Romeku 2:4 - Mewar Alqawarang

⁴ Yang ɓa, ta ndu̱mkya khang mu̱nkir ɓu̱ Magham, ndu̱ kanaɗyi ɓaran, ndu̱ song wuti shokhnar ɓaran ɗau ɗau nu̱ke a shiran yorang mu? Alapa no zu̱n za mu̱nkir nu̱ke Magham a shiran yorang a shiran ma ku̱ nggoɗ na ɓa goma?

Romeku 2:4 ပူးပေါင်းရင်းမြစ်များ

Romeku 10:12

Jiwa nu̱ shakh chele ɓu̱ Yakhudeku ndu̱ nduki nu̱ke ɗya Yakhudeku ɓa nu̱ gha ɓa. Zhinkir gwaanji nang, ke Zhinkir gwaanji ɓu̱ aaki, chin ke nu̱ vu̱r barke khangndi ye kap nduki nu̱ ka ghoki yenda.

Romeku 11:22

Chem ka na me mbarkir ɓu̱ Magham ndu̱ chingndi gha shanggu̱ɗang nu̱ka shiki ve nang. Wa kha shanggu̱ɗang ɗyine nduki nu̱ njimki, tu̱ yang wut mbarkir ɓaran yoro, mbu̱ ta zu̱m guma mbe mbarkir ɓaranang. Mbu̱ yang no zu̱m guma su̱ ɓa, ka ku̱rta ɓar tu̱k ve man qu̱farang.

Romeku 11:33

Ai, khang gu̱nar ndu̱ kirti kaɗari ɓu̱ Magham ndu̱ zu̱ndi ɓaran koɗokhsi shwat ɓa! Ɗyiku nu̱ka kumaki wa duk ku̱ nduk laɓ mban, njiv ɓaran wa duk du̱mbu̱r ku̱ nduk na!

Romeku 3:25

Magham wa vu̱r Yesu tu̱ kha ma sadke nu̱ daki shipiti solar ɓaarem ɓara nu̱ ku̱nshe maitar tom ɓaran nu̱ mbu̱ɗki. Magham shi wanang ma wut ɗyi toropndi nyin shiki ku̱me wa gu̱n memu̱naran, tu̱ njig solarku nu̱ nduki shiki zhu nu̱ kuma wor ɓa.

Romeku 6:1

Nang chem ka zu̱ nyem za nu̱m ɗo? Zu̱m mi guma ndu̱ sola ma ku̱ mu̱nkir ɓu̱ Magham shaata mu?

Romeku 6:15

Yang nang mban za kim ɗo? Chem ka zu̱m guma ndu̱ solari ku̱me chem a mbu̱ bu̱n Bibitang ɓa, chem a mbu̱ bu̱n mu̱nkir ɓu̱ Magham mu? Auwo! Chem ɓu̱ shi wanang sar da ɓa!

2 Korintiyeku 8:2

Aa nu̱ke wa za bonyeku maɗyi ku̱me damtarku ndu̱ bonye nu̱ gwaki vaanda mban. Yang kap ndu̱ nang, tu̱ ɓong memu̱nar maɗyikandi sa wor tu̱ shi mu̱nkir ye nduki nu̱ ku̱nshe vu̱rti nu̱ shiki ku, aa nu̱ke nungndan ku.

Afiseku 1:18

Nga barar tu̱k ku̱ Magham vu̱r dar mbu̱ tun ye nu ma ku̱ zu̱n nu nu̱m ke sar memu̱nar nu̱ qaki nu̱ kandi, tun zu̱n zhaaji ɓu̱ gu̱nar shakhti ɗye mbu̱ ge ɓu̱ nduki ɓu̱ Magham.

Afiseku 1:7

Mbe nda chem wa gwa dli ɗyin nu̱ ku̱nshe tom ɓaran, nang ke yaapar solar ɓaarem nu̱ shiki yerem. Yang shi nang yerem ku̱me khang mu̱nkir ɓaran

Afiseku 2:4

Yang Magham ɗya nu̱ nar zhiyaye maɗyi, ndolar ɓaran yerem khang maɗyi,

Afiseku 2:7

Yang Magham shi nang ma ku̱ wut mu̱nkir ɓaran nu̱ke koɗokhsi ɓa ye aa nyi sarchi nu̱ke a ɓari. Wut mu̱nkir ɓaran nang, mbe Masiya Yesu.

Afiseku 3:16

Nga khuti nda ku̱ vu̱r vu̱rti nggur ye nu mbu̱ gu̱nar zhaaji ɓaran. Tu̱ pa du̱mbu̱r ye nu ndu̱ zalale ɓaran, ma ku̱ kha nu shokhku̱rokh mbu̱ memu̱nanu nu̱ ku̱nshe Jiimbi ɓaran.

Afiseku 3:8

Aa nu̱ke nga aa nu̱m mbe nduki ɓu̱ Magham ɓa, tu̱ yang vu̱rkya mu̱nkir nang ya, ma ku̱ ɗu̱ nga ndu̱ gu̱nar Labar mbarkandi ɓu̱ Masiya nu̱ zhaaji nu̱ka ku̱naki shigar nang ye nduki nu̱ke ɗya Yakhudeku ɓa.

Filipiyeku 4:19

Maghamndi ɓang ka vu̱r ɗyi nu̱ke tun a gangndan kap ye nu ku̱rti khang gu̱nar ɓaran mbe Masiya Yesu.

Kolosiyeku 1:27

Ɗyi nu̱ Magham daasaki chin ke ku̱ nduki ɓaran zu̱n ɗyi tukakandi ku ɓaran, chin gu̱nar ndu̱ zhaaji tukakandi nu̱ke a kha nda ku̱me nduki kap. Yang ɗyi tukakandi nang a wutan za tun ka gwa me ɓaanu sar memu̱nar mbu̱ zhaaji ɓu̱ Masiya.

Kolosiyeku 2:2

Yang nga shi nang ma ku̱ gwa du̱mbu̱r ku tu̱ gonta ɗyin wor mbe ndola. Gwar ɗyiku nang ka sa tu̱ gwa gu̱nar gwaanji nu̱ maito nu̱ke memu̱nar rap rap si ɓa nu̱ dar mbu̱ ɗyi tukakandi ɓu̱ Magham nang ke Masiya ndu̱ varan.

1 Timoti 1:16

Yang tu̱ Magham tu̱k zhiyaye ɓanga, aa nu̱ke nga kuji sola, ma ku̱ nduki na kaɗanyi ɓu̱ Masiya Yesu nu̱ vya, tang kha ma ɗye saidu ye nduki nu̱ke a ma maita nda gana fan ma gwa nyifi nu̱ke ɓu̱ shi woɗa ɓa.

1 Timoti 6:17

Zu̱ ma ye nu̱ gu̱narku nu̱ mbu̱ larji nang ku̱ kha ndu̱ gwaari ɗyin ku ɓa yang ku̱ sa memu̱na wor nu̱ ɗyin gu̱nar ɓaanda nu̱ke nu̱ka shoɓ ɓa nda ɓa. Ku̱ sakya memu̱na wor ye Magham nu̱ka vu̱rki aa nu̱m yerem kharan nggaran ma ku̱ tu̱k mi mu̱ndi.

1 Biturus 3:20

Nang ke jiimbiku nu̱ mbu̱ zhaaru̱m nu̱ zhangki mbu zu̱r ɓu̱ Magham gha zhu ye sarchi ɓu̱ Nukhu. Aa nu̱ke Magham wa shi kaɗanyi ye sarchi nu̱ke Nukhu a khu̱ɓ du̱mbu̱lang. Ba nduki koɗom ɗanaki mbu̱ du̱mbu̱lang ye sarchi ni, nduki miyasi lawaki mbe ɗyimang.

2 Bitu̱rus 1:11

Shir wanang ka sa tun gwa gaɗar mbarkandi ma viri nu̱ mbu̱ kwaaɗar ɓu̱ Zhinerem gwaanji nu̱ke nu̱ka shi woɗa ɓa ndu̱ nu̱ Nu̱ Ɗanar rem Yesu Masiya.

2 Bitu̱rus 3:15

Kor ma nu̱ ɗyine ɗyi nu̱ saki tu̱ Zhinkir gwaanji ki kaɗanyi chin ke a shim ku̱ nduki gwa ɗanari. Ba wa nu̱ Bulus mu̱dlerem nu̱ke chem a ndolaran bu̱laki ye nu wa nu̱ Magham vu̱rki kaɗari ni yenda.

2 Bitu̱rus 3:3

Gumapaali, zu̱n ma nu̱ ɗyine, ye lauɗar su̱ qaandi virkirku nduki nu̱ ɓalar ndu̱mndi ku ka ɗa vi a ɓalar ndu̱mndi ku. A mbu ɗyiku malkandi nu̱ wor shimki.

2 Bitu̱rus 3:9

Ɓeeni nduki a zu̱ran za Zhinkir gwaanji a ku̱ɗa ku̱ɗa ndu̱ alqawar nu̱ shiki. Yang ɗyen wanang ɓa, a shikya kaɗanyi ndu̱ tunu nu̱ shim ku̱ aaki su̱ya ɓa, a shim ku̱ aaki nggoɗi.

Ɗyin mbu̱ tukari 2:21

Nga vu̱r sarchi yenda ma ku̱ nggoɗi ku̱ njig me mu̱nggu̱l nu̱ke a shiran yang a shimndan ɓa.

Ɗyin mbu̱ tukari 3:20

Wonji nga! Nga nje chingndan me viri nga ghwaatan. Aaki tu̱kki nga tu̱ qu̱n me virang nu̱gha, ngga ɗa vi tang zu̱m su̱yen ndu̱ chin, tu̱ zu̱m su̱yen ndu̱ nga tu̱k.