Romeku 2:27 - Mewar Alqawarang

²⁷ Nduki nu̱ke su̱ wor dlaran ɓa yang a tlu̱na ɗyi nu̱ Bibitang zu̱ki, ka kuma ro, to nu̱ke bu̱lar Bibitang a nje khaaro, wonji ta dla soro nu̱gha tu̱k, yang no ka mbu zu̱r ɓu̱ Bibiti ɓu̱ Maghamang ɓa.

Romeku 2:27 ပူးပေါင်းရင်းမြစ်များ

Matta 3:15

Tu̱ yang Yesu tlogha yenda za, “Njig ku̱ kha ma wanang leendang, ku̱me wa shi mbari shem aa nyi tun nu̱ke ɗya shimndi ɓu̱ Magham.” Kom tu̱ Yokhana tlogha yenda.

Tlu̱nar ɓu̱ Pudeku 13:22

Nu̱ Magham fetki Shawulu ɓar mbu̱ kujirang, tu̱ sa Dauda tu̱ kha ma kuji ɓaanda. Tu̱ Magham shi ɓalar ɓu̱ Dauda tu̱ zu̱ za, ‘Nga gwa Dauda yi ɓu̱ Jesse, memu̱naran wa ɓanga, ka shi ɗyi nu̱ke nga shimndan kap ya.’

Romeku 13:10

Mbu̱ tun a ndola nduku tun ɓu̱ mu̱na nda sar da ɓa. Ku̱me nang ndola ke nyedli ɓu̱ woparang.

Romeku 2:15

Tlu̱nar ɓaanda wa wut nu̱ ɗyine ɗyi nu̱ Bibitang zu̱ki a nje bu̱laran mbu̱ memu̱na wora. Kwaari nu̱ memu̱na wor wa saida nang, nu̱ke kwaari ɓaanda wa ka wut za wor wa shi sola fu̱ɗa ngguri, ye sarchi nggur tu̱ka wut ye wor nu̱ ɗyine nu̱ wor shi sola mbe ɗyi nggur ɓa.

Romeku 2:20

nu̱ shogar ye nggu̱bu̱ngku ndu̱ maalu̱m ɓu̱ nduki nu̱ke kwaari ɓaanda wa ɓu̱ qusongga. Ta zu̱n tu̱k nu̱ ɗyine zu̱ndi nyelkandi ndu̱ zhire a nje mbe Bibitang.

Romeku 2:25

Mbu̱ ta ka mbu Bibitang, dlarsi nu̱ shiki yorang wa kha ndu̱ boota. Mbu̱ yang no ka khutlo Bibitang ɓa, dlarsi nu̱ shiki yorang wa kha bam.

Romeku 2:26

Yang ɗo, alapa mbu̱ nduki nu̱ke nu̱ dla su̱ wor nu̱gha ɓa wa tlu̱na ɗyi nu̱ Bibitang zu̱ki, ɓu̱ kha ku wa nduki nu̱ dlaki su̱ wor nu̱gha she Magham ɓa goma?

Romeku 2:29

Yakhude zhirekandi ke njif nu̱ke ɗya Yakhuda mbu̱ memu̱naran, yang tu̱k dlarsi zhirekandi ke dlarsi nu̱ke a mbu̱ memu̱na nduku, nang ke ɗyi nu̱ Jiimba shiki, ɗya ɗyi nu̱ bu̱lar Bibitang shiki ɓa. Njif nu̱ khaki wanang Magham ke nu̱ kuna nda, ɗya nduk ɓa.

Romeku 3:30

ku̱me Magham kaada, ka sa tu̱ nduki nu̱ke su̱ wor dlaran gwa khar waare sola gume nda nu̱ ku̱nshe maito. Wanang tu̱k, nduki nu̱ke su̱ wor dlaran ɓa ka gwa khar waare sola gume Magham nu̱ ku̱nshe maito dandi nang.

Romeku 8:4

Magham shi wanang yerem ma nyel tlu̱nar dambi nu̱ Bibitang zu̱ki za ku̱ shi mi. Shi nang yerem, chem nu̱ke chem a khar viti ɓaarem mbe Jiimba, nyem ka shi nu̱ ku̱nshe ɗye shir ɓu̱ nduk ɓa.

1 Korintiyeku 7:19

Dlarsi ndu̱ song dlarsi ɗya aa nu̱m ɓa, khutlo ɓalar ɓu̱ Magham chin ke torop.

2 Korintiyeku 3:6

Nang ke ɗyi nu̱ saki chem kha ma nu̱ tlu̱nar ku ɓu̱ mewar alqawarang, nu̱ ku̱nshe bibitiku nu̱ bu̱lakyang ɓa, yang nu̱ ku̱nshe Jiimba. Chin bibiti bu̱lakandi nang chin ke nu̱ ɓar ndu̱ mu̱ti, yang Jiimbyang ke nu̱ vu̱r nyifiri.

Galatiyeku 5:14

Ku̱me Bibitang kap a ɗyine ɓalar da, chin ke, “Ndolo nu̱ bing ɓaaro wa vaaro.”

Afiseku 2:11

Ku̱me nang, kor ma khar ɓaanu ɗau fara tun nu̱ke tun Yakhudeku ɓa. Nduki nu̱ka qaki var wor za wor “nu̱ dlarsi” nang, wa ka qa nu za, “Nu̱ song dlarsi ku.” (Yang wonji dlarsi nang ɗya nu̱ man va, nu̱ka shiki ndu̱ khar.)

2 Timoti 3:15

Kor nu̱ ɗyine ta shoga bu̱lar Ɓalar ɓu̱ Magham shakhshakhndi nu̱ shogaki njiv gwar ɗanar yoro nu̱ ku̱nshe maitar Masiya Yesu ji ɓa woi koɗomma.

Yibraniyeku 11:3

Chem wa zu̱n nu̱ ɗyine Magham du̱ng larji ndu̱ ɓalar mbu̱ men nu̱ ku̱nshe maito, ɗyi nu̱ke chem a naran nang a vi mbe ɗyi nu̱ke ɓu̱ shi na ɓa.