Romeku 12:6 - Mewar Alqawarang

⁶ Vu̱rtiku a nje khaarem zum zum viɗ ɗyine mu̱nkir nu̱ shiki yerem. Mbu̱ nduk gwakya vu̱rti nu̱ zu̱r ɓalar ɓu̱ Magham, ku̱ zu̱r nda ku̱rku̱r ndu̱ vu̱rti zhire ɓaran.

Romeku 12:6 ပူးပေါင်းရင်းမြစ်များ

Matta 23:34

Ku̱me nang ngaa ru̱kti ndu̱ annabiku, ndu̱ nu̱ kaɗariku ndu̱ Maalu̱mku. Tun ka tlagha ɓeenan, tun katl ɓeenan gha me qu̱fari, tun shi dlabti ye ɓeenan mbu̱ kib tabarku ɓaanu, tun a mbu wor ghai ghai tun a vu̱r bonye ye wora.

Matta 25:22

“Tu̱ njif nu̱ dlu̱ki kulup mu̱zhindi rapndang a ɓa tu̱ zu̱ za, ‘Nu̱ rafa,’ ta vu̱r kulup rap ya, ‘Wonji nga gwa kulup rap nu̱ ɗyinan.’

Luka 11:49

Nang ke ba ɗyi nu̱ Magham zu̱ki mbu̱ kaɗari ɓaran za, ‘Ngga ru̱k annabiku ndu̱ pudeku ye wora, yang kaa tlagha ɓeenan tu̱ vu̱r bonye ye ɓeenanku.’

Tlu̱nar ɓu̱ Pudeku 13:1

Chele tabar ɓu̱ nu̱ mbu Yesu ku nu̱ke a Antakiya, annabiku ndu̱ maalu̱mku a nje. Nang ke Barnaba, ndu̱ Simiyon nu̱ka qaki nda za Chit, ndu̱ Lushiyos khuzi Sariyan, ndu̱ Manayen nu̱ gorki su̱yen ndu̱ kuji Khiridus, ndu̱ Shawulu.

Tlu̱nar ɓu̱ Pudeku 15:32

Tu̱ Yakhuda ndu̱ Sila, nu̱ke ɗya annabiku dut dlu̱mndi nyeezi wora ndu̱ ɓalarku khang, tu̱ pa du̱mbu̱r ye wor tu̱k.

Tlu̱nar ɓu̱ Pudeku 2:17

‘Magham wa zu̱ za, Ngga ɗa zu̱ Jiimbi ɓang ye nduki kap mbu̱ lauɗar qaandi virkiri. Qusonggi ɓaanu nusu ndu̱ khusku ka kha ma nu̱ wopar zu̱r ɓu̱ Magham. Yiti nyakhtlirku ɓaanu ka na ɗyi tukakandi ku, geema khuzuku ka shi zhineku.

Tlu̱nar ɓu̱ Pudeku 21:9

Yang qusa nusuki a nje khanda wor vat nu̱ke dong nu̱ shi ɓu̱r ku ɓa, yang wa ka zu̱ ɗyi nu̱ Magham zu̱ki ye wora.

Romeku 1:11

Jiwa nga shim na nu maɗyi, ma ku̱ vu̱r nga mu̱nkir nggur nu̱ mbe jiimba nu̱ke ka paki du̱mbu̱r ye nu.

Romeku 12:3

Ku̱me mu̱nkir nu̱ shiki ya, nga zu̱ran ye aaki chele ɓaanu: Ku̱ aaki da ɗyinan tu̱ peeta maa nu̱ke a si ɓa. Me ɓu̱ nang ku̱ aaki kuma ɗyinan viɗ ɗyine vu̱rti zhire nu̱ Magham vu̱rki yenda.

1 Korintiyeku 12:18

Yang wonji Magham wa shi aa nyi me bar ɓu̱ nduku ba wa nu̱ shimki.

1 Korintiyeku 13:2

Aa nga ka zu̱ ɓalar ɓu̱ Magham, tang zu̱n ɗyi tukakandi kap, tang shi zu̱ndi ɗyine tun kap, aa maito ɓang maɗyi wa nu̱m gom, nu̱ke ngga ɗu̱ma ɓu̱t dlengku, yang za nga nu̱ ndola ɓa, nga aa nu̱m ɓa.

1 Korintiyeku 14:1

Laɓ ma kya ndola tun kasha vu̱rtiku ɓu̱ Jiimbi shakhshakhndi, nu̱ shi wa vu̱rti nu̱ zu̱r ru̱kti ɓu̱ Magham ɓa.

1 Korintiyeku 14:24

Yang mbu̱ aakya zu̱kya ru̱kti ɓu̱ Magham, tu̱ njif nggur nu̱ke ɗya nu̱ mbu Yesu ɓa, yang nu̱ zu̱n ɗyi nu̱ke tun a shiran ɓa a vi nu̱ she nu, ɓalarang ka su̱ɓa memu̱naran, tu̱ nggoɗi.

1 Korintiyeku 14:29

Annabiku rap ma yir kunung ku̱ shi ɓalarang, tu̱ ɓeenan nggu̱t mbu̱ ɗyi nu̱ zu̱ki kwang.

1 Korintiyeku 3:5

Ki ke Apolos ɗo? Ki ke Bulusang na? Ai chem ɗya ba nu̱ tlu̱narku ɓu̱ Magham, nun maitaki Labar Mbarkandang nu̱ ku̱nshe rem, aaki chele ɓaarem shikya ɗyi nu̱ Zhinerem gwaanji vu̱rki yenda ɓa goma?

1 Korintiyeku 7:7

Nga shim tu̱ga ku̱ aaki kha wa nga, yang aaki nu̱ pooni vu̱rti nu̱ Magham shiki yenda, njif ngguri Magham wa vu̱r ɗyi nggur yenda, tu̱ vu̱r ɗyi nggur zum ye njif ngguri.

2 Korintiyeku 8:12

Mbu̱ memu̱nar vu̱rtan a nje kha nu, Magham ka tu̱k mu̱ndi vu̱rti nu̱ke tun a shiran, mbu̱ tun vu̱r wa nu̱ke du̱mbu̱r ɓaanu ka ɗu̱maki. Nu̱ Magham shim ku̱ vu̱r nu ɗyi nu̱ dukki du̱mbu̱r ɓaanu ɓa.

Afiseku 3:5

Nu̱ zu̱ nang ye nduki nu̱ zhu ɓa, yang leendang Magham wa wut ye pudeku ndu̱ annabiku ɓaran datkandi nu̱ ku̱nshe Jiimbi ɓaran.

Afiseku 4:11

Chin shiki vu̱rti ye nduki. Wa shi vu̱rti nu̱ khar ma pude ɓu̱ Yesu ye ɓeeni nduki, ɓeenan ɗya annabiku, ɓeenan ɗya wopar Labar Mbarkandang, ɓeenan ɗya nu̱ khutlo nduki yang ɓeenan ɗya nu̱ shogar ku ɓara.

Filipiyeku 3:15

Ku̱me nang ku̱ shi mi kwaari ɗyine ɗyiku nang kap ɓaarem, chem nyem gorki mbe ɗyin mbu̱ Jiimba. Mbu̱ yang kwaari ɓu̱ ɓeeni nduki chele ɓaanu wa ngga yen ndu̱ nang, Magham ka wut ɗyen ye nu tu̱k ba.

1 Tasalonikeku 5:20

Ku̱ ndu̱m nu zu̱r ɓu̱ Magham nu̱ ɗa ɓa ki ye nu ɓa.

2 Bitu̱rus 1:20

Yang guma ndu̱ aa nu̱m, wa shipa zu̱n nu nu̱ ɗyine, ɓalarku ɓu̱ annabiku nu̱ke a nje mbu̱ bu̱lar Ɓalar ɓu̱ Magham, a vi mbe shaandi ko ghu̱rti ɓaanda ɓa.