Romeku 16:7 - Mewar Alqawarang

⁷ Tun shi qaandi ye Andu̱ronikus ndu̱ Juniyas, nyeeza Yakhudeku, wor ke nduki nu̱ khiiki rem gha su̱yen mbu̱ zhaaru̱m. Pudekwang wa zu̱n wor maɗyi, yang maita Masiya ku ya guma.

Romeku 16:7 ပူးပေါင်းရင်းမြစ်များ

Yokhana 14:20

Ye fu̱ɗar nandang tun ka zu̱nki za nga mbe Zhinkir ɓanga, tun yang tun a mbya, ngaa mbe nu.

Yokhana 15:2

Aa nyi me bu̱n qu̱far nu̱ke nu̱ kha woi mbya ɓa, ka ku̱rta nu̱ gha. Aa nyi bu̱n nu̱ khaki woi, ka shaata kwaɗa nda nu̱ gha ma ku̱ shaata khar woi.

Yokhana 6:56

Kap njif nu̱ke a nji dlu vara, tu̱ ki za tom ɓanga kharan mbya, nga kharan mbe nda tu̱k.

Romeku 16:10

Shi ma qaandi ye Apeles ɗya nu̱ zhire mbe Masiya shwat. Tun shi qaandi ye nduki nu̱ mbu̱ rafti ɓu̱ Aristobulus.

Romeku 16:11

Tun shi qaandi ye Khirodiyon nu̱ke ɗya mu̱dla Yakhuda. Tun shi qaandi tu̱k ye nduki nu̱ke a mbe Zhinerem gwaanji mbu̱ rafti ɓu̱ Narkisus.

Romeku 16:21

Timoti, mu̱dla mbu̱ tlu̱nar nang, a qaandi ye nu, Lushiyos, ndu̱ Jason, ndu̱ Sosipata, nu̱ke ɗya Yakhudeku a qaandi ye nu tu̱k.

Romeku 16:3

Tun zoɓa qaandi ɓang ye Bu̱rsikila ndu̱ Akila, mu̱dlaku nu̱ tlu̱nar mbe Masiya Yesu.

Romeku 16:6

Shi ma qaandi ye Maryam chin nu̱ shiki tlu̱nar maɗyikandi ye nu.

Romeku 16:8

Shi ma qaandi ye Ampiliyatus, njif nu̱ke nga ndolaran mbe Zhinerem gwaanji.

Romeku 16:9

Tun shi qaandi ye Urbanus mu̱dlerem nu̱ tlu̱nar mbe Masiya, ndu̱ Su̱takis rapta maɗyikandi.

Romeku 8:1

Ku̱me nang, ɓu̱ kuma mu̱ti ye nduki nu̱ke a mbe Masiya Yesu ɓa.

Romeku 8:11

Mbu̱ Jiimbi shakhshakhndi nu̱ jiiki ndu̱ Yesu mbe mu̱ti a nje kharan mbe nu, ba chin nu̱ jiiki ndu̱ Masiya mbe mu̱tang ka vu̱r nyifiri ye man vaanu nu̱ka mu̱tki. Nu̱ ku̱nshe Jiimbi nu̱ke a nje kharan mbe nwang.

Romeku 9:3

Tu̱ga miikya barke ɓanga, tu̱ shakhti nga ndu̱ Masiya ma ku̱ nyeeza gwa ɗanari, wor nduki nu̱ke ɗya me ghai ɓang ku,

1 Korintiyeku 1:30

Magham saki ku̱ khanu nu̱ mbe Masiya Yesu, chin saki tu̱ Masiya kha chin ke kaɗari ɓaarem. Chem gwa dlu̱r she Magham, chem kha ma nduki ɓaran wakakandi chem lawa me khar maavi ɓu̱ sola nu̱ ku̱nshe nda.

2 Korintiyeku 11:23

Mbu̱ wor nu̱ tlu̱narku ɓu̱ Masiya, nga duk wor mbe nang! (Nga ɓalar nang wa nga yirtan!) Ai, nga duk wor tlu̱nar maɗyi, nga gwa gu̱ndi sar khang, wa dlabti nga ku sar khang, sar khang nga me mu̱ti.

2 Korintiyeku 12:2

Nga zu̱n njif nggurnu̱ daki nda ma yir mbu̱ viɗi nu̱ kunung nu̱ ku̱nshe zalale ɓu̱ Masiya, sonyi gwaanggu̱m vat meeni, da nda mbu̱ manva gom, mbu̱ manva ɓa gom, nang zu̱n ɓa, Magham ɗyenda zu̱nki.

2 Korintiyeku 5:17

Jiwa mbu̱ nduk a mbe Masiya, ɗya mewar nduku, geema ɗyiku wa peeta, leendang aa nu̱m wa kha mewaran.

2 Korintiyeku 5:21

Masiya nu̱ shi sola sar da ɓa, yang tu̱ Magham gaɓ ndu̱ chin ma sadke sola ku̱me chemi. Nang ke ɗyi nu̱ saki chem kha ma nu̱ jeembu she Magham mbe Masiya.

Galatiyeku 1:22

Yang ye sarchi naandang, tabar ɓu̱ nu̱ mbu Masiya nu̱ke a mbu̱ ghai Yakhudiya, nu̱ zu̱ndi nga ku yiti ndu̱ yiti ɓa.

Galatiyeku 2:2

Nga ɗu̱ ku̱me Magham wa wut ya za ɗu̱ nga, nang khu̱lki tang qa dlegumeku ɓu̱ nu̱ mbu Yesu kwang nu̱ konggol tang zu̱ su̱ Labar mbarkandi nang wopaki ye nduki nu̱ke ɗya Yakhude ku ɓa ndang ye wora. Nga shi wanang ku̱me nang shim ku̱ tlu̱nar nang shiki ndu̱ nu̱ke nga shiran kha bam ɓa.

Galatiyeku 2:6

Yang ɓu̱ nduki nu̱ daki wor za ɗya dlegumeku nang, nu̱ shaata aa nu̱m nu̱ ɗyine shogar nang shiki ɓa. (Ye nar ɓanga, aa nu̱zhinakon kikimndan kap da sha. Ku̱me Magham nu̱ka kuma nduk ndu̱ ɗyi nu̱ke nduk a naran dam ɓa).

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

Galatiyeku 6:15

Dlarsi ndu̱ song dlarsi ɗya aa nu̱m ɓa, ɗyi nu̱ khaki nu̱ boota chin ke ku̱ nduk kha ma mewar du̱ngdi.

Afiseku 2:10

Ai, chem ndu̱ ɗyinerem chem tlu̱nar ɓu̱ Magham, du̱ngnderem mbe Masiya Yesu, ma ku̱ shi mi tlu̱narku mbarkandi nu̱ Magham woɗaki daasaran yerem ma ku̱ shi mi gumapaali.

Kolosiyeku 4:10

Aristakus, chin nu̱ke a nje su̱yen ndu̱ nga zhaaru̱m, za shi nga qaandi ye nu, kom ndu̱ Markus nu̱ke a khar khachinki ku ndu̱ Barnaba. (Chin ke njif nang zu̱ki ye nu nga za ku̱ dlu̱ nu nda kha nu rap rapang).

Filimon 1:23

Apafaras nu̱ke a zhaaru̱m su̱yen ndu̱ nga ku̱me Masiya Yesu a zoɓa qaandi ye nu.

1 Yokhana 4:13

Chem wa zu̱n za chem kharan mbe nda, chin a mbe rem tu̱k, ku̱me Jiimban nu̱ vu̱rki yerem.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.

Ɗyin mbu̱ tukari 1:9

Nga, Yokhana, khatonu ndu̱ mu̱dlonu mbe bonye ndu̱ kwaaɗari ndu̱ kaɗanyi mbe sar memu̱nar nu̱ke ɗya ɓaarem mbe Yesu. Nga ɗyin chenjesi Patu̱mos ku̱me ɓalar ɓu̱ Magham nu̱ saidar Yesu.