̱ tukari 20:12

Tang na nduki nu̱ mu̱tki ku, woi ndu̱ gorki, chingndan ku gume zhakhɗyang yang tu̱ qu̱n lagarkatiku nu̱gha. Kom tu̱ qu̱n lagarkati nggur tu̱k nu̱gha, chin ke, Lagarkati nu̱ Nyifiri. Tu̱ kuma nduki nu̱ mu̱tki ɗyine ɗyi nu̱ shiki ku, ba wa nu̱ke a nje bu̱laran mbu̱ lagarkatikwang.

Ɗyin mbu̱ tukari 22:12

“Wonji, nga ɓar ɗau! Ngga ɗa ɓa ndu̱ ɗye ɓi ɓang khara, tang vu̱r ye aaki ku̱rku̱r ndu̱ ɗyi nu̱ tlu̱naki.