Romeku 15:8 - Mewar Alqawarang

⁸ Jiwa nga zu̱ran ye nu nu̱ ɗyine Masiya wa kha ma nu̱ tlu̱nar ye Yakhudeku ma ku̱ wut zhire ɓu̱ ɓalar ɓu̱ Magham, tu̱ wut zhire ɓu̱ alqawar nu̱ shiki ye zhikankirku ɓaanda.

Romeku 15:8 ပူးပေါင်းရင်းမြစ်များ

Matta 15:24

Tu̱ tlogha za, “A ru̱kti nga nu̱ she ndu̱ɓangku nu̱ Israila nu̱ saghaki ku ɗyenda.”

Matta 20:28

Wanang ni, Yi ɓu̱ Nduk na ɓa ku̱ nduki shi tlu̱nar maava yenda ɓa, a ɓa kya ma tlu̱na, kom ku̱ vu̱r nyifi ɓaran ma ɗanar nduki khang.”

Yokhana 1:11

A ɓakya she nduki ɓaran yang nduki ɓaranang nu̱ dlu̱r nda ku ɓa.

Yokhana 10:16

Ɓeeni ndu̱ɓangkwang nje nu̱ke a mbu̱ shapir nang ɓa. Wa ku̱s a ɓa nga ndu̱ wora. Ka tu̱k su̱qura ku, ka kha ma shapir da, ndu̱ nu̱ khutlori da tu̱k.

Tlu̱nar ɓu̱ Pudeku 13:46

Yang tu̱ Bulus ndu̱ Barnaba shi ɓalari, sawa su̱ ɓa. Tu̱ zu̱ ku za, “Tun Yakhudeku, tun shipaki ku̱ ngga mi su̱ zu̱ ɓalar ɓu̱ Magham ye nu, yang nu̱ke tun wa zhang gha. Tun wa wut nu̱ ɗyine nun shipa gwar nyifi nu̱ke nu̱ka shi woɗa ɓa nda ɓa. Nu̱ke wanangang, chem ka ɗu̱ she nduki nu̱ke ɗya Yakhudeku ɓa.

Romeku 11:22

Chem ka na me mbarkir ɓu̱ Magham ndu̱ chingndi gha shanggu̱ɗang nu̱ka shiki ve nang. Wa kha shanggu̱ɗang ɗyine nduki nu̱ njimki, tu̱ yang wut mbarkir ɓaran yoro, mbu̱ ta zu̱m guma mbe mbarkir ɓaranang. Mbu̱ yang no zu̱m guma su̱ ɓa, ka ku̱rta ɓar tu̱k ve man qu̱farang.

Romeku 11:30

Ba wa nu̱ke tun nu̱ke ɗya Yakhudeku ɓa, tun wa zhang mbu su̱qura Magham gha, yang leendang wa ɗaana nu ku̱me zhangndi mburi su̱qur ɓaanda.

Romeku 15:16

Ma ku̱ kha nga ma nu̱ tlu̱nar ɓu̱ Masiya Yesu ye nduki nu̱ke ɗya Yakhudeku ɓa, su̱yen nu̱ tlu̱nar kuru ɓu̱ Magham nu̱ wopar Labar Mbarkandi ɓu̱ Magham. Ma ku̱ nduki nu̱ke ɗya Yakhudeku ɓa kha ma sadke dlu̱kandi she Magham, nduki nu̱ wakaki wor gha nu̱ ku̱nshe Jiimbi shakhshakhndi.

Romeku 3:26

Shi wanang ma wut nji mbu̱ qaandiku nang za ɗyi nyin shiki zhwang torop, kom ku̱ gaɓ ndu̱ njif nu̱ maitaki Yesu tu̱ kha waare zop gume nda.

Romeku 3:3

Yang nu̱ke ɓeeni Yakhudeku nu̱ maita ɓa ɗa? Song maitaranang ka nggu̱tl khar ɓu̱ Magham ma nu̱ shir zhire mu?

Romeku 4:16

Ku̱me nang, alqawarang a ɓa mbe maito. Shi alqawarang shwat, ma ku̱ kha ma mu̱nkir ɓu̱ Magham ye qusonggi ɓu̱ Yibram kap. Yang ye qusonggi ɓaran nu̱ke a mbu̱ bu̱n Bibitang ɗyenda ɓa, ye qusonggi ɓaran nu̱ maitaki ba wa nu̱ Yibram shikyang tu̱k. Yibram ke zhinerem kap.

1 Korintiyeku 1:12

Ma nu̱ke meenu nu̱ kha da ɓa, njif nang tu̱ ka zu̱ za, “Ɓang nga mbukya Bulus.” Tu̱ njif naandang zu̱ za, “Nga ɓu̱ Apolos”; tu̱ njif nggur zu̱ za, “Ɓang Kefas ke ɓanga” yang ɓu̱ njif nggur za, “Nga mbukya Masiya.”

1 Korintiyeku 10:19

Nu̱m ke mbu̱ ɓalar nu̱ke nga shiran nangang na? Ɗyi nu dlaki ye mu̱lu̱mku ke ɗyi nggur mu? Yang mu̱lu̱mang ke ɗyi ngguri?

1 Korintiyeku 10:29

Nga ɓalarang ɗyine kwaari nu̱ memu̱na nu ɓa, nga shiran ndu̱ kwaari nu̱ mbu̱ memu̱na njifang. Yang bai njif nggur ka zu̱ za “Yang nu̱m saki kwaari nu̱ memu̱na njif nggur ka nggu̱tlki nga shir khalandi ɓanga?

1 Korintiyeku 15:50

Nyeezaku, ɗyi nu̱ke nga zu̱ranang chin ke, ɓu̱ shi ku̱ man vaarem nu̱ke ɗya dlu ndu̱ tom gwa kwaaɗar ɓu̱ Magham ɓa, yang ɗyi nu̱ka mu̱tlki ɓu̱ kha wa ɗyi nu̱ke nu̱ka mu̱tl ɓa ɓa.

2 Korintiyeku 1:20

Jiwa Magham nyel alqawar nu̱ shiki nu̱ ku̱nshe nda. Nang ke ɗyi nu̱ saki nu̱ ku̱nshe Masiya Yesu chem a zu̱ran za “Amin” ma gor dlu̱m Magham.

Afiseku 2:12

Kor ma ɓa, ye sarchi naandang tun nu̱ gonta nu ndu̱ Masiya ɓa, maa ching kha nu mbu̱ Israila ɓa, tun a mbu̱ alqawar nu̱ Magham shiki ndu̱ zhikaneremku nang ɓa. Ɗye sar memu̱na kha nu mbu̱ larji nang ɓa, Magham a su̱yen ndu̱ tun ɓa.