Romeku 15:26 - Mewar Alqawarang

²⁶ Tabar ɓu̱ nu̱ mbu Yesu ku nu̱ke a Makidoniya ndu̱ Akaya wa kasha vu̱rti ɗyiku ma shaatar nduki ɓu̱ Magham nu̱ke a mbu̱ song far mbu̱ ghai Urshalima.

Romeku 15:26 ပူးပေါင်းရင်းမြစ်များ

Matta 25:40

“Yang kujirang ka tlogha ye wor za, ‘Zhire nga zu̱ran ye nu, ma nu̱ke tun wa shi ye nyeezaku katakandi nang, ai, tun shi ya.’

Matta 26:11

Nu̱ nungndiku a nje su̱yen ndu̱ tunu aakochi, yang ngaa nje su̱yen ndu̱ tun aakochi ɓa.

Luka 14:13

Yang mbu̱ ta ma qa tabar zu̱mndi, to qa nu̱ nungndiku, ndu̱ zu̱ɓtiku ndu̱ nu̱ zurɗarku ndu̱ pugumku.

Luka 6:20

Kom tu̱ Yesu dambu̱r nu̱ she nu̱ mburi nda kwa za, “Barkya ve nu tun nun ka naki katar ɓaanu mbe shir shimndi ɓu̱ Magham ku̱me kwaaɗar ɓu̱ Magham ɗya ɓaanu.

Tlu̱nar ɓu̱ Pudeku 16:12

Nyem njigki ye maaran chem ɗu̱ Filipi nu̱ke a mbu̱ bu̱n Roma, yang chin ke ghai gwaanji mbu̱ dlar ghai Makidoniya. Chem qan koɗom nje.

Tlu̱nar ɓu̱ Pudeku 16:9

Mbu̱ virkiri tu̱ yiti Bulus qu̱n mbu̱ Jiimba. Nu̱ qu̱nki tu̱ na khuski nggur nu̱ke ɗya khuzi Makidoniya chingndan a khuti nda za, “A ɓo mbu̱ ghai Makidoniya to shaata rem.”

Tlu̱nar ɓu̱ Pudeku 18:12

Yang sarchi nu̱ Galiyo zu̱mki kwaaɗar ghai Akaya, tu̱ Yakhudeku taba ɗyin wor tu̱ nggu̱ɗ nu̱ ve Bulus ku tu̱ ɗu̱ ndu̱ chin gume kumari.

Tlu̱nar ɓu̱ Pudeku 19:21

Qu̱rse ɗyiku nang tu̱ Bulus san mbu̱ memu̱naran nu̱ ɗyine mbu̱ chin wa baara dlar ghai Makidoniya ndu̱ Akaya chin ka ɗu̱ Urshalima. Tu̱ zu̱ tu̱k za, “Mbu̱ nga ɗu̱ nje, wa ku̱s ku̱ ɗu̱ nga mbu̱ ghai Roma.”

Tlu̱nar ɓu̱ Pudeku 9:13

Tu̱ yang Khananiya tlogha za, “Zhinkir gwaanji, nga tu̱k labar ɓu̱ khuski nang she nduki khang ndu̱ pooni mu̱nar nu̱ shiki ye nu̱ mburoku Urshalima.

1 Korintiyeku 16:15

Yang, nyeezaku, tun wa zu̱n nu̱ ɗyine nduki nu̱ mbu̱ rafti ɓu̱ Fanus maitaki Yesu gumapaali mbu̱ maa Akaya guma da, wa vu̱r var wor tu̱k ye tlu̱nar ye nu̱ mbu Yesu ku.

1 Korintiyeku 16:5

Ngga ɗa ɓa she nu, qu̱rse nga baara dlar ghai Makidoniya, nu̱ke ngaa shim mbu nu̱ far ɗo.

2 Korintiyeku 1:16

Nga daasa ma yir she nu ve njiv ɓang ma yir Makidoniya, ngga ɓa ɗa dla nu̱ ɗyinonu tu̱k mbu̱ nga gaɓti, ma ku̱ gwa nga shaata she nu ma yir dlar ghai Yakhudiya.

2 Korintiyeku 11:9

Nga mbu̱ song sarchi nu̱ke nga su̱yen ndu̱ tunu, yang nang shim kha nga ma taɗa ye nu ɓa. Nyeezerem nu mbu Yesu ku nu̱ke a Makidoniya a ɓa ki ndu̱ ɗyi nu̱ke nga gangndan ya. Nang kha ma shipiti ye nu sarchi naandang ɓa, yang ngga zu̱m guma ndu̱ shiran wanang.

2 Korintiyeku 2:13

yang nga damta maɗyi ku̱me nang gwa mu̱dla Titus nje ɓa. Nu̱ke wanangang, tang shi khar mu̱ndi ndu̱ wora, tang peeta nu̱ Makidoniya.

2 Korintiyeku 7:5

Aa sarchi nyem a ɓa ki Makidoniya, nyem gwa chem mas ɓaa. Aa chem mbu̱m nu̱ fu̱n damtar a nje, mbu̱ chem wa vi nu̱ dam tu̱ nduki ku̱s gangnderem ndu̱ dakhlari, kha mi gha mbu chem a tu̱k sawa.

2 Korintiyeku 9:12

Ai, tlu̱nar mu̱nkir nu̱ke tun a shiran nang, a shaatakya nu̱ mbu Yesu ɗyenda ɓa, nduki a kuna Magham ku̱men.

2 Korintiyeku 9:2

ku̱me nga zu̱n tun wa da ye memu̱na nu, nang ke ɗyi nu̱ saki tang makhta nu gume nduki nu̱ Makidoniya. Nga ze wor nga za ma ji sonyi nu̱ peetaki nduki nu̱ Akaya a shim shaata nu. Komkomi ɓaanu wa sa tu̱ ji ku nu̱ viɗi ma daasa vaanda.

2 Korintiyeku 9:4

Mbu̱ nga ɓa su̱yen ndu̱ nu̱ mbu Yesu ku nggur nu̱ke a Makidoniya, nang shim ku̱ ɗa ɓa ku tu̱ gwa nu nun daasa vu̱rti ɓaanwang ɓa. Mbu̱ ɗyen wa shi wanang, chem ka tu̱k kawa ku̱me pooni makhtar nang shiki ye nu maɗyi gume worang, yang kawaran ɓang ɗyenda ɓa, kap ndu̱ tun tu̱k.

Filipiyeku 4:15

Tun Filipiyeku, ai, tun wa zu̱n nu̱ ɗyine ye sarchi nun nggaki su̱ gwa Labar Mbarkandang ndu̱ sarchi nang njigki Makidoniya. Tabar ɓu̱ nu̱ mbu Yesu ku a nje nu̱ gontaki ɗyin wor ndu̱ nga tu̱ vu̱r ɗyin me khar wor ya ɓa kope tun ɗyenda.

1 Tasalonikeku 1:7

Shir wanang tu̱ sa nu tun kha ma ɗye shoga she nu̱ mbu Yesu ku nu̱ mbu̱ ghai Makidoniya ndu̱ Akaya.

1 Tasalonikeku 1:8

Ku̱me ɓalar ɓu̱ Zhinkir gwaanji wa ɗu̱ aa fu̱n ku̱me tunu, nu̱ ɗu̱ mbu̱ ghai Makidoniya ndu̱ Akaya ɗyenda ɓa, nduki kap wa zu̱n maito ɓaanu mbe Magham, aa nyem zu̱ aa nu̱m nu̱ ɗyinan ɓa.

1 Tasalonikeku 4:10

Yang ye zhire ni tun a ndola nyeezerem nu̱ke a mbu̱ dlar ghai Makidoniya. Yang tu̱k ba chem a khutonu, nyeezerem, shaatama nu̱ si maɗyi.

1 Timoti 1:3

Nga shim ku̱ kha na gha mbu̱ ghai Afisa, ba wa nang khuɗki ku̱ shi na sarchi nu̱ke nga Makidoniya, ma ku̱ wu na ɓeeni nduki nu̱ke a shogar wollo nang ku̱ njig ku.

Filimon 1:5

Jiwa nga ka tu̱k labar maito ɓaaro mbu̱ Zhinerem gwaanji Yesu ndu̱ ndolar nu̱ke ta wutan ye nduki ɓu̱ Magham kap.