Romeku 14:18 - Mewar Alqawarang

¹⁸ Ku̱me nu̱ ghaari ghai ye Masiya ve njiv nang kap, ɗya nu̱ mu̱ndi memu̱na Magham, wa ka gwa dlu̱r she nduki tu̱k.

Romeku 14:18 ပူးပေါင်းရင်းမြစ်များ

Markus 13:34

Ɗyen wa shipa khuski nu̱ njigki rafti ɓaran tu̱ ɗu̱ mbu̱ ghai nggur ɓakh, tu̱ yang njig zalale aa nu̱m kap nu̱ mbu̱ khar maaviku ɓaran. Tu̱ vu̱r tlu̱nar ɓu̱ aaki yenda, tu̱ ze nu̱ bu me raftang za ku̱ nggu̱t raftang yenda nu̱ gha mbari.

Yokhana 12:26

Kap njif nu̱ke a ghar ghai ya, wa ku̱s ku̱ mburi nga. Ye maa nu̱ke nga si kap maavi ɓang ka kha su̱yen ndu̱ nga. Zhinkir ɓang ka vu̱r zhaaji ye nduki nu̱ke a ghar ghai ya kap.”

Tlu̱nar ɓu̱ Pudeku 10:35

A shimkya nu̱ sawar nda kom ndu̱ njif nu̱ka shiki ɗyi nu̱ke torop nang ke njif nu̱ke khar viti ɓaran wa kha mbar she Magham aa a vi mbu̱ aa nyi dlar ghai.

Romeku 12:11

Kha nu ndu̱ mu̱ti memu̱na mbe tlu̱nar ɓu̱ Magham ɓa, tun vu̱r vaanu ma tlu̱nar mbe Jiimba.

Romeku 14:4

To ki ɗo nu̱ke to ka kumaki maavi ɓu̱ njif nggurang na? Zhin nu̱ rafa ka kumaki nda. Yang wonji ka zu̱m loobo, ku̱me Zhinkir gwaanji ka ɗu̱ma sa nda tu̱ shi loobo.

Romeku 16:18

Ku̱me pooni nduki nang a gharkya ghai ye Masiya Zhinerem gwaanji ɓa, a shiran ku ye mbu̱ wora. Wa ka lamba nduki nu̱ ku̱nshe ɓalar mu̱nkandi ku ndu̱ khamndi nduki nu̱ wollo, tu̱ ka lamba nduki nu̱ke ɗyin wor zu̱ran.

Romeku 6:22

Yang leendang wa dli ɗyinonu, tun lawa mbe sola, tun wa kha ma maaviku ɓu̱ Magham. Boote ni chin ke tun wa kha wakaran, yang tun ka gwa nyifi nu̱ke ɓu̱ shi woɗa ɓa ku̱men.

1 Korintiyeku 7:22

Mbu̱ nduk ɗya maava, tu̱ yang Zhinerem gwaanji qa nda, she Zhinkir gwaanji ɗyinan dliiran, yang tu̱k mbu̱ nduk ɗya maava ɓa, tu̱ yang Zhinerem gwaanji qa nda, wa kha ma maavi ɓu̱ Masiya.

2 Korintiyeku 4:2

Yang nyem dambu̱r ɓalar ɓu̱ Magham nu̱ gha ɓa. Nyem ka lamba aaki ɓa, yang nyem ka shi kotame ndu̱ ɓalar ɓu̱ Magham ɓa. Chem a zu̱kya ba zhire ye dalangi. Aaki ka saida zhire ɓaarem gume Magham mbu̱ memu̱naran.

2 Korintiyeku 5:11

Nu̱ke chem nu̱ sawar Magham, nang ke ɗyi nu̱ saki chem a me ɓaarem ma dut mi nduki ku̱ sawa nda tu̱k. Magham wa zu̱nderem kap, ngaa taman tun wa zu̱n ndu̱ nang mbu̱ memu̱na nu.

2 Korintiyeku 5:9

Dukti nang, chem ma shim ku̱ tu̱k mu̱ndi ɓaarem, aa chem a mbu̱ larji nang aa chem a mbu̱ viɗi.

2 Korintiyeku 6:4

Me ɓu̱ nang, chem a wutan ye nduki nu̱ ɗyine chem nu̱ tlu̱narku ɓu̱ Magham ve aa nyi njiva. Chem a gu̱n memu̱narem, mbe damtarku ndu̱ bonye ndu̱ palase.

2 Korintiyeku 8:21

Chem a ranna vaarem ku̱ shi mi ɗyi nu̱ke Magham ka tu̱kki mu̱ndan, tu̱ nduki kasha tu̱k.

Filipiyeku 4:18

Tun wa shi aa nu̱m ya, ɗyi nun shiki wa duk ɗyi nu̱ke nga gangndan. Mba zhiran, nu̱ke nga gwa ɗyiku nun ru̱kki su̱ ya mbu̱ khar Apafaroditus. Nang ɗya sadke nu̱ke zhiran mu̱n maɗyi, ɗya vu̱rti mbarkandi nu̱ke Magham ka dlu̱ki san tu̱ tu̱k mu̱ndan.

Filipiyeku 4:8

Ye lauɗar san, nyeezaku, ki ma kwaari ɗyine ɗyiku nu̱ke ɗya zhire, ɗyiku nu̱ke zhaaji si, ɗyiku nu̱ke torop, ɗyiku nu̱ke shakhshakh. Kom ndu̱ ɗyiku nu̱ke ku̱ nduk shimi, ɗyiku nu̱ke ku̱ nduk na tu̱ makhta, ɗyiku nu̱ dukki mbaari, kom ndu̱ ɗyiku nu̱ke ku̱ nduk kuna.

Kolosiyeku 3:24

Kor ma nu̱ ɗyine Zhinkir gwaanji ka vu̱r ɗye ɓi ye nu nu̱ du̱ngki gha ku̱me nduki ɓaran. Jiwa Masiya ke Zhinkir gwaanji nu̱ rafa nu̱ke tun a ghar ghai yenda!

1 Timoti 2:3

Ɗyi nang mbari, ku̱me Magham nu̱ Ɗanar ɓaarem wa ka tu̱k mu̱ndan maɗyi,

1 Timoti 5:4

Mbu̱ yang qusonggya nje kha ku̱du̱wang, aa ɗya zhikankirku, ku̱ qusonggyang nggasi shoga tlu̱nar ghaari ghai ɓaanda nu̱ ku̱nshe nggu̱ti kheeti ɓaanda. Shir wanang ka sa ku̱du̱wang tu̱ gwa shaatar ku ba wa nu̱ shaataki wor guma fara. Magham wa ka tu̱k mu̱ndan maɗyi.

1 Biturus 2:12

Tun kha ndu̱ ɗye shir mbarkandi chele nduki nu̱ke nu̱ zu̱n Magham ku ɓa. Shir wanang ka sa tu̱ ɓa vu̱r zhaaji ye Magham ye sarchi ɓar ɓaran, ku̱me tlu̱nar ɓaanu mbarkandi, aa nu̱ke wa ka da zhaano ku ɓaanu.

1 Biturus 2:20

Mbu̱ yang wa shi kurpi ye nu ku̱me zop nun shiki, a tun wa gu̱n memu̱na nu tun ɓu̱ gwa ɗyi nggur ku̱men ɓa. Yang mbu̱ tun wa shi tlu̱nar mbarkandi, tun za bonye ku̱men, yang tun gu̱n memu̱na nu tu̱k, ɗyi nun shikyang ka kha dlu̱ran she Magham.

1 Biturus 2:5

Tun yang, gaɓ wa ndogdiku nu̱ nyifiri nu̱ka shiki boote ndu̱ wor ma du̱n rafti nu̱ jiimba. Ma ku̱ kha ma tabar ɓu̱ kuruku shakhshakhndi ɓu̱ rafti nang, tun a zoɓa sadke nu̱ jiimba nu̱ ku̱nshe Yesu Masiya, nang ke pooni sadke nu̱ke Magham a shimndan.

1 Biturus 3:16

Wanang tu̱k, shi ma aa nu̱m aakochi ndu̱ memu̱nar zhirekandi ku̱me mbu̱ wa zu̱ ɗyi malkandi nu̱ ɗyine nu, nduki nu̱ zu̱kyang ka tu̱k kawa ku̱me ɗye shir mbarkandi ɓaanu mbe Masiya.