Romeku 15:31 - Mewar Alqawarang

³¹ Shi ma barar ya tang lawa me khar nduki nu̱ke ɗya nu̱ mbu Yesu ku ɓa nu̱ke a mbu̱ dlar ghai Yakhudiya. Kom ndu̱ ku̱ ɗye shaatar nu̱ke nga ma vu̱rtan mbu̱ ghai Urshalima gwa dlu̱r she nduki ɓu̱ Magham nu̱ke a fara.

Romeku 15:31 ပူးပေါင်းရင်းမြစ်များ

Tlu̱nar ɓu̱ Pudeku 22:24

Ku̱me nang tu̱ gorkir sojang zu̱ za ku̱ vi ndu̱ chin mbu̱ ye maa khar ɓu̱ sojekwang ku̱ zham nda ndu̱ kurpi, ma ku̱ laɓ mbu̱ ɗyi nu̱ saki tu̱ tabar ndukyang ki zhaano yenda wanangang.

Tlu̱nar ɓu̱ Pudeku 25:2

Tu̱ yang kuruku rututundi ndu̱ dlegumeku ɓu̱ Yakhudeku da zhaano ɓu̱ Bulus nu̱ she nda.

Tlu̱nar ɓu̱ Pudeku 25:24

Tu̱ Festus zu̱ za, “Kuji Agu̱ripa, ndu̱ kap nduki nu̱ke a su̱yen ndu̱ chem, wonji njif nu̱ Yakhudeku kap a ɓa ki ndu̱ zhaano ɓaran mbu̱ ghai Urshalima, ndu̱ fan tu̱k. A zhaano ku za nu̱ shipa ku̱ njigti nda ndu̱ nyifi ɓa nggwa.

Tlu̱nar ɓu̱ Pudeku 9:13

Tu̱ yang Khananiya tlogha za, “Zhinkir gwaanji, nga tu̱k labar ɓu̱ khuski nang she nduki khang ndu̱ pooni mu̱nar nu̱ shiki ye nu̱ mburoku Urshalima.

Tlu̱nar ɓu̱ Pudeku 9:15

Tu̱ Zhinerem gwaanji ze nda za, “Ɗu! Nga dat khuski nang ku̱ shi tlu̱nar ya tu̱ wut dlu̱ma ye nduki nu̱ke ɗya Yakhudeku ɓa, ndu̱ kujiku ndu̱ nduki nu̱ Israila kap.

Romeku 15:25

Yang leendang nga ma yir Urshalima ma yir ndu̱ ɗye shaatar ye nduki nu̱ke a njigi.

1 Korintiyeku 16:15

Yang, nyeezaku, tun wa zu̱n nu̱ ɗyine nduki nu̱ mbu̱ rafti ɓu̱ Fanus maitaki Yesu gumapaali mbu̱ maa Akaya guma da, wa vu̱r var wor tu̱k ye tlu̱nar ye nu̱ mbu Yesu ku.

2 Korintiyeku 1:10

Nu̱ke Magham wa lawa rem me mu̱ti malkandi nang, chem wa maita ka ɗana rem tu̱k. Chem dlaran ve nda ma ku̱ ɗana rem tu̱k.

2 Korintiyeku 8:4

Wor khuɗki rem ku̱ njig mi wor ku̱ shi nda tlu̱nar shaatar nduki ɓu̱ Magham nu̱ke a mbu̱ dlar ghai Yakhudiya.

2 Korintiyeku 9:1

Nu̱ ku̱s ku̱ bu̱la nga ye nu ɗyine shaatar nu̱ mbu Yesu ku ɓa,

2 Korintiyeku 9:13

Tlu̱nar nun shiki nang, ka sa nduki tu̱ gor dlu̱m Magham ku̱me tun wa mbu ɗyi nu̱ Labar mbarkandi ɓu̱ Masiya zu̱ki, nu̱ke tun wa maita, kom ndu̱ shaatar nun shiki ye wor ndu̱ ɓeeni nduki kha nu nggaran.

1 Tasalonikeku 2:15

Ɗya Yakhudeku tlaghaki Zhinerem gwaanji Yesu ndu̱ annabiku, tu̱ komba rem ku tu̱k. A su̱bu̱r memu̱na Magham ku maɗyi! A kare ndu̱ aaki ku!

2 Tasalonikeku 3:2

Shi ma barar yerem ma ku̱ lawa rem ɓar mbu̱ khar nu̱ mu̱nar ku, ku̱me nduki kap maitaki ɓa ɗo.

2 Timoti 3:11

Ta zu̱n bonye ndu̱ takashi nu̱ gwaki nga mbu̱ ghai Antakiya, ndu̱ Ikoniya ndu̱ Listu̱ra. Yang kap ndu̱ nang tu̱ Magham lawa nga mban.

2 Timoti 4:17

Yang Zhinkir gwaanji a nje su̱yen ndu̱ nga tu̱ pa du̱mbu̱r ya, ku̱me ɓalar ɓu̱ Magham nang ku̱ gwa wopar maɗyi ma ku̱ nduki nu̱ke ɗya Yakhudeku ɓa tu̱kki. Wa lawa nga ɓar mbu̱ me mu̱zamndi.