Romeku 2:16 - Mewar Alqawarang

¹⁶ Ku̱me nang, ba wa nu̱ Labar mbarkandi nu̱ke nga waazu ɓaran nang zu̱ki, ka ɓa kha wanang Fu̱ɗar nu̱ke Magham, nu̱ ku̱nshe Yesu Masiya ka ɓa kumaki ɗyiku nu̱ke a nje tukaran mbu̱ kwaari ɓu̱ nduki.

Romeku 2:16 ပူးပေါင်းရင်းမြစ်များ

Matta 16:27

Yi ɓu̱ Nduk a ɓar ndu̱ nu̱ ru̱ktiku ɓaran, mbu̱ zhaaji ɓu̱ Zhinkir ɓaran, kom ka ɓi aaki ku̱rku̱r ndu̱ pooni tlu̱nar nu̱ nduk shiki.

Luka 8:17

Wanang tu̱k, kap ɗyi nu̱ke tukaran ka ɓa ɗal dam, yang tu̱k ɗyi nu̱ke paran ka ɓa vi ye dalangi.

Yokhana 12:48

Njif nu̱ zhangki nga gha, yang nu̱ dlu̱ shogar ɓang tu̱k zu̱m ɓa, nu̱ kuma nda nje, ɓalar nang zu̱ki, chin ka kumaki nda fu̱ɗar wuri.

Tlu̱nar ɓu̱ Pudeku 10:42

Chin ru̱kki rem za shem waazu ye nduki, chem saida ye wor nu̱ ɗyine chin ke njif nu̱ Magham datki ma ku̱ kuma nduki nu̱ke a nje nu̱ nyifiri kom ndu̱ nduki nu̱ mu̱tki.

Tlu̱nar ɓu̱ Pudeku 17:31

Ku̱me wa sa sarchi nu̱ke chin ka kumaki larji mbe zhire nu̱ ku̱nshe njif nggur nyin datki. Magham wa wut zhire ni shwat nu̱ daki nda nu̱ viɗi nu̱ nyifiri mbe mu̱ti.”

Romeku 16:25

Bu ku̱ zhaaji kha Magham nu̱ zalale par nu nu̱ mbe maito ba wa nu̱ Labar mbarkandi nu̱ke nga waazu ni ɗyine Yesu Masiya nang zu̱ki. Yang Labar mbarkandi nang ɗya ɗyi tukakandi zhu tang,

Romeku 2:5

Yang kaaku̱ɗakh ɗyin, ndu̱ kaaku̱ɗakh memu̱nar nu̱ke ta shiran nang, ta tabakya kumar ye ɗyinoro, yang a buroro ye Fu̱ɗar shokhnar ɓu̱ Magham, nang ke sarchi nu̱ke a ma wut kumar toropndi ɓu̱ Magham.

Romeku 3:6

Auwo! Ɗyen wanang sar da ɓa! Mbu̱ Magham nu̱ shi torop ɓa, ka kuma larji kikimndana?

1 Korintiyeku 15:1

Yang leendang, nyeezaku, nga shim ku̱ kor nga Labar mbarkandi nang zu̱ki ye nwang ye nu, chin labar nun dlu̱ki, tun ching nu̱ ɗyinanang.

1 Korintiyeku 4:5

Ku̱me nang ku̱ kuma nu nduk me ku̱ sarchi ni shi dong ɓa, bu ma ɓar ɓu̱ Zhinerem gwaanji nu̱ke ka lauɗaki su̱ kumar aa nu̱m. Chin ka wutki ɗyiku nu̱ke a nje tukaran mbu̱ zhumi, tu̱ fet ɗyi nu̱ nduki ku̱rki mbu̱ memu̱na wor ye dalangi. Nang ke sarchi nu̱ke aaki ka gwaki makhtar she Magham wa nu̱ shipaki.

2 Korintiyeku 5:10

Jiwa wa ku̱s ku̱ ching mi nu̱ gume du̱ku̱l kumar ɓu̱ Masiya kap ɓaarem, ma ku̱ kuma rem. Aaki ka dlu̱ ɗye ɓi ɓaran ba wa nu̱ tlu̱naki sarchi nu̱ke a mbu̱ man var nu̱ larji nang, aa mbarkandi aa malkandi.

Galatiyeku 1:11

Nyeezaku, nga shim zu̱n nu nu̱ ɗyine wopar Labar mbarkandi nu̱ke nga san nang a vi she nduk ɓa.

1 Timoti 1:11

Nang ke shogar nu̱ khaki torop ndu̱ Labar mbarkandi nu̱ zhaaji nu̱ke Magham nu̱ barka vu̱rki ya ma ku̱ wopa nga.

2 Timoti 2:8

Kor nu̱ ɗyine Yesu Masiya nu̱ jiiki ndu̱ chin ɓar mbe mu̱ti, a viki me sham ɓu̱ Dauda. Nang ke Labar mbarkandi nu̱ke nga woparanang.

2 Timoti 4:1

Nga ɓalar nang yor gume Magham ndu̱ Masiya Yesu, nu̱ke ka ɓa kumaki nu̱ nyifiri ku ndu̱ nduki nu̱ mu̱tki, nu̱ pitl gaɓti ɓaran ndu̱ kwaaɗar ɓaran.

2 Timoti 4:8

Leendang ɗye zhar nu̱ tlu̱nar dambi a nje daasaran ku̱me nga, chin Zhinerem gwaanji nu̱ke ɗya nu̱ kumar zhire ka ɓa vu̱rki ya ye Fu̱ɗar naandang. Yang ka ɓa vu̱rkya ya nga ɗyenda ɓa, ka ɓa vu̱r ye kap nduki nu̱ke a buran ku mbe ndola ma na nda gaɓti ɓaran.

Yibraniyeku 9:27

Ba wa nu̱ du̱nki ye aa nyi nduku ku̱ mu̱t sar da, qu̱rsan tu̱ Magham kuma nda,

1 Biturus 4:5

Yang Magham daasaran ma ku̱ kuma nu̱ nyifi ku ndu̱ nduki nu̱ mu̱tki. Ka shiga su̱ ɗyi nu̱ wor shiki gume nda.

2 Bitu̱rus 2:9

Mbu̱ yang ɗyiku nang wanang Magham wa zu̱n ɗyi nu̱ke chin ka shiki ma ɗana nu̱ sawar nda ku mbe buuriku ɓaanda. Magham wa zu̱n ɗyi nu̱ke chin ka shiki chin njig nu̱ mu̱narku mbu̱ bonye ɓaanda kope sarchi kumari.