Romeku 13:11 - Mewar Alqawarang

¹¹ Tun ki shi nang ku̱me tun wa zu̱n sarchi nu̱ke chem a mban. Sarchi wa shi nu̱ke tun ka nakhaki mbe ɗyenir ɓaanu, ku̱me sarchi ɗanar ɓaanu a shi bing leendang tu̱ duk sarchi nun maitaki gumapaalyang.

Romeku 13:11 ပူးပေါင်းရင်းမြစ်များ

Matta 16:3

Nu̱ dumaari mbu̱ tun wa na maari wa sa rikiriki, nun za, ‘Meeni nang chem ka gwa romndi.’ Tun wa ka zu̱n ɗyi nu̱ke a mu̱na viɗi, yang nun ka ɗu̱ma zu̱n sarchi ɓu̱ ɗyiku nu̱ mbu̱ qaandi virkir meeni ɓa.

Luka 21:28

Mbu̱ tun wa na pooni ɗyiku nang a shiri, kosa ma va nu nu̱ gha mbari ku̱me sarchi ɗanar ɓaanu a shi bing.”

1 Korintiyeku 10:11

Ɗyi nu̱ ɗatlki ndu̱ wor nang ɗya ɗye shoga, bu̱lan gha ma ku̱ wurerem. Yang nu̱ shi wa chem nu̱ke a nje mbu̱ lauɗar su̱ qaandi virkirku nang ɓa.

1 Korintiyeku 15:34

A gaɓ man mbu kwaari ɓaanu mbarkandi, tun njig tlu̱nar solari. Ɓeena nduki chele ɓaanu nu̱ zu̱n Magham ku ɓa. Nga zu̱ wanang ma ku̱ tu̱k nu kawa.

Afiseku 5:14

ku̱me yarang ke nu̱ wut tun ye dalangi. Nang ke ɗyi nu̱ saki tu̱ zu̱ za, “Ju, to nu̱ke ta ɗyeniri! Ju ɓar mbe mu̱ti! Masiya ka vu̱r yarang yoro.”

Yaqub 5:8

Tun kha ndu̱ kanaɗyi tu̱k. Tun ching gha shanggu̱ɗang, ku̱me ɓar ɓu̱ Zhinkir gwaanji wa shi bing.

1 Biturus 4:7

Lauɗarsi aa nu̱m wa shi bing. Ku̱me nang shi ma nggu̱ti mbari, tun ku̱r vaanu. Ku̱me ku̱ ɗu̱ma nu tun shi barari.

2 Bitu̱rus 3:11

Yang nu̱ke ka ɓa su̱ya ɗyiku nang nu̱gha kap wanang, shipa ku̱ khar ɓaanu kha kikimndana? Shi ma khar viti shakhshakhndi, tun vu̱r vaanu ye sawar Magham mbe aa nu̱m.

2 Bitu̱rus 3:9

Ɓeeni nduki a zu̱ran za Zhinkir gwaanji a ku̱ɗa ku̱ɗa ndu̱ alqawar nu̱ shiki. Yang ɗyen wanang ɓa, a shikya kaɗanyi ndu̱ tunu nu̱ shim ku̱ aaki su̱ya ɓa, a shim ku̱ aaki nggoɗi.

1 Yokhana 2:18

Tun qusonggi ɓanga, nang ke lauɗar su̱ qaandi virkirku. Ba wa nun tu̱kki za, nu̱ zhangndi Masiya a nje a ɓari, yang aa leendang nu̱ zhangndi Masiya ku khang a ɓa. Nang ke ɗyi nu̱ saki chem zu̱n za chem a mbu̱ lauɗar su̱ qaandiku.

Ɗyin mbu̱ tukari 1:3

Barkya ve njif nu̱ nggu̱tki mbu̱ bu̱lar nu̱ke a mbu̱ lagarkati nang, yang barkya ve nduki nu̱ nggaki dlu̱mdi wor ma tu̱k zoɓar nu̱ke ɗya zu̱r ɓu̱ Magham nang. Tu̱ yang ku̱s ɗyi nu̱ke a nje bu̱laran mbu̱ lagarkatang nu̱ mbu̱ memu̱naran! Jiwa sarchi shir ɓu̱ ɗyiku nang wa shi bing ɓari.

Ɗyin mbu̱ tukari 22:10

Tu̱ zu̱ ya tu̱k za, “Za na ɓalar nu̱ke a mbu̱ lagarkati zu̱r ɓu̱ Magham nang nu̱gha ɓa, ku̱me sarchi wa shi bing nu̱ke ɗyiku nang kap ka ɗatli.

Ɗyin mbu̱ tukari 22:12

“Wonji, nga ɓar ɗau! Ngga ɗa ɓa ndu̱ ɗye ɓi ɓang khara, tang vu̱r ye aaki ku̱rku̱r ndu̱ ɗyi nu̱ tlu̱naki.

Ɗyin mbu̱ tukari 22:20

Chin nu̱ saidaki ɗyiku nang kap wa zu̱ za, “I, nga nja ɓar ɗau!” Amin. A ɓo, Zhinkir gwaanji Yesu!