Romeku 16:17 - Mewar Alqawarang

¹⁷ Nyeezaku, nga khutonu tun shi khankal ndu̱ nduki nu̱ka ɓa ki ndu̱ shakhti ɗyin chele ɓaanu tu̱ sa ɗye ji saari nu̱ gumenu, nu̱ke a kare ndu̱ shogar nun dlu̱ki. Kha ma ɓakh ndu̱ wora!

Romeku 16:17 ပူးပေါင်းရင်းမြစ်များ

Matta 18:17

Mbu̱ wa zhang tu̱k wor gha, to ze tabar ɓu̱ nu̱ mbu Yesu ku, mbu̱ wa zhang tu̱k ɓalar ɓu̱ tabar nu̱ mbu Yesu kwa gha, tun da nda nu̱ mbu̱ njif nu̱ke nu̱ zu̱n Magham ɓa nu̱ solar nu̱ zhangki nggooti gha.

Matta 18:7

Larji ɗya ɗye zhiyaye ku̱me ɗyiku khang nu̱ka saki nduki ma sola! Ɗyiku nu̱ka saki nduki ma solari a nje a ɓari, yang njif na ɓa ki si ɗya ɗye zhiyaye.

Matta 7:15

“Ku̱r ma vaanu ndu̱ kotame annabiku nu̱ka ɓa ki she nu mbu̱ shipar ɓu̱ ndu̱ɓangku yang wa ɗya yiɗi gaari nu̱ke a tu̱k meeri maɗyi ku.

Luka 17:1

Tu̱ Yesu ze nu̱ mburindakwang za, “Ɗye sar nduki ma sola ba a nje aakochi, yang njif na ɓa ki si ɗya ɗye zhiyaye.

Tlu̱nar ɓu̱ Pudeku 15:24

Chem wa gwa labaran za nduki nggur chele ɓaarem wa da khangkal ɓa nun viɗi tun damta nu̱ ku̱nshe ɓalarku nu̱ shiki ku, aa nu̱ke chem vu̱rki zalaleni ye wor ɓa.

1 Korintiyeku 11:18

Nu̱ gumapaali, nga tu̱k za mbu̱ tun wa taba nun ka tu̱k yen ɓa, yang nga maita ɓeeni ɗyikwang ɗya zhire.

1 Korintiyeku 3:3

ku̱me aa leendang ɗye shir ɓaanu ɗya ɗye shir ɓu̱ manva ɓa goma? Ma nu̱ke tun a zhiri ɓu̱ yen, tun a dakhlar chele ɓaanu, ai nang wa wut za ɗye shir ɓaanu ɗya ɗye shir ɓu̱ man va, nun nggoɗ ɓa ku̱me tun a shikya ɗyi nu̱ke nduki a shiran.

Galatiyeku 2:4

Ɓalar ku̱ nduk dla san nu̱gha nang a vi she nduki nu̱ kotaran ku za wor nyeezerem, nu̱ ɗa viki nu̱ chele ɓaarem mbu̱ tuka. Yang a vi ku ma su̱bu̱r dli ɗyin nyem gwaki nu̱ ku̱nshe Masiya Yesu nu̱ gha. A shim gaɓ ndu̱ chem ku ma maava,

Filipiyeku 3:17

Nyeezaku, gonta ma ɗyinonu ndu̱ ɓeenan tun mbu nu ɗyi nu̱ke chem a shiran, tun nggu̱t nduki nu̱ khar viti ɓaanda khaki torop ndu̱ ɗyi nyem wutki ye nu tu̱k.

Kolosiyeku 2:8

Ku̱ njig nu tu̱ nduk gaɓ ndu̱ tun ma maava nu̱ ku̱nshe lambar bamndi nu̱ kaɗari ɓu̱ nduk ɓa. Pooni zu̱ndi nang a vi she nduki nu̱ke a larji, kom ndu̱ khu̱kheetiku nu̱ke a zalale ndu̱ larji, nu̱ ɗa vi she Masiya ɓa.

2 Tasalonikeku 3:6

Nang ɗo, nyeezaku, chem a zu̱ran ye nu mbu̱ dlu̱m Zhinerem gwaanji Yesu Masiya nu̱ ɗyine, ku̱ shakh nu ɗyinonu ndu̱ aa nyi nduk chele ɓaanu nu̱ shimndi khar bam. Chin nu̱ zhangki mbu shogar nun gwaki khaaremang gha.

1 Timoti 1:3

Nga shim ku̱ kha na gha mbu̱ ghai Afisa, ba wa nang khuɗki ku̱ shi na sarchi nu̱ke nga Makidoniya, ma ku̱ wu na ɓeeni nduki nu̱ke a shogar wollo nang ku̱ njig ku.

2 Timoti 3:5

Dam a wutan ku za wor nu̱ zu̱ndi Magham, yang khar viti ɓaanda wa keela zalale nu̱ke a mban. Shakh ma ɗyinonu ndu̱ pooni nduki nang.

Titus 3:10

Yang mbu̱ ta wu nu̱ shimndi shakhti ɗyin sar da ma yir nu̱ rapan, to shakh ɗyino ndu̱ chin.

1 Yokhana 2:19

Vi ɓar chele ɓaarem ku ku̱me zhireni ɗya ɓaarem ku ɓa. Meeni mbu̱ za ɗya ɓaarem ku tu̱ga wa kha gha ku su̱yen ndu̱ chemi, Yang yir vaandang wa wut nu̱ ɗyine ɗya ɓaarem ku ɓa.

Yakhuda 1:19

Wor ke nu̱ shakh ɗyinonu, ka mbukya shimndi ɓu̱ man va. Jiimbi shakhshakhndi a nje su̱yen ndu̱ wor ɓa.”