Romeku 14:19 - Mewar Alqawarang

¹⁹ Ku̱me nang ku̱ shi mi ɗyi nu̱ke chem ka ɗu̱maki shiran ma a ɓa mi ndu̱ khar mu̱nkandi ndu̱ par du̱mbu̱r ye yen.

Romeku 14:19 ပူးပေါင်းရင်းမြစ်များ

Matta 5:9

Barkya ve nu̱ somtarku, ku̱me ka qa wor qusonggi ɓu̱ Magham.

Markus 9:50

“Dleeru ɗya ɗyi mbarkandi, yang mbu̱ dleeru wa mbu̱ɗ mu̱ndi ɓaran, nduk ka gaɓ ndu̱ nyeeri ɓaran kikimnda? Kha ma nu̱ dleeri mbe nu̱, tun kha mu̱n ndu̱ yen.”

Romeku 12:18

Shi ma ɗyi nu̱ke tun ka ɗu̱maki kap, mbu̱ ka shi, tun kha mu̱n ndu̱ aaki.

Romeku 15:2

Bu ku̱ aaki mu̱n mbu̱ mu̱dlen ma ku̱ zu̱m boote ni tu̱ shaata nda mbe maito ɓaran.

1 Korintiyeku 10:23

A zu̱ran ku za, “Wa njigterem ku̱ shi mi aa nyi tunu” yang aa nyi tun ke boota si ɓa. A zu̱ran ku za, “Wa njigterem ku̱ shi mi aa nyi tunu” yang aa nyi tun ka shaataki nduk ɓa.

1 Korintiyeku 10:33

Tun shi ba wa nang ka shiki. Nga shim ku̱ aaki tu̱k mu̱ndi mbu̱ ɗyi nu̱ke nga shiran kap, yang nga shiran ku̱me ɗyina ɓa, nga shiran ma boote ɓu̱ aaki ma ku̱ nduki khang gwa ɗanar ku.

1 Korintiyeku 14:26

Yang tun ka shi kim ɗo nyeezaku? Mbu̱ tun wa taba kap, yang njif nggur a qa taazi gwaari dlu̱m Magham, njif nggur a shikya shogar ɓara, njif nggur a ɓalar ndu̱ mewar me ghin, njif nggur a zu̱kya ɗyi nu̱ Magham wutki yenda. Yang ɓu̱ njif nggur a zu̱kya mbu̱ ɗyi nu̱ke nu̱ mewar me ghayang a zu̱ran, shi ma aa nu̱m ma ku̱ nduki gwa shaata tu̱ gor ku.

1 Korintiyeku 14:3

Yang njif nu̱ke a zu̱ ru̱kti ɓu̱ Magham a ɓalarang ndu̱ nduki ma ku̱ shaata wora, ku̱ pa du̱mbu̱r ye wora, ku̱ du̱ng memu̱na wora.

1 Korintiyeku 14:4

Njif nu̱ke a ɓalar mbu̱ me ghiindi a du̱ngkya ɗyinan, yang njif nu̱ke a zu̱ ru̱kti ɓu̱ Magham a du̱ngkya tabar ɓu̱ nu̱ mbu Yesu.

1 Korintiyeku 14:5

Nga shim ku̱ shi nu ɓalar mbu̱ me ghiindi kap ɓaanu, yang nga duk shimndan ku̱ zu̱ nu ru̱kti ɓu̱ Magham. Njif nu̱ka zu̱ki ru̱kti ɓu̱ Magham wa duk nu̱ ɓalar mbu̱ me ghiindi gwaari, buka mbu̱ nduk a nje nu̱ zu̱ki mban ye tabar ɓu̱ nu̱ mbu Yesu ku ma ku̱ gor ku.

1 Korintiyeku 7:15

Yang mbu̱ njif nu̱ke ɗya nu̱ mbu Yesu ɓa ndang a shim shakh nji ndu̱ nu̱ mbu Yeswang, ku̱ shakh ku. Mbu̱ ɗyen wa ku̱s wanang, zop ve khuskyang ndu̱ nokhzi nu̱ke ɗya nu̱ mbu Yeswang ɓa. Magham wa qarem ma ku̱ shi mi khar mu̱ndi ndu̱ yen.

1 Korintiyeku 8:1

Ɗyine ɓalar ɓu̱ ɗye zu̱mndi nu̱ shiki sadke su̱ ye mu̱lu̱mku, chem wa zu̱n nu̱ ɗyine chem wa shi zu̱ndi kap ɓaarem. Yang zu̱ndi wa ka sa nduk tu̱ ka shi gwaari ɗyin, ɓu̱ ndola yang ka sakya nduk tu̱ shaata aaki.

2 Korintiyeku 12:19

Bai tun ka taman za chem a shibkya ɗyinerem gume nu. Wanang ɓa, chem a ɓalar wa nu̱ Masiya shimki zu̱ mi gume Magham. Nyeezaku, zu̱n ma nu̱ ɗyine aa chem shikya nu̱m, chem a shiran ma shaata nu.

2 Korintiyeku 13:11

Ye lauɗar san, nyeezaku, kope fu̱ɗa ngguri. Shi ma tun kha nyeedlan, tu̱k ma khuti ɓanga, kha ma ma tun da tun shi khar mu̱nkandi ndu̱ yen. Nang ka saki tu̱ Maghamndi nu̱ ndola kha gha su̱yen ndu̱ tunu.

Afiseku 4:12

Shi nang ma daasa nduki ɓu̱ Magham ku̱ da kuɗar tlu̱nar ma du̱ndi man var Masiya.

Afiseku 4:29

Ku̱ ɓalar malkandi a vi mbu̱ me nu ɓa, zu̱ ma kya ɗyi nu̱ke ka khaki ndu̱ boota ma ku̱ pa nu du̱mbu̱r ye yen wa nu̱ke a gangndan ku. Shir wanangang ka sa tu̱ ɓalar ɓaanu kha ndu̱ boota ye nduki nu̱ke a tu̱ktan.

1 Timoti 1:4

Yang to ze wor no za ku̱ gwa nda dlu̱mdi wor ye shinjiku ndu̱ njeetli su̱ dlu̱m zhikankirku nu̱ke nu̱ka shi lauɗa ɓa nda ɓa. Pooni ɗyi nang kaɗa ɓakya ndu̱ keele, ɓu̱ ɗa ɓa nu̱ zu̱mndi gume ɓu̱ tlu̱nar ɓu̱ Magham nu̱ ku̱nshe maito ɓa.

2 Timoti 2:22

Ɗo shimndi ɗyiku malkandi ku bam bamndi nu̱ me woi, to sa ɗyinoro ma laɓ dambi ndu̱ maito ndu̱ ndola, ndu̱ qaandi memu̱na, su̱yen ndu̱ nduki nu̱ke a qa Zhinkir gwaanji ndu̱ memu̱nar shakhshakhndi.

Yibraniyeku 12:14

Shi ma ɗyi nu̱ke tun ka ɗu̱maki ma ku̱ kha nu mu̱n ndu̱ aaki, tun kha shakhshakh, ku̱me nduk a nje nu̱ke ka naki Magham waare khar shakhshakhndi ɓa.

1 Biturus 3:11

Ku̱ shakh ɗyinan ndu̱ mu̱na, tu̱ shi mbarkiri, tu̱ laɓ qaandi memu̱na tu̱ wuta gwaran.