Romeku 13:7 - Mewar Alqawarang

⁷ Tun dli kudum nu̱ke aakya mburo nu. Mbu̱ ɗya zhaanggal ɓaanu nu̱ shipaki ku̱ dli nu, tun dli, mbu̱ ɗya zhaanggal nu̱ ɗyine ɗye gomarku ɓaanu, tun dli, mbu̱ vu̱rti gorki, tun vu̱r gorkiri, mbu̱ ɗya vu̱rti zhaaji, tun vu̱r zhaaji.

Romeku 13:7 ပူးပေါင်းရင်းမြစ်များ

Matta 17:25

Tu̱ tlogha za, “Wa ka dli.” Nu̱ Biturus gaɓki nu̱ kaari, tu̱ Yesu nggaasi ɓalar yenda za, “To Siman, to nakya nu̱m ɗyine zhamndi nanga na? Kujiku larji ka dlu̱ mu̱zhindi zhaanggal ɓaanda fu̱na, she qusonggi ɓaanda mu yang nduki ngguri.”

Matta 22:21

Tu̱ tlogha ku za, “Ɗya ɓu̱ Kaisar.” Tu̱ Yesu ze wor za, “Vu̱r ma ɗyi ɓu̱ Kaisar ye Kaisar, ɗyi ɓu̱ Magham tun vu̱r ye Magham.”

Markus 12:17

Tu̱ Yesu ze wor za, “Vu̱r ma ɗyi ɓu̱ Kaisar ye Kuji Kaisar, ɗyi ɓu̱ Magham tun vu̱r ye Magham.” Tu̱ shi lazham ku maɗyi.

Luka 20:22

Yang ye nar ɓaaro wa shipa vu̱r mi zhaanggal ye Nggomne gwaanji (Kaisar) mu, yang auwo mu?”

Luka 20:25

Tu̱ tlogha ku za, “Ɗya ɓu̱ Nggomne gwaanji (Kaisar).” Tu̱ Yesu ze wor za, “Nu̱ke wanangang, vu̱r ma ɗyi ɓu̱ Nggomne gwaanji (Kaisar) ye Nggomne gwaanji (Kaisar) ɗyi nu̱ke ɓu̱ Magham tun vu̱r ye Magham.”

Luka 23:2

Tu̱ da zhaano ɓaran a zu̱ran ku za, “Chem wa gwa njif nang a sagha ɗyin ndukiku ɓaarem nu̱gha, a sokh wor za ku̱ vu̱r zhaanggal ye Nggomne gwaanji (Kaisar) ɓa. Wonji tu̱k wa ka qa ɗyinan za chin a mbu̱ Masiya kuji.”

Romeku 12:10

Tun tu̱k khaati ɓu̱ yen ndu̱ pooni ndolar ɓu̱ nu̱ mbu Yesu ku. Tun vu̱r zhaaji ye njif nggur tu̱ duk nu̱ke tun ka vu̱rki ye vaanu.

Romeku 13:6

Nang saki tun ki dli zhaanggali, ku̱me nu̱ kwaaɗarku ɗya nu̱ tlu̱narku ɓu̱ Magham nu̱ke a vu̱r sarchi ɓaanda kap ma kwaaɗa.

Afiseku 5:33

Yang kap ndu̱ wanang, ɓalar nang wa su̱ɓa nu tu̱k. Bu ku̱ aaki chele ɓaanu ndola nokhzan wa varan, tu̱ nokhzang tu̱k vu̱r zhaaji ye zhimen.

Afiseku 6:5

Tun maaviku, mbu ma zu̱r ɓu̱ zhinonu nu̱ rafa nu̱ larji nang. Tun vu̱r zhaaji ye wora, tun mbu zu̱r ɓaanda mbe aa nu̱m, ndu̱ memu̱na nu da, ba wa tun a shikya tlu̱nar ɓu̱ Masiya.

1 Timoti 5:13

Qu̱rse nang, wa ka shoga khar bamndiku tu̱ ka baara maa ku a viri rafa rafa. Yang khar bamndang ɗyenda ɓa, wa ka shi ndaane ku, tu̱ ji fan tu̱ ɗu̱ fan a ɓalarku nu̱ke nu̱ shipa ɓa.

1 Timoti 5:17

Vu̱r ma gorkiri su̱yen nu̱ wuti kunari ye nduk kudaandiku nu̱ke a tlu̱nar mbu̱ tabar ɓu̱ nu̱ mbu Yesu ku mbari, nu̱ shi wa nduki nu̱ka wopaki ɓalar ndu̱ shogaran ɓar ɓa.

1 Timoti 6:1

Kap njif nu̱ke a khar maava, ku̱ vu̱r gorkir maɗyikandi nu̱ shipaki ye zhin nu̱ rafa, ma ku̱ pu̱z dlu̱m Maghamndi ɓaarem ndu̱ shogar ɓaarem ɓa.

1 Biturus 3:7

Wanang tu̱k tun khuzuku, tun shi khar ɓaanu ndu̱ nusuku ɓaanu ndu̱ kwaari. Vu̱r ma gorkir ye wora, nu̱ke du̱mbu̱ran ku wa tun ɓa. Jiwa tun ndu̱ nusuku ɓaanu kap, tun dlu̱ mu̱nkir gwaanji nu̱ nyifiri ɓu̱ Magham su̱yen. Shi ma wanang ma ku̱ ɗyi nggur nggu̱tl barar ɓaanu gwar dlu̱r ɓa.