Romeku 14:14 - Mewar Alqawarang

¹⁴ Nga zu̱ni, yang nga maita shwat mbe Zhinerem gwaanji Yesu nu̱ ɗyine ɗye zu̱m nje nu̱ke zopan me ɗyinan ɓa. Mbu̱ yang njif nggur wa da nu̱ ɗyine ɗyen zopan, nang ɗo, ɗyen wa kha zopan she nda.

Romeku 14:14 ပူးပေါင်းရင်းမြစ်များ

Markus 7:2

Tu̱ yang na ɓeena nu̱ mburi Yesu ku a zu̱m ɗye zu̱mndi ku ware shiɓti khar.

Tlu̱nar ɓu̱ Pudeku 10:28

Tu̱ ze wor za, “Tun ndu̱ ɗyinonu tun wa zu̱n za nu̱ shipa ku̱ Yakhude nduku kha ndu̱ nduki nu̱ke ɗya Yakhuda ɓa, yang ɓu̱ ɗu̱ kaa ɓaran ɓa. Yang Magham wa wut ya za qa nga aaki maatlin ɓa, yang zopan ɓa.

Romeku 14:2

Maito ɓu̱ njif nggur ka sa tu̱ zu̱m ɗyi nu̱ke a shimndan kap, yang njif nu̱ke du̱mbu̱ran mbu̱ maito ɓaran ɓa, ka zu̱mkya ba dlu̱mndi ginu ndu̱ ye qu̱fa.

Romeku 14:20

Gu̱ɗa na tlu̱nar ɓu̱ Magham nu̱gha ku̱me ɓalar ɗye zu̱m ɓa. Aa nyi ɗye zu̱m zopan shwat ɓa, yang nu̱ shi mbar ku̱ ɗyi nu̱ke chem a zu̱mndan kha ma ɗye ji sar ɓa.

Romeku 14:23

Yang njif nu̱ke memu̱naran rap rap ɗyine ɗyi nu̱ke chin a zu̱mndan, a dutkya kumar ɓu̱ Magham ye ɗyinan mbu̱ wa zu̱mi, ku̱me ɗyi nu̱ke a shiranang a shiran mbe maito ɓa. Yang ɗyi nu̱ nduk shiki kap nu̱ke shi ku̱me chin wa maita ɗyen ɓa, ɗya sola.

1 Korintiyeku 10:25

Nji ma aa nyi ɗyi nun gwaki ye maa masar dlu ɓara, waare zhamndi san, ku̱me ku̱ memu̱na nu damta nu̱ maa nu̱ dlwang a viki su̱ ɓa.

1 Korintiyeku 8:10

Leendang mbu̱ njif nggur wa na ro, to nu̱ke ta shi zu̱ndi, ta zu̱m ɗye zu̱mndi mbu̱ maa ghaari ghai ye mu̱lu̱mku, alapa nang ɓu̱ sa wor tu̱ zu̱m ɗye zu̱mndi nu̱ vu̱rki ye mu̱lu̱mku ɓa goma, nu̱ke khukhutan ku?

1 Korintiyeku 8:7

Yang aaki zu̱nki zhire nang ɓa, ɓeeni nduki wa su̱n vaanda nu̱ mu̱lu̱mku nu̱ke ma ɓar leendang a daran ku za mbu̱ wor wa zu̱m ɗye zu̱mndi nu̱ vu̱rki ye mu̱lu̱m, yel ɗya ɗye zu̱mndi ɓu̱ mu̱lu̱m. Ku̱me konyi ɓaanda kata, tu̱ ku̱s tamandan ku za wor wa shi zop nu̱ ku̱nshe zu̱mndi ɗye zu̱mndang.

1 Timoti 4:4

Ai ɗyi nu̱ Magham du̱ngki kap mbari yang tun a nje nu̱ke nduk ka zhangki ɓa mbu̱ nduk wa dlu̱ ndu̱ kuna,

Titus 1:15

Aa nu̱m shakhshakh she nduki nu̱ke memu̱na wor shakhshakh. Yang tun a nje shakhshakh she nduki nu̱ zop nu̱ke nu̱ maita ku ɓa, ku̱me memu̱na wor ndu̱ kwaari ɓaanda zopan.