Romeku 16:18 - Mewar Alqawarang

¹⁸ Ku̱me pooni nduki nang a gharkya ghai ye Masiya Zhinerem gwaanji ɓa, a shiran ku ye mbu̱ wora. Wa ka lamba nduki nu̱ ku̱nshe ɓalar mu̱nkandi ku ndu̱ khamndi nduki nu̱ wollo, tu̱ ka lamba nduki nu̱ke ɗyin wor zu̱ran.

Romeku 16:18 ပူးပေါင်းရင်းမြစ်များ

Matta 24:11

Annabi kotameku khang ka ɗa ɓa ku tu̱ lamba nduki khang.

Matta 24:24

Ku̱me Masiye kotameku ndu̱ annabi kotameku kaɗa vi ku, tu̱ shi shipar ɗyiku ndu̱ ɗye lazhamku, ma ku̱ lamba nda nduki, ndu̱ aa nduki datkandiku mbu̱ ka shi.

Matta 6:24

“Sarda nduk ɓu̱ kha ma maavi ɓu̱ nu̱ rafti rap guma da ɓa, wa ku̱s ku̱ njig da to ku̱s da. Ka shi tlu̱nar zhirekandi ye dandang, tu̱ ndu̱m dandang. Sarda tom ɓu̱ ghar ghai ye Magham su̱yen ndu̱ shimndi mu̱zhin guma da ɓa.

Matta 7:15

“Ku̱r ma vaanu ndu̱ kotame annabiku nu̱ka ɓa ki she nu mbu̱ shipar ɓu̱ ndu̱ɓangku yang wa ɗya yiɗi gaari nu̱ke a tu̱k meeri maɗyi ku.

Yokhana 12:26

Kap njif nu̱ke a ghar ghai ya, wa ku̱s ku̱ mburi nga. Ye maa nu̱ke nga si kap maavi ɓang ka kha su̱yen ndu̱ nga. Zhinkir ɓang ka vu̱r zhaaji ye nduki nu̱ke a ghar ghai ya kap.”

Romeku 14:18

Ku̱me nu̱ ghaari ghai ye Masiya ve njiv nang kap, ɗya nu̱ mu̱ndi memu̱na Magham, wa ka gwa dlu̱r she nduki tu̱k.

Romeku 16:19

Aaki wa tu̱k ɓalar dlu̱r Labar mbarkandi nun shiki tun a mburan, nang wa sa tang kasha nu. Yang nga shim ku̱ kha nu ndu̱ kaɗari mbe ɗyi mbarkandi, tun kha waare zop mbe aa nyi ɗyi nu̱ke malkandi.

2 Korintiyeku 11:3

Yang nga sawa ku̱ su̱tang shi ghu̱rti ye nu tu̱ lamba nu wa nu̱ lambaki Khawa, tu̱ kwaari ɓaanu su̱bu̱r tun ku̱na vu̱r ɗyinonu guma da ye Masiya ma ku̱ kha nu ma nu̱ song zhire mbe nda ɓa.

2 Korintiyeku 2:17

Ɓaarem nyem kha wa ɓeeni nduki nu̱ke a wopa Labar Mbarkandang ma gwa tun ɗyinan ɓa. Yang nu̱ke Magham ru̱kki remang, chem a zu̱kya zhire gume nda, ye khar ɓaarem nu̱ tlu̱narku ɓu̱ Masiya.

2 Korintiyeku 4:2

Yang nyem dambu̱r ɓalar ɓu̱ Magham nu̱ gha ɓa. Nyem ka lamba aaki ɓa, yang nyem ka shi kotame ndu̱ ɓalar ɓu̱ Magham ɓa. Chem a zu̱kya ba zhire ye dalangi. Aaki ka saida zhire ɓaarem gume Magham mbu̱ memu̱naran.

Galatiyeku 1:10

Yang ɓalar nang ka sa tu̱ nduki da za nga shimkya ku̱ nduki maita nga mu? Auwo. Nga shimkya ku̱ Magham tlogha su̱ ɗyi nu̱ke nga shiran mu yang nga shimkya ku̱ mu̱n nga memu̱na nduki mu? Auwo. Mbu̱ nga shim mu̱n memu̱na nduki tu̱ga nang kha ma maavi ɓu̱ Masiya ɓa.

Filipiyeku 2:21

Aaki damtakya nu̱ ɗyi ɓaran ɗyenda, nu̱ damta nu̱ ɗyi ɓu̱ Yesu Masiya ɓa.

Filipiyeku 3:19

Yang ka su̱ya ku ye lauɗar san. Mbu wor ke maghamndi ɓaanda. A worol ku ndu̱ ɗye kawar nu̱ shiki ku. Ɗyin larji ke damtar ɓaanda.

Kolosiyeku 2:4

Nga zu̱ nang ye nu ma ku̱ aaki lamba nu ndu̱ keele bamndi ɓa, aa me mbaran shoro.

Kolosiyeku 3:24

Kor ma nu̱ ɗyine Zhinkir gwaanji ka vu̱r ɗye ɓi ye nu nu̱ du̱ngki gha ku̱me nduki ɓaran. Jiwa Masiya ke Zhinkir gwaanji nu̱ rafa nu̱ke tun a ghar ghai yenda!

2 Tasalonikeku 2:10

Ka shi lambar maatlindi ye nduki nu̱ke a ve njiv su̱yari, ku̱me wa zhang ndola zhire gha ma ku̱ gwa ɗanar ku.

1 Timoti 6:5

ndu̱ khang keele ndu̱ nduki nu̱ke kwaari ɓaanda wa sagha, yang zhire kha wor ɓa. Pooni nduki nang a na mburi Magham ɗya njif gwar gu̱na.

Yaqub 1:1

Lagarkati nang ji she Yaqub maavi ɓu̱ Magham ndu̱ Zhinerem gwaanji Yesu Masiya, ma yir she me ghaiku gwaanggu̱m rapndi ɓu̱ Israila nu̱ lakhtaki nu̱ aa fu̱n mbu̱ larji. Nga qaandi ye nu maɗyi.

2 Bitu̱rus 2:3

Ku̱me melakh ɓaanda, maalu̱mku nang ka shim ku̱ gwa tun ku ɗyinonu nu̱ ku̱nshe ɓalar wollo nu̱ gu̱nki ku. Yang dlar kumar mu̱ti nu̱ shiki ye wor mbu̱r fara ba a nja bu wora, yang su̱yar wor nu̱ gha nu̱ laada ɓa.

Yakhuda 1:1

Yakhuda maavi ɓu̱ Yesu Masiya, khachin Yaqub, bu̱la lagarkati nang ma yir she nduki, tun nu̱ Magham qaki, nu̱ke Magham Zhinki a ndolaran, nu̱ke Yesu Masiya a khutloran.

Yakhuda 1:12

Ndukiku nang ɗya nu̱ su̱bu̱rtiku, khar nu̱ke a shiran ku mbu̱ tabar bar zu̱mndi nu̱ ndolar ɓaanu, a zu̱mndi ku kawa su̱ ɓa. Wa kha ku ba wa nu̱ khutlo ku nu̱ka zu̱mki ndu̱ ɗyin wor ɗyenda tu̱ njig ndu̱ɓangku ɓaanda, wa kha ku wa sar maari nu̱ke nu̱ka shi roma ɓa, khu̱kheeti wa ka komba ɓara. A khar wa qu̱farku nu̱ke nu̱ka kha woi ye zhur maari ɓa, ɗya qu̱farku nu̱ ɓu̱ɗki nu̱ gha, wa mu̱t ku guma da.

Yakhuda 1:16

Nduki nang ɗya nu̱ ruru ku, a na zop ɓu̱ nduki aakochi. Shimndi ɗyi malkandi ke kwaari ɓaanda. Nyeedlan ku ndu̱ ɓalar bamndi nu̱ makhtar ɗyin vaanda. A lamba nduki nu̱ maghar ɓalari ma ku̱ gwa nda ɗyiku ye var wora.

Ɗyin mbu̱ tukari 1:1

Lagarkati nang ɗya ɗyin mbu̱ tukar nu̱ Magham vu̱rki ye Yesu Masiya ku̱ wut ɗyi nu̱ke a ma ɗaatli nu̱ shopti ɓa ye maaviku ɓaran; tu̱ yang Yesu ru̱k nu̱ ru̱kti ɓaran nu̱ she Yokhana ku̱ zu̱ zoɓar nang yenda.