Romeku 16:26 - Mewar Alqawarang

²⁶ yang leendang a ɗal ye dalangi nu̱ ku̱nshe bu̱larku ɓu̱ annabiku. Nu̱ ku̱nshe zu̱r ɓu̱ Magham nu̱ke lauɗarsi ve nda ɓa, yang wa wut ɗyen tu̱k ye nduki kap, ma ku̱ maita ku ku̱ mbu.

Romeku 16:26 ပူးပေါင်းရင်းမြစ်များ

Markus 16:15

Tu̱ ze wor tu̱k za, ɗu̱ ma aa fu̱n mbu̱ larji, tun zu̱ labar mbarkandi nang ye nduki kap.

Tlu̱nar ɓu̱ Pudeku 10:43

Annabikwang kap wa saida nda za aaki maitaki nda ka gwa yaapar solar ɓaran nu̱ ku̱nshe dlu̱man.”

Tlu̱nar ɓu̱ Pudeku 6:7

Tu̱ ɓalar ɓu̱ Magham shaata yir aa fu̱n. Tu̱ nu̱ mbu Yesu ku shaata shir khang maɗyi mbu̱ ghai Urshalima. Kuruku khang tu̱ maita labar mbarkandang.

Romeku 1:2

Magham wa shi alqawar Labar mbarkandi nang zhu tang nu̱ ku̱nshe annabiku ɓaran, ba wa nu̱ke a nje bu̱laran mbu̱ bu̱lar Ɓalar ɓu̱ Magham shakhshakhndi.

Romeku 1:20

Aa nu̱ke me Maghamndi ɓu̱ Magham ndu̱ zalale ɓaran nu̱ke nu̱ka shi woɗa ɓa ɗya ɗyi nu̱ke nu̱ka shi ku̱ nduk na ndu̱ yiti ɓa. Yang ma nu̱ shiki larji wa wut ɗyiku nang ye dalangi, nduk ka da mbu̱ ɗyiku nang nu̱ ku̱nshe ɗyiku nu̱ du̱ngki. Ku̱me nang ɓala kha nduk ɓa!

Romeku 1:5

Barke ɓu̱ Yesu Masiya ndu̱ dlu̱man saki chem gwa mu̱nkir tu̱ qa rem ma khami ma pudeku ɓaran, ma ku̱ qa mi nduki nu̱ mbu̱ ghaiku kap ku̱ maita tu̱ mbu zu̱r ɓaranku.

Romeku 15:18

Ngam ɓu̱ shi lu̱kshi ɓalar ɗyine ɗyi nggur ɓa, kope ɗyi nu̱ Masiya shiki nu̱ ku̱n sha nu̱ ɗa ɓa ki ndu̱ nduki nu̱ke ɗya Yakhudeku ɓa nu̱ Magham shiki. Tu̱ mbu zu̱r ɓaran nu̱ ku̱nshe ɓalar ɓanga ndu̱ tlu̱narku ɓanga.

Romeku 15:4

Jiwa kap ɗyi nu̱ bu̱laki zhu mbu̱ bu̱lar Ɓalar ɓu̱ Magham bu̱la ma shoga tun yerem. Ma ku̱ kha mi ndu̱ sar memu̱na mbe kaɗanyi, ndu̱ par du̱mbu̱r nu̱ke bu̱lar Ɓalar ɓu̱ Magham a vu̱rtan yerem ku̱me gwami sar memu̱na.

Romeku 3:21

Yang leendang wa wut njiv nggur yerem zum nu̱ke chem ka gwaki dambi ɓu̱ Magham. Nduk ɓu̱ gwa dambi nang nu̱ ku̱nshe mbu Bibitang ɓa, aa nu̱ke Shogar ɓu̱ Musa ndu̱ lagarkati ɓu̱ annabikwang wa saida dambi nang.

Galatiyeku 3:8

Bu̱lar Ɓalar ɓu̱ Magham wa zu̱ zhu za ɓeeni nduki nu̱ke ɗya Yakhudeku ɓa ka gwa khar waare sola gume Magham nu̱ ku̱nshe maitar nda. Ku̱me zhu wa zu̱ Labar Mbarkandang ye Yibram za, “Larji kap ka gwa barke nu̱ ku̱n shoro.”

Afiseku 1:9

Tu̱ Magham sa chem zu̱n shimndi ɓaran tukakandi ɗyine ɗyi nyin ku̱rki, tu̱ yang nyel nda nu̱ ku̱nshe Masiya.

Afiseku 2:20

Wa du̱ngndonu nu̱ ɗyine su̱ du̱ndi nu̱ pudeku ndu̱ annabikwang du̱nki, yang Masiya Yesu ke ndogdi ngginggeetli nu̱ dukki ndu̱ boota mbu̱ du̱ndang.

Kolosiyeku 1:26

Ɗyi nu̱ke nga zu̱ran ye nu nang ɗya ɗyi nu̱ke a nje tukaran zhu tang mbu̱ zamanku khang nu̱ peetaki, yang wa wut ɗyi tukakandi nang ye nduki ɓaran leendang.

1 Timoti 1:17

Bu ku̱ gorkir ndu̱ zhaaji kha Kuji Magham aakochi, chin nu̱ke nggarsi ve nda ɓa yang lauɗar su̱ ve nda ɓa, nduk nu̱ka na nda ndu̱ yiti ɓa, chin ɗyenda ke Magham! Amin.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

2 Timoti 1:10

tu̱ yang wut mu̱nkirang yerem ye dalangi nu̱ ku̱nshe ɓar ɓu̱ Nu̱ Ɗanar ɓaarem Masiya Yesu. Chin su̱yaki mu̱ti nu̱ gha ta ɓa nu̱ nyifiri nu̱ke nu̱ka shi mu̱t ɓa yerem ye yarangi nu̱ ku̱nshe Labar Mbarkandang.

Yibraniyeku 13:8

Yesu Masiya nu̱ka nggoɗ ɓa, a nje ba wa nu̱ke a nje mbu̱ɗa ndu̱ meeni, ndu̱ aakochi koɗokhsi ɓa.

Yibraniyeku 9:14

yang tom ɓu̱ Masiya ɗa? Chin nu̱ke beeko ve nda ɓa, nu̱ vu̱rki ɗyinan ye Magham nu̱ ku̱nshe Jiimbi nu̱ke koɗokhsi ɓa. Ai, shiɓ memu̱narem nu̱gha chem njig konyiku ɓu̱ memu̱narem nu̱ke boota su̱ ɓa nu̱ka daki rem ye mu̱ti, ma ku̱ gharmi ghai ye Maghamndi nu̱ nyifiri.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.

Ɗyin mbu̱ tukari 1:17

Nang naki nda tang nggu̱ɗ nu̱ gume nda wa nga mu̱tan. Tu̱ yang sa kharan nu̱ zu̱ma nu̱ ɗyina, tu̱ zu̱ za, “Tu̱k na sawa ɓa. Nga ke nu̱ gumapaali, nga ke nu̱ gana.

Ɗyin mbu̱ tukari 19:10

Tang nggu̱ɗ nu̱ gume nda ma ghar ghai yenda, tu̱ yang zu̱ ya za, “Shi na ɓa! Nga mu̱dlo maava, su̱yen ndu̱ nyeezorku, nu̱ke a saida zhire nu̱ Yesu wutki. To ka gharkya ghai ye Magham!” Ku̱me zhire nu̱ Yesu wutki vu̱rki zalale zu̱r ɓalar nu̱ ɗa viki she Magham.