Romeku 15:5 - Mewar Alqawarang

⁵ Bu ku̱ Magham nu̱ka vu̱rki sar memu̱na mbe kaɗanyi ndu̱ par du̱mbu̱r sa tun dlu̱ yen sarchi nu̱ke tun a da ɗyin saari Masiya Yesu.

Romeku 15:5 ပူးပေါင်းရင်းမြစ်များ

Tlu̱nar ɓu̱ Pudeku 4:32

Kwaari ɓu̱ nu̱ mbu Yesu ku kap, ndu̱ memu̱na wor wa kha da, nduk a nje nu̱ daki ɗyin khaa nda ma ɓaran chin ɗyenda ɓa. A shakh ɗyin me khar wor ndu̱ yen.

Romeku 12:16

Tun kha mu̱n ndu̱ aaki. Ku̱ kha nu ma nu̱ gwaari ɗyin ɓa, yang tun shi khar ɓaanu ndu̱ nduki nu̱ke gaɓtan gana. Khu̱tl nu ɗyinonu nu̱ gha ɓa.

Romeku 15:13

Bu ku̱ Maghamndi nu̱ka vu̱rki sar memu̱nari, nyeedlonu ndu̱ kashari ndu̱ qaandi memu̱nari wa nu̱ke tun a maita nda, ma ku̱ kha nu ndu̱ sar memu̱nar nyelkandi, nu̱ ku̱nshe zalale ɓu̱ Jiimbi shakhshakhndi.

Romeku 15:3

Jiwa aa Masiya nu̱ ɗyinan nu̱ shi khar ɓaran ma mu̱n mban ɓa. Ba wa nu̱ke a nje bu̱laran za, “Pu̱ziku ɓu̱ nu̱ pu̱zor ku aa ɓa nu̱ ɗyina.”

1 Korintiyeku 1:10

Nga khutonu, nyeezaku, ku̱me Zhinerem gwaanji Yesu Masiya, tu̱ ɓalar ɓaanu kha da. Ku̱ ɗyinonu kha shakhtan ɓa, tun gonta ɗyinonu ye maa da, tu̱ ɗyi nun ku̱rki ndu̱ kwaari ɓaanu kha da.

2 Korintiyeku 13:11

Ye lauɗar san, nyeezaku, kope fu̱ɗa ngguri. Shi ma tun kha nyeedlan, tu̱k ma khuti ɓanga, kha ma ma tun da tun shi khar mu̱nkandi ndu̱ yen. Nang ka saki tu̱ Maghamndi nu̱ ndola kha gha su̱yen ndu̱ tunu.

2 Korintiyeku 7:6

Yang Magham, nu̱ka vu̱rki du̱mbu̱r ye nduki nu̱ me bu̱n wor datlki, wa pa du̱mbu̱r yerem sarchi nu̱ Titus a ɓa ki.

Afiseku 5:2

Tun shi khar viti ɓaanu mbe ndola ba wa nu Masiya ndolaki rem, tu̱ vu̱r ɗyinan ku̱me chem, vu̱rti nu̱ke zhiran mu̱ni, yang ɗya sadke nu̱ dlaki ye Magham.

Filipiyeku 1:27

Aa shi kikimndan shi ma khar nu̱ shipaki Labar mbarkandi ɓu̱ Masiya. Aa nga ɓa ma na nu, aa na nga ɓa ɓa, gwa nga labaran za tun chingndan shanggu̱ɗang, kwaari ɓaanu da mbu̱ Jiimbi da, tun a wute su̱yen ma gwa pooni maito nu̱ke a mbu̱ Labar Mbarkandang.

Filipiyeku 2:2

Nga khutonu ku̱ shi nu ɗyi nu̱ke ka mu̱nki mba maɗyi. Bu ku̱ kwaari ɓaanu kha da, tun a ndola yen, tun a gonta ɗyinonu ye yen.

Filipiyeku 3:16

Ɗyi gwaanji chin ke, ye maa nyem khu̱lki kap, ku̱ zu̱m mi guma si.

Filipiyeku 4:2

Nga khutoro Afodiya, nga khutoro Su̱ntiki, tun shi khar mu̱nkandi ndu̱ yen mbe Zhinkir gwaanji.

1 Biturus 3:20

Nang ke jiimbiku nu̱ mbu̱ zhaaru̱m nu̱ zhangki mbu zu̱r ɓu̱ Magham gha zhu ye sarchi ɓu̱ Nukhu. Aa nu̱ke Magham wa shi kaɗanyi ye sarchi nu̱ke Nukhu a khu̱ɓ du̱mbu̱lang. Ba nduki koɗom ɗanaki mbu̱ du̱mbu̱lang ye sarchi ni, nduki miyasi lawaki mbe ɗyimang.

1 Biturus 3:8

Ye lauɗar san, gonta ma ɗyinonu ye maa da tu̱ kwaari ɓaanu kha da. Tun a na zhiyaye ɓu̱ yen, tun a ndola yen wa khachinkirku, tun a shaata yen gwaari ɗyin su̱ ɓa.

2 Bitu̱rus 3:15

Kor ma nu̱ ɗyine ɗyi nu̱ saki tu̱ Zhinkir gwaanji ki kaɗanyi chin ke a shim ku̱ nduki gwa ɗanari. Ba wa nu̱ Bulus mu̱dlerem nu̱ke chem a ndolaran bu̱laki ye nu wa nu̱ Magham vu̱rki kaɗari ni yenda.

2 Bitu̱rus 3:9

Ɓeeni nduki a zu̱ran za Zhinkir gwaanji a ku̱ɗa ku̱ɗa ndu̱ alqawar nu̱ shiki. Yang ɗyen wanang ɓa, a shikya kaɗanyi ndu̱ tunu nu̱ shim ku̱ aaki su̱ya ɓa, a shim ku̱ aaki nggoɗi.