Romeku 12:5 - Mewar Alqawarang

⁵ Wanang tu̱k, aa nu̱ke chem khan, chem a khar man var da mbe Masiya, aa nyi nduk da ɗya me bar ɓu̱ yen.

Romeku 12:5 ပူးပေါင်းရင်းမြစ်များ

Yokhana 17:11

Nga gaɓti nu̱ sho ro. Ngam ɓu̱ khan larji tu̱k ɓa, yang ɓaanda a nje ku mbu̱ larji dong. Zhinkir Shakhshakhndi bu ɗyin wor ndu̱ zalale ɓu̱ dlu̱moro, nang ke dlu̱m no vu̱rki ya, ma ku̱ kha da ku, ba wa nu̱ke chem a su̱yen ndu̱ to.

Romeku 12:4

Ba wa nu̱ke man vaarem ba kaada ndu̱ me barku khang ve nda, yang tlu̱nar ɓu̱ me barku nang wa ngga yen.

1 Korintiyeku 10:17

Nu̱ke chin ɓurti tolirang ba da, alapa chem khangndi nang chem a khar ɗyi da, nu̱ke chem zu̱mkya ɓurti tolir da.

1 Korintiyeku 10:33

Tun shi ba wa nang ka shiki. Nga shim ku̱ aaki tu̱k mu̱ndi mbu̱ ɗyi nu̱ke nga shiran kap, yang nga shiran ku̱me ɗyina ɓa, nga shiran ma boote ɓu̱ aaki ma ku̱ nduki khang gwa ɗanar ku.

1 Korintiyeku 12:20

Me bar khang khaki ma man var nduku.

1 Korintiyeku 6:15

Alapa nun zu̱n za man vaanu ɗya me bar ɓu̱ Masiya ɓa goma? Alambu̱ram! Ngam ɓu̱ gaɓ ndu̱ me bar ɓu̱ Masiya tu̱ kha ma ɓu̱ man mu̱nggu̱l ɓa.

Afiseku 1:23

Tabar ɓu̱ nu̱ mbu Yesu ke man var Masiya. Masiya wa kha nyeedlan mbe tabar ɓu̱ nu̱ mburi nda, ba nu̱ke chin ke nyedli ɓu̱ aa nu̱m kap ndu̱ aa fu̱n tu̱k.

Afiseku 4:12

Shi nang ma daasa nduki ɓu̱ Magham ku̱ da kuɗar tlu̱nar ma du̱ndi man var Masiya.

Afiseku 4:25

Ku̱me nang tun shakh ɗyinonu ndu̱ kotama! Tu̱ aaki ki zu̱ zhire ye nu̱ bing ɓaran, ku̱me chem me bar ɓu̱ yen ɗo.

Afiseku 5:23

Ku̱me khuskyang ke ɗyin nokhzan, ba wa nu̱ke Masiya ke ɗyin tabar ɓu̱ nu̱ mbu̱ Yesu, nu̱ke wor ke man varan. Yang chin nu̱ ɗyinan ke nu̱ ɗanar ɓu̱ man varanang.

Afiseku 5:30

Jiwa chem me barku ɓaran.

Kolosiyeku 1:24

Nga kashar bonye nang zaki ku̱me tun leendang. Ku̱me nu̱ ku̱nshe bonye nang zaki mbu̱ man var nang, nga shikya shaataran ma nyel me bonye nu̱ Masiya njigki waare lauɗa. Me ɓu̱ man varan chin ke tabar ɓu̱ nu̱ mbu Yesu.

Kolosiyeku 2:19

Ai, pooni nduki nang wa woɗa shakhti ku ndu̱ Masiya nu̱ke chin ke dle gume ɓu̱ tabar ɓu̱ nu̱ mbu Yesu ku, man varang kap a dlakya vaanda nu̱ ve nda. Ai, Masiya kya zu̱mndi ndu̱ man varang tu̱ sa tu̱ kha ye maa da nu̱ ku̱nshe me barku ndu̱ gu̱rauku, tu̱ ki gwaari ndu̱ gwaari nu̱ Magham saki ku̱ shi ku.