Romeku 12:8 - Mewar Alqawarang

⁸ Mbu̱ ɗya nu̱ par du̱mbu̱r ye nduki, ku̱ ki pa du̱mbu̱r ye nduki. Mbu̱ yang ɗya nu̱ shaatar nduki, ku̱ shi khaaran nggaran. Mbu̱ ɗya nu̱ khar ma dle guma, ku̱ vu̱r ɗyinan ma kwaaɗar nu̱ zhire. Mbu̱ yang ɗya nu̱ wuti ɗaana, ku̱ shi memu̱naran da.

Romeku 12:8 ပူးပေါင်းရင်းမြစ်များ

Matta 25:40

“Yang kujirang ka tlogha ye wor za, ‘Zhire nga zu̱ran ye nu, ma nu̱ke tun wa shi ye nyeezaku katakandi nang, ai, tun shi ya.’

Tlu̱nar ɓu̱ Pudeku 11:23

Nu̱ ɗu̱ki, tu̱ na mu̱nkir nu̱ Magham shiki ye wora, tu̱ kasha, tu̱ pa du̱mbu̱r ye wor ku̱ ching nu̱ ɗyine maito ɓaanda mbe Zhinerem gwaanji ndu̱ memu̱nar da.

Tlu̱nar ɓu̱ Pudeku 13:12

Nu̱ nggomnyang naki ɗyi nu̱ ɗatlkyang, tu̱ maita, a lazham shogar ɓalar ɓu̱ Magham nu̱ shiki yendang.

Tlu̱nar ɓu̱ Pudeku 13:15

Qu̱rse wa qa ye chiti mbu̱ Taurete ndu̱ lagarkati ɓu̱ annabikwang, tu̱ dlegumeku ɓu̱ kib tabarang ru̱k ye wor za, “Nyeezerem, mbu̱ ɓala kha nu nu̱ke tun a shim zu̱ran ma pa du̱mbu̱r ye nduki, tun zi.”

Tlu̱nar ɓu̱ Pudeku 15:32

Tu̱ Yakhuda ndu̱ Sila, nu̱ke ɗya annabiku dut dlu̱mndi nyeezi wora ndu̱ ɓalarku khang, tu̱ pa du̱mbu̱r ye wor tu̱k.

Tlu̱nar ɓu̱ Pudeku 20:2

Nu̱ baaraki dlar ghai kunang tu̱ pa du̱mbu̱r ye wor maɗyi, tu̱ khu̱l nu̱ mbu̱ dlar ghai Kheles.

Tlu̱nar ɓu̱ Pudeku 20:28

Tun ɗang vaanu, ndu̱ shapir Jiimbi shakhshakhndi saki nu̱ mbu̱ bu̱nonu ma nggu̱t nu, tun zu̱m guma ndu̱ khutlo tabar ɓu̱ nu̱ mbu Yesu ku nu̱ Magham masaki ndu̱ tom ɓu̱ Yi ɓaran.

Tlu̱nar ɓu̱ Pudeku 4:36

Yusufu, nu̱ke ɗya ye me sham ɓu̱ Lawi, khuzi Saipurus, nu̱ Pudekwang ka qaki nda za Barnaba (mban za, nu̱ vu̱rti shokhku̱rokh me bu̱n),

Romeku 12:13

Tun ki shakh ɗyin me kha nu ndu̱ nduki ɓu̱ Magham nu̱ke a mbe song. Tun ki dlu̱ runggiku ndu̱ kashari.

Romeku 13:6

Nang saki tun ki dli zhaanggali, ku̱me nu̱ kwaaɗarku ɗya nu̱ tlu̱narku ɓu̱ Magham nu̱ke a vu̱r sarchi ɓaanda kap ma kwaaɗa.

1 Korintiyeku 12:28

Mbu̱ tabar ɓu̱ nu̱ mbu Yesu, gumapaali Magham wa vu̱r pudeku, nu̱ rapan annabiku, nu̱ kunungan tu̱ vu̱r maalu̱mku. Tu̱ vu̱r nu̱ shir ɗye lazham ku, ndu̱ nu̱ shaanar khaatiku, ndu̱ shaatar nduki, ndu̱ nu̱ kwaaɗarku, ndu̱ nu̱ ɓalar ndu̱ me ghiindiku zum zum.

1 Korintiyeku 14:3

Yang njif nu̱ke a zu̱ ru̱kti ɓu̱ Magham a ɓalarang ndu̱ nduki ma ku̱ shaata wora, ku̱ pa du̱mbu̱r ye wora, ku̱ du̱ng memu̱na wora.

2 Korintiyeku 1:12

Leendang nang ke wakhti ɓaarem, memu̱narem wa wuɗ yerem nu̱ ɗyine chem wa shi khar mbarkandi mbu̱ larji nang, nu̱ shi wa khar shakhshakhndi nyem shiki su̱yen ndu̱ tun ɓa, nu̱ pooni zhire na viki she Magham. Nyem shi nang nu̱ ku̱nshe kaɗari ɓu̱ nduk ɓa, kope nu̱ ku̱nshe mu̱nkir ɓu̱ Magham.

2 Korintiyeku 11:3

Yang nga sawa ku̱ su̱tang shi ghu̱rti ye nu tu̱ lamba nu wa nu̱ lambaki Khawa, tu̱ kwaari ɓaanu su̱bu̱r tun ku̱na vu̱r ɗyinonu guma da ye Masiya ma ku̱ kha nu ma nu̱ song zhire mbe nda ɓa.

2 Korintiyeku 8:12

Mbu̱ memu̱nar vu̱rtan a nje kha nu, Magham ka tu̱k mu̱ndi vu̱rti nu̱ke tun a shiran, mbu̱ tun vu̱r wa nu̱ke du̱mbu̱r ɓaanu ka ɗu̱maki. Nu̱ Magham shim ku̱ vu̱r nu ɗyi nu̱ dukki du̱mbu̱r ɓaanu ɓa.

2 Korintiyeku 9:11

Ka shi barke ye nu aakochi mbu̱ aa nyi tunu, ma ku̱ vu̱r nu mbu̱ mu̱ndi memu̱na aa nyi sarchi. Nduki khang ka kuna Magham ku̱me vu̱rtiku nu̱ke tun a ma ru̱ktan ye wor nu̱ mbu̱ khaarem.

2 Korintiyeku 9:13

Tlu̱nar nun shiki nang, ka sa nduki tu̱ gor dlu̱m Magham ku̱me tun wa mbu ɗyi nu̱ Labar mbarkandi ɓu̱ Masiya zu̱ki, nu̱ke tun wa maita, kom ndu̱ shaatar nun shiki ye wor ndu̱ ɓeeni nduki kha nu nggaran.

2 Korintiyeku 9:7

Aaki vu̱rkya ɗyi nu memu̱naran daki yenda, su̱bu̱rti memu̱na su̱ ɓa, yang nu̱ ranna aaki ɓa, ku̱me Magham wa ka shim njif nu̱ shiki vu̱rti ndu̱ mu̱ndi memu̱naran.

Afiseku 6:5

Tun maaviku, mbu ma zu̱r ɓu̱ zhinonu nu̱ rafa nu̱ larji nang. Tun vu̱r zhaaji ye wora, tun mbu zu̱r ɓaanda mbe aa nu̱m, ndu̱ memu̱na nu da, ba wa tun a shikya tlu̱nar ɓu̱ Masiya.

Kolosiyeku 3:22

Tun maaviku, mbu ma zu̱r ɓu̱ zhinonu nu̱ rafa mbe aa nyi tunu. Ku̱ shi nu tlu̱nar nar yiti wa nduki nu̱ke a shim ku̱ nduki makhta wor ɓa, me ɓu̱ nang, tun shi tlu̱nar ɓaanu chele ɓaanu ndu̱ Magham, wa nu̱ke nu̱ sawar Magham ku ka shiki.

1 Tasalonikeku 2:3

Jiwa khuti nyem shiki ye nu nang wollo nje mban ɓa, nyem ku̱r ɗyi malkandi ye nu ɓa yang nyem lamba nu zum ɓa.

1 Tasalonikeku 2:8

Chem wa damta ndu̱ tun maɗyi, nang ke ɗyi nu̱ saki nyem wopa Labar Mbarkandang ye nu ɗyenda ɓa, chem wa vu̱r nyifi ɓaarem tu̱k ku̱me tunu, nu̱ke tun wa vi nu̱ mbu̱ memu̱na rem maɗyi.

1 Timoti 4:13

To ki karanta Bu̱lar ɓalar ɓu̱ Magham ye nduki, ta wopa ɓalarang ndu̱ shogaran ɓara kope nga gaɓi.

1 Timoti 5:17

Vu̱r ma gorkiri su̱yen nu̱ wuti kunari ye nduk kudaandiku nu̱ke a tlu̱nar mbu̱ tabar ɓu̱ nu̱ mbu Yesu ku mbari, nu̱ shi wa nduki nu̱ka wopaki ɓalar ndu̱ shogaran ɓar ɓa.

1 Timoti 6:18

Ze wor ku̱ shi me mbarkirku, tu̱ kha gu̱naran tu̱k mbe tlu̱nar mbarkandi, ku̱ ki vu̱rtan ye nduki khar wor nggaran, nu̱ shimndi shakhti ɗyi ɓa nda ndu̱ nduki.

Yibraniyeku 10:25

Ku̱ laada mi tabar ɓaarem ma ghaari ghai ye Magham, wa nu̱ ɓeenan ku su̱nki ndu̱ shiran ɓa. Me ɓu̱ nang ki mi pa du̱mbu̱r ye yen, chem shaata shir wanang nu̱ si ku̱me tun a naran nu̱ ɗyine Fu̱ɗar nang wa shi bing ɓari.

Yibraniyeku 13:17

Tun mbu su̱qur dlegumeku ɓaanu, tun shi ɗyi nu̱ zu̱ki ye nu ku tu̱k, ku̱me wor kya nggu̱t khar viti ɓaanu wa nduki nu̱ke a ma shiga su̱ ɗyi nu̱ wor tlu̱naki. Tun mbu wor tu̱ tlu̱nar ɓaanda kha ndu̱ kasha, waare taɗar memu̱na, ku̱me taɗar memu̱narang ɓu̱ ɗa ɓa ndu̱ boote nggur ye nu ɓa.

Yibraniyeku 13:22

Nyeezaku, Nga khutonu, tun shi kaɗanyi ndu̱ wuro nu nang shiki, ku̱me nang bu̱la ɓalar kirkandi ye nu ɓa ɗo.

Yibraniyeku 13:24

Tun shi qaandi ye dlegumeku ɓaanu, ndu̱ nduki ɓu̱ Magham kap. Nyeezeremku nu̱ke a Italiya a qaandi ye nu ku.

Yibraniyeku 13:7

Kor ma dlegumeku ɓaanu nu̱ zu̱ki ɓalar ɓu̱ Magham ye nu. Nggu̱t ma pooni khar viti nu̱ shiki ku, ndu̱ lauɗar su̱ khar viti ɓaanda, tun da ɗyin saari maito ɓaanda.