Romeku 12:2 - Mewar Alqawarang

² Ku̱ mbu nu su̱ ɗyi nu̱ke nduki nu̱ larji nang a san ɓa, nggoɗ ma nu̱ ku̱nshe nggooti memu̱nanu, kom tun ka ɗu̱ma buuran tun zu̱n yel mbu̱ ɗya shimndi ɓu̱ Magham. Tun ka ɗu̱ma zu̱ndan nu̱ ɗyine shimndi ɓu̱ Magham mbari, dlu̱ran kom nyeedlan.

Romeku 12:2 ပူးပေါင်းရင်းမြစ်များ

Matta 13:22

Pooni nu̱ nggu̱ɗki nu̱ mbu̱ njekhtikwang yang, a khar wa njif nu̱ tu̱kki ɓalar ɓu̱ Magham, yang damtar nu̱ke a mbu̱ larji ndu̱ shimndi gu̱na tu̱ nggu̱tl ɓalarang gwaari nu̱ke nu̱ kha ndu̱ boota ɓa.

Markus 4:19

Tu̱ damtar mbu̱ Larji ndu̱ shimndi gu̱na kom ndu̱ melakh ɗyiku zum zum ta ɓa tu̱ nggu̱tl ɓalarang ndu̱ gwaari nu̱ke nu̱ shi boota ɓa.

Yokhana 14:30

Ngam shi ɓala khang ye nu leendang tu̱k ɓa, ku̱me nu̱ kwaaɗar larji nang a nje a ɓari, yang zalale nje kha nda ɗyina ɓa.

Yokhana 15:19

Mbu̱ tun ɓu̱ larji tu̱ga larji wa shim ɗyi ɓaran, yang ku̱me tun ɓu̱ larji ɓa. Nga daato nu mbu̱ larji, nang ke ɗyi nu̱ saki tu̱ larji ki zhangndo nu.

Yokhana 17:14

Nga zu̱ ɓalar ɓaa ye wora. Yang larji wa wut zhangndi ye wor nu̱ke ɗya ɓu̱ larji ku ɓa, ba wa nu̱ke nga ɓu̱ larji ɓa.

Yokhana 7:7

Ɓaanu larji ɓu̱ zhangndo nu ɓa, a zhangkya ba nga, ku̱me ɗye shir ɓaanda malkandi nang ka zu̱ki ye worang.

Romeku 12:1

Ku̱me nang, nyeezaku, nga khutonu, mbe khang nar zhiyaye ɓu̱ Magham tun vu̱r ɗyinonu wa sadke nu̱ nyifiri, shakhshakhndi, pooni sadke nu̱ke Magham a shimndan. Nang ke njiv tlu̱nar mbarkandi ye Magham.

Romeku 13:14

Me ɓu̱ nang tun da ɗye shir mbarkandi ɓu̱ Zhinerem gwaanji Yesu Masiya, ku̱ mbu nu su̱ ɗye shir ɓu̱ manva ma ku̱ sa nu ma mbu shimndi ɓaran ɓa.

Romeku 7:12

Ku̱me nang chin bibitang shakhshakh, zu̱r ɓu̱ Magham shakhshakh, torop, yang mbar tu̱k.

Romeku 7:14

Chem wa zu̱n nu̱ ɗyine Bibitang ɗya ɗyin mbu̱ jiimba. Yang ɗye shir ɓang ɗya ɓu̱ nduku, nga maavi ɓu̱ sola.

Romeku 7:22

Nga kasha bibiti ɓu̱ Magham mbu̱ memu̱nara;

1 Korintiyeku 3:19

Me ghu̱rti ɓu̱ larji nang ɗya me nggu̱bu̱ng she Magham, ku̱me a nje bu̱laran za, “Wa ka ku̱s nu̱ ghu̱rti ku mbe shaandi ɓaanda.”

2 Korintiyeku 4:4

Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

2 Korintiyeku 5:17

Jiwa mbu̱ nduk a mbe Masiya, ɗya mewar nduku, geema ɗyiku wa peeta, leendang aa nu̱m wa kha mewaran.

Galatiyeku 1:4

Masiya Yesu vu̱rki varan ku̱me solarku ɓaarem, ma ku̱ lawa rem mbu̱ zaman malkandi nang. Yang shi nang mbe shimndi ɓu̱ Magham Zhinerem.

Afiseku 1:18

Nga barar tu̱k ku̱ Magham vu̱r dar mbu̱ tun ye nu ma ku̱ zu̱n nu nu̱m ke sar memu̱nar nu̱ qaki nu̱ kandi, tun zu̱n zhaaji ɓu̱ gu̱nar shakhti ɗye mbu̱ ge ɓu̱ nduki ɓu̱ Magham.

Afiseku 2:2

Nang ke sarchi nu̱ke tun mbu ki njiv malkandiku nu̱ larji nang, tun a mbu kuji ɓu̱ nu̱ zalaleku nu̱ mu̱na viɗi, nang ke khu̱kheetiku malkandi nu̱ka sokhki nduki ku̱ zhang mbu zu̱r ɓu̱ Magham gha.

Afiseku 5:17

Ku̱me nang ku̱ kha nu ma nggu̱bu̱ngku ɓa, zu̱n ma ɗyi nu̱ke Magham a shim ku̱ shi nu.

Kolosiyeku 1:9

Nang ke ɗyi nu̱ saki ba ye sarchi nyem tu̱kki labar nang, nyem laada shi barar ye nu ɓa. Chem a khuɗ Magham ku̱ wut shimndi ɓaran ye nu ye dalangi ma ku̱ gwa nu kaɗari ɓu̱ Jiimba, tun gwa dar mbu̱ aa nu̱m kap.

Kolosiyeku 3:10

tun wa da mewar ɗye shir mbarkandi. Nang ke njif mewakandi nu̱ Magham du̱ngki nu̱ke a gaɓti nu̱ chin tu̱ kha mewa aa nyi sarchi ma ku̱ kha wa chin, ma ku̱ sa nu tun zu̱n nda mbari.

Kolosiyeku 4:12

Apafaras da chele ɓaanu, nu̱ke ɗya maavi ɓu̱ Masiya Yesu, a qaandi ye nu. A barar maɗyikandi aakochi ku̱me tunu a khuɗ Magham ma ku̱ ching nu gha shaanggu̱ɗang, tun kha nyeedlan, tun a tlu̱na shimndi ɓu̱ Magham, mbonu kaada.

1 Tasalonikeku 4:3

Nang ke shimndi ɓu̱ Magham, tun kha shibtan, tun shakh ɗyinonu ndu̱ ɗye su̱bu̱rti vaanu.

Titus 3:5

tu̱ Magham ɗana rem. Yang shi nang ku̱me dambi ɓaarem ɓa, shi ku̱me ɗaanar ɓaran tu̱ ɗana rem nu̱ ku̱nshe wurti nu̱ Jiimbi shakhshakhndi nu̱ saki tu̱ khaarem mewa chem kha ndu̱ mewar nyifiri.

Yaqub 1:27

Ghaari ghai nu̱ke wakaran nu̱ zhire she Magham Zhinki, chin ke, ku̱ nduk nggu̱t ku̱du̱wku ndu̱ maryirku mbu̱ bonye nu̱ke a zaran ku, kom ku̱ nduk waka varan ɓar mbe pooni khar viti malkandi nu̱ larji nang.

Yaqub 4:4

Tun nu̱ song shir zhire! Alapa nun zu̱n nu̱ ɗyine bar raptikir ndu̱ larji ɗya kare ndu̱ Magham ɓa goma? Ku̱me aaki ndolaki larji, a gaɓkya ndu̱ ɗyinan ma nu̱ kare ndu̱ Magham.

1 Biturus 1:14

Ye leendang nu̱ke tun wa kha ma qusonggi mbarkandi, ku̱ njig nu ɗyi nun ka kashaki shiran ɗau fara tu̱ da khangkal ɓaanu ɓar ɓa. Sarchi nun ka shiki ɗyiku nang ɗau fara ai tun a shiranang ku̱me song zu̱ni.

1 Biturus 1:18

Jiwa tun wa zu̱n nu̱ ɗyine wa dli ɗyinonu mbe me ghaiku bamndi nu̱ zhikannu njigki ye nu. Nu̱ dli ɗyinonu ndu̱ ɗyiku nu̱ka su̱bu̱rki wa ghuri ndu̱ ginarwe ɓa.

1 Biturus 2:3

nu̱ke leendang tun wa woɗa dar mu̱ndi ɓu̱ Zhinkir gwaanji.

1 Biturus 4:2

Ku̱me nang khar ɓaran mbu̱ man va, ɗyi nu̱ke ka shiki zalale ndu̱ chin, ɗya shimndi ɓu̱ Magham, ɓu̱ mbu shimndi ɓu̱ manva ɓa.

2 Bitu̱rus 1:4

Nu̱ Ku̱nshe ɗyiku nang wa vu̱r alqawarku ɓaran gwaanji ku nu̱ zhaaji, ma ku̱ gwa nu me Maghamndi ɓaran nu̱ ku̱nshe ɗyiku nang, tun lawa mbe mu̱narku nu̱ke a larji nu̱ke shimndi ɗyiku malkandi ka ɓa ki si.

2 Bitu̱rus 2:20

Mbu̱ nduk wa zu̱n nu̱ ɗyine Zhinerem gwaanji Yesu Masiya ke nu̱ ɗana rem, tu̱ lawa mbe ɗye shir malkandi nu̱ larji nu̱ka saki tu̱ nduk gal gha. Tu̱ yang gaɓ nu̱ mbu̱ pooni ɗye shir malkandi ku nang qu̱rsan, tu̱ ɗyen duk du̱mbu̱r ɓaran, khar viti ɓu̱ njif nang ka duk nu̱ gumapaali maatli maɗyi.

1 Yokhana 3:13

Tun nyeezaku, ku̱ shi nu lazham ɓa mbu̱ nduki nu̱ larji wa zhangndo nu.

1 Yokhana 5:19

Chem wa zu̱n nu̱ ɗyine chem qusonggi ɓu̱ Magham, yang larji kap a mbu̱ khar Sheɗan.

Ɗyin mbu̱ tukari 12:9

Tu̱ ɗa chiura mbukti ndu̱ Su̱ti gwaanjang nu̱ yaghai, chin ke, geema su̱ti nu̱ zhu, nu̱ ka qaki nda za Nu̱ mu̱na, ko Sheɗan, chin lambaki larji kap. Tu̱ ɗa chiura nda nu̱ yaghai mbu̱ larji su̱yen ndu̱ nu̱ ru̱ktiku ɓaran.

Ɗyin mbu̱ tukari 13:8

Nduki nu̱ke kharan mbu̱ larji kap ka ghar ghai ye dlu gaari nang, nang ke kap nduki nu̱ke nu̱ bu̱la dlu̱m wor nu̱ mbu̱ Lagarkati Nyifiri ɓu̱ Ye gamndi nu̱ dlaki nu̱ ghang ma ji sarchi du̱ngndi larjyang ɓa.