Romeku 15:15 - Mewar Alqawarang

¹⁵ Nga vi ye dalang mbu̱ lagarkati ɓang nang sawa su̱ ɓa, tang shi ɓalar ɗyine ɓeeni ɗyiku ku̱me mu̱nkir nu̱ Magham shiki ya.

Romeku 15:15 ပူးပေါင်းရင်းမြစ်များ

Romeku 1:5

Barke ɓu̱ Yesu Masiya ndu̱ dlu̱man saki chem gwa mu̱nkir tu̱ qa rem ma khami ma pudeku ɓaran, ma ku̱ qa mi nduki nu̱ mbu̱ ghaiku kap ku̱ maita tu̱ mbu zu̱r ɓaranku.

Romeku 12:3

Ku̱me mu̱nkir nu̱ shiki ya, nga zu̱ran ye aaki chele ɓaanu: Ku̱ aaki da ɗyinan tu̱ peeta maa nu̱ke a si ɓa. Me ɓu̱ nang ku̱ aaki kuma ɗyinan viɗ ɗyine vu̱rti zhire nu̱ Magham vu̱rki yenda.

Romeku 12:6

Vu̱rtiku a nje khaarem zum zum viɗ ɗyine mu̱nkir nu̱ shiki yerem. Mbu̱ nduk gwakya vu̱rti nu̱ zu̱r ɓalar ɓu̱ Magham, ku̱ zu̱r nda ku̱rku̱r ndu̱ vu̱rti zhire ɓaran.

1 Korintiyeku 15:10

Yang mu̱nkir ɓu̱ Magham saki tang kha wa nu̱ke nga si leendang, mu̱nkir ɓaran nu̱ kha bam ɓa. Nga shi tlu̱nar nu̱ dukki ɓu̱ pudeku nang kap, aa nu̱ke ɗya nga shiki ɓa, ɗya mu̱nkir ɓu̱ Magham nu̱ke a su̱yen ndu̱ nga.

1 Korintiyeku 3:10

Ku̱nshe mu̱nkir nu̱ Magham shiki ya, nga sa saari du̱ndang wa njif nu̱ khaki kwartaran mbe du̱ndi, yang njif nggur a du̱ndi nu̱ ɗyinan. Yang wa ku̱s ku̱ aaki zu̱n pooni du̱ndi nu̱ke chin a shiran nu̱ ɗyinan.

Galatiyeku 2:9

Nar mu̱nkir nu̱ Magham shiki ya saki tu̱ Yaqub ndu̱ Biturus ndu̱ Yokhana tlogha san. Wor dlu̱ki nga ndu̱ Barnaba memu̱na wor da wor ke du̱mbu̱r ɓu̱ dlegumeku ɓu̱ tabar nu̱ mbu̱ Yesu ku. Chem wa zu̱ chele ɓaarem nu̱ ɗyine chem ka ɗu̱ she nduki nu̱ke ɗya Yakhudeku ɓa, yang ɓaanda wor ka ɗu̱ she Yakhudeku.

1 Timoti 4:6

Mbu̱ ta wut ɗyiku nang ye nyeezerem to ka kha ma nu̱ tlu̱nar mbarkandi ɓu̱ Masiya Yesu, nu̱ gorki mbu̱ ɓalar maito nang ndu̱ shogar mbarkandi nu̱ke ta khutloran ma ɓar meeni.

2 Timoti 1:6

Nang ke ɗyi nu̱ saki nga kwaaran yor nga za ku̱ shi na boote maɗyi ndu̱ vu̱rti nu̱ Magham shiki yor sarchi nang saki khar barke nu̱ ɗyinoro.

2 Timoti 2:14

To ki kor ɗyiku nang ye wora, to wu wor tu̱k gume Magham nu̱ ɗyine ku̱ ka shi keele bam bam ɗyine ɓalarku ɓa, ku̱me boota su̱ ɓa, ka su̱bu̱rkya nduki nu̱ke a tu̱ktan.

Titus 3:1

To kor ye nduki ɓaaro ku̱ ki mbu zu̱r ɓu̱ nu̱ kwaaɗarku ndu̱ nu̱ zalale ku, ku̱ ki mbu su̱qur wora, tu̱ kha daasaran ku ma shi aa nyi tlu̱nar mbarkandi.

Yibraniyeku 13:22

Nyeezaku, Nga khutonu, tun shi kaɗanyi ndu̱ wuro nu nang shiki, ku̱me nang bu̱la ɓalar kirkandi ye nu ɓa ɗo.

1 Biturus 5:12

Nga bu̱la lagarkati koɗommandi nang ye nu ndu̱ shaatar ɓu̱ Sila, nu̱ke nga da nda ɗya khachinkir maitokandi yang nga na wa khu̱l ku̱ qa nga nda nu̱ shir zhire. Nga pa du̱mbu̱r ye nu, wut nga yenu nang ke mu̱nkir ɓu̱ Magham zhirekandi. Ku̱me nang ching man mbe mu̱nkir ɓu̱ Magham nang ndu̱ du̱mbu̱r.

2 Bitu̱rus 3:15

Kor ma nu̱ ɗyine ɗyi nu̱ saki tu̱ Zhinkir gwaanji ki kaɗanyi chin ke a shim ku̱ nduki gwa ɗanari. Ba wa nu̱ Bulus mu̱dlerem nu̱ke chem a ndolaran bu̱laki ye nu wa nu̱ Magham vu̱rki kaɗari ni yenda.

1 Yokhana 5:13

Tun nun maitaki dlu̱m Yi ɓu̱ Magham, nga bu̱la ɗyiku nang ye nu kap ma ku̱ zu̱n nu nu̱ ɗyine tun wa gwa nyifi nu̱ke nu̱ka shi woɗa ɓa.