Romeku 15:16 - Mewar Alqawarang

¹⁶ Ma ku̱ kha nga ma nu̱ tlu̱nar ɓu̱ Masiya Yesu ye nduki nu̱ke ɗya Yakhudeku ɓa, su̱yen nu̱ tlu̱nar kuru ɓu̱ Magham nu̱ wopar Labar Mbarkandi ɓu̱ Magham. Ma ku̱ nduki nu̱ke ɗya Yakhudeku ɓa kha ma sadke dlu̱kandi she Magham, nduki nu̱ wakaki wor gha nu̱ ku̱nshe Jiimbi shakhshakhndi.

Romeku 15:16 ပူးပေါင်းရင်းမြစ်များ

Tlu̱nar ɓu̱ Pudeku 13:2

Sarchi nu̱ke a ghar ghai ye Magham a zhumti ku, tu̱ Jiimbi shakhshakhndi zu̱ za, “Wa ka ma Barnaba ndu̱ Shawulu ya nu̱ konggol ku̱me tlu̱nar nu̱ke nga shim ku̱ shi ya ku.”

Tlu̱nar ɓu̱ Pudeku 20:24

Yang nang da nyifi ɓang ma aa nu̱m ɓa, mbu̱ ngga ɗu̱ma woɗa tlu̱nar nu̱ Zhinerem gwaanji Yesu vu̱rki ya nang, nang ke, saida nga Labar Mbarkandi nu̱ mu̱nkir ɓu̱ Magham.

Tlu̱nar ɓu̱ Pudeku 20:32

“Yang leendang, nga sa nun mbu̱ khar Magham. Bu ku̱ ɓalar mu̱nkir ɓaran khutlo nu, chin ka du̱nki nu, tu̱ vu̱r me shakhti ɗye mbu̱ ge ɓaanu ye nu su̱yen ndu̱ nduki nu̱ wakaki var wora.

Tlu̱nar ɓu̱ Pudeku 22:21

“Tu̱ Zhinerem gwaanji zu̱ ya za, ‘Ju to ɗi, ngga ru̱ktor nu̱ ɓakh fara, ye maa nu̱ke ɗya Yakhudeku ɓa.’ ”

Tlu̱nar ɓu̱ Pudeku 9:15

Tu̱ Zhinerem gwaanji ze nda za, “Ɗu! Nga dat khuski nang ku̱ shi tlu̱nar ya tu̱ wut dlu̱ma ye nduki nu̱ke ɗya Yakhudeku ɓa, ndu̱ kujiku ndu̱ nduki nu̱ Israila kap.

Romeku 1:1

Lagarkati nang a vi she Bulus, maavi ɓu̱ Masiya Yesu, nu̱ qaki nda ma ku̱ kha ma pude ɓu̱ Yesu, tu̱ waka nda nu̱ gha ma ku̱ wopa Labar mbarkandi ɓu̱ Magham.

Romeku 11:13

Leendang nga ɓalarang ndu̱ tun nu̱ke tun Yakhudeku ɓa. Mbu̱ ba nga ke pude ɓu̱ Yesu nu̱ ɗa ru̱kki nga nu̱ she nu, nga da tlu̱nar ɓang ndu̱ zhaaji,

Romeku 15:18

Ngam ɓu̱ shi lu̱kshi ɓalar ɗyine ɗyi nggur ɓa, kope ɗyi nu̱ Masiya shiki nu̱ ku̱n sha nu̱ ɗa ɓa ki ndu̱ nduki nu̱ke ɗya Yakhudeku ɓa nu̱ Magham shiki. Tu̱ mbu zu̱r ɓaran nu̱ ku̱nshe ɓalar ɓanga ndu̱ tlu̱narku ɓanga.

Romeku 15:19

Nga shi tlu̱nar ɗye saiduku ndu̱ ɗye lazhamku mbe zalale ɓu̱ Jiimbi shakhshakhndi. Nga ji Urshalima tang baara maari kap ma yir Ilirikum nga wopa Labar Mbarkandi ɓu̱ Masiya.

Romeku 15:20

Shimndi ɓang chin ke waazu Labar Mbarkandi kap ye maa nu̱ke nu̱ zu̱n Masiya ku ɓa, ma ku̱ kha wa nga du̱ndi nu̱ ɗyine maa nu̱ke njif nggur saki saari du̱ndang ɓa.

Romeku 15:29

Nga maita nu̱ ɗyine mbu̱ nga ɓa she nu ngga ɗa ɓa nyeedlan ndu̱ barke ɓu̱ Masiya.

Romeku 5:5

Yang sar memu̱nar nang ɓu̱ kha bam sar da ɓa, ku̱me Magham wa wuuta ndolar ɓaran yerem nu̱ mbu̱ memu̱narem nu̱ ku̱nshe Jiimbi shakhshakhndi nu̱ vu̱rki yerem.

1 Korintiyeku 3:5

Ki ke Apolos ɗo? Ki ke Bulusang na? Ai chem ɗya ba nu̱ tlu̱narku ɓu̱ Magham, nun maitaki Labar Mbarkandang nu̱ ku̱nshe rem, aaki chele ɓaarem shikya ɗyi nu̱ Zhinerem gwaanji vu̱rki yenda ɓa goma?

1 Korintiyeku 4:1

Wa shipa ku̱ kwaari ɓaanu khan ɗyine chem ɗya nu̱ tlu̱narku ɓu̱ Masiya, yang Magham wa vu̱r du̱ngdi ɗyiku tukakandi ɓaran yerem.

1 Korintiyeku 6:19

Nun zu̱n za man vaanu ɗya rafti ɓu̱ Jiimbi shakhshakhndi nu̱ke a mbe nu nun dlu̱ki she nda ɓa goma? Tun ɓu̱ shi zalale ndu̱ vaanu ɓa.

2 Korintiyeku 11:23

Mbu̱ wor nu̱ tlu̱narku ɓu̱ Masiya, nga duk wor mbe nang! (Nga ɓalar nang wa nga yirtan!) Ai, nga duk wor tlu̱nar maɗyi, nga gwa gu̱ndi sar khang, wa dlabti nga ku sar khang, sar khang nga me mu̱ti.

2 Korintiyeku 5:20

Ku̱me nang chem ke yiti Masiya she nduki, chem a khar wa Magham nu̱ ɗyinan kya ɓalar nu̱ ku̱nshe rem. Yang chem a khutonu mbu̱ dlu̱m Masiya, somta ma chele ɓaanu ndu̱ Magham.

2 Korintiyeku 8:5

Tu̱ yang vu̱r ku tu̱ duk ɗyi nyem tamanki. Wa vu̱r ɗyin wor ye Zhinkir gwaanji gumapaali, kom tu̱ vu̱r ɗyin wor yerem, wa nu̱ Magham shimki.

Galatiyeku 3:5

Magham nu̱ vu̱rki Jiimbi ɓaran ye nu, tu̱ shi ɗye lazhamku chele ɓanwang ɗa, shi ku̱me tun a mbu Bibiti mu, yang ku̱me maitar nun shiki sarchi nun tu̱kki ɓalar ɓu̱ Masiya mu?

Afiseku 2:18

Ai, mbu̱r ɓaarem chem gwa zalale ɓar she Zhinkirang ve njiv da, nang ke Jiimbi shakhshakhndi.

Afiseku 2:22

Du̱ngndonu nu̱ mbe nda, su̱yen ndu̱ ɓeenanku ma ku̱ kha nu ma rafti nu̱ke Magham ka khaki nu̱ mban nu̱ ku̱nshe Jiimbi ɓaran.

Afiseku 5:2

Tun shi khar viti ɓaanu mbe ndola ba wa nu Masiya ndolaki rem, tu̱ vu̱r ɗyinan ku̱me chem, vu̱rti nu̱ke zhiran mu̱ni, yang ɗya sadke nu̱ dlaki ye Magham.

Filipiyeku 2:17

Vu̱rti zhire ɓaanu ndu̱ tlu̱nar nun shiki mbe Zhinerem gwaanji a khar wa dlar sadka yenda, yang aa tom ɓang mbu̱ɗki ku̱me sadke nang, ngga tu̱k mu̱ndan, tang kasha ndu̱ tun kap tu̱k.

Filipiyeku 4:18

Tun wa shi aa nu̱m ya, ɗyi nun shiki wa duk ɗyi nu̱ke nga gangndan. Mba zhiran, nu̱ke nga gwa ɗyiku nun ru̱kki su̱ ya mbu̱ khar Apafaroditus. Nang ɗya sadke nu̱ke zhiran mu̱n maɗyi, ɗya vu̱rti mbarkandi nu̱ke Magham ka dlu̱ki san tu̱ tu̱k mu̱ndan.

1 Tasalonikeku 2:2

Aa nu̱ke chem wa za bonye ndu̱ pu̱zi mbu̱ ghai Filipi, ba wa nun zu̱nki, Maghamndi ɓaarem wa pa du̱mbu̱r yerem ma ku̱ wopa mi Labar Mbarkandang ye nu, kap ndu̱ kare nu̱ke a shiran ku ndu̱ chem.

1 Tasalonikeku 2:9

Nyeezaku, tun wa kor tlu̱nar ndu̱ bonye nyem zaki! Chem wa shi tlu̱nar virkir ndu̱ fu̱ɗari ma ku̱ taɗar ɓaarem khan ɗyine aaki sarchi nyem wopaki Labar mbarkandi na viki she Magham ye nu ɓa.

1 Tasalonikeku 5:23

Bu ku̱ Magham ndu̱ ɗyinan, chin nu̱ qaandi memu̱na, shibtonu nu̱ gha guma da. Bu ku̱ khutlo jiimbonu, ndu̱ nyifi ɓaanu, ndu̱ man vaanu kap, tun kha waare zop ye fu̱ɗar nu̱ke Zhinerem gwaanji Yesu Masiya ka ɗa gaɓki.

1 Timoti 1:11

Nang ke shogar nu̱ khaki torop ndu̱ Labar mbarkandi nu̱ zhaaji nu̱ke Magham nu̱ barka vu̱rki ya ma ku̱ wopa nga.

1 Timoti 2:7

Nang ke ɗyi nu̱ saki tu̱ daati nga tang kha ma pude ndu̱ nu̱ wopar ɓalarang. Nga ke maalu̱m nu̱ shogar ye kap nduki nu̱ke ɗya Yakhudeku ɓa mbu̱ maito zhirekandi. Ɗyi nu̱ke nga zu̱ran nang ke zhire ni, kotama nje mban ɓa.

2 Timoti 1:11

Magham wa sa tang kha ma nu̱ waazu, ndu̱ pude ɓu̱ Yesu, ndu̱ maalu̱m ku̱me Labar mbarkandi dandi nang.

Yibraniyeku 13:16

Yang mona nu shir ɗyi mbarkandi ndu̱ shaatar nduki ɓa, ku̱me nang ke pooni sadke nu̱ke Magham a tu̱k mu̱ndan.

1 Biturus 1:12

Magham wa wut ye wor nu̱ ɗyine, sarchi nu̱ke a zu̱ ɓalar ɓu̱ Magham ku, a vu̱r ɓalarang ye wor ku̱me wor ɓa, a vu̱rtan ku̱me tunu. Yang leendang Jiimbi shakhshakhndi nu̱ Magham a ru̱kki viɗi, wa sa tu̱ zu̱ mbu̱ ɗyiku nang ye nu kap mbu̱ Labar mbarkandi ɓu̱ Masiya nu̱ wopaki she nu. Ai, ɗyiku nang aa nu̱ ru̱ktiku ɓu̱ Magham wa kasha ku ma ku̱ zu̱n nda ɗyin mban.

1 Biturus 2:5

Tun yang, gaɓ wa ndogdiku nu̱ nyifiri nu̱ka shiki boote ndu̱ wor ma du̱n rafti nu̱ jiimba. Ma ku̱ kha ma tabar ɓu̱ kuruku shakhshakhndi ɓu̱ rafti nang, tun a zoɓa sadke nu̱ jiimba nu̱ ku̱nshe Yesu Masiya, nang ke pooni sadke nu̱ke Magham a shimndan.