Romeku 12:18 - Mewar Alqawarang

¹⁸ Shi ma ɗyi nu̱ke tun ka ɗu̱maki kap, mbu̱ ka shi, tun kha mu̱n ndu̱ aaki.

Romeku 12:18 ပူးပေါင်းရင်းမြစ်များ

Matta 5:24

to du̱ng vu̱rti ɓaarang gha gume du̱ku̱lang dong. To ɗu̱ to ɗa tlaɗ ndu̱ mu̱dlwang dong, kom to ɗa ɓa to shi vu̱rti ɓaarang.

Matta 5:5

Barkya ve nu̱ katar ɗyin ku, ku̱me wor ka ɓa gwaki ɗye mbu̱ ge larji nu̱ ɗyin mban ku.

Matta 5:9

Barkya ve nu̱ somtarku, ku̱me ka qa wor qusonggi ɓu̱ Magham.

Markus 9:50

“Dleeru ɗya ɗyi mbarkandi, yang mbu̱ dleeru wa mbu̱ɗ mu̱ndi ɓaran, nduk ka gaɓ ndu̱ nyeeri ɓaran kikimnda? Kha ma nu̱ dleeri mbe nu̱, tun kha mu̱n ndu̱ yen.”

Romeku 1:15

Nang ke ɗyi nu̱ saki tang wopa Labar Mbarkandang ye nu, tun nduki nu̱ Roma.

Romeku 14:17

Jiwa kwaaɗar ɓu̱ Magham ɗya ɓalar zu̱mndi ndu̱ zar ɓa, ɗya ɓalar dambi, ndu̱ qaandi memu̱na, ndu̱ ɓong memu̱na mbe Jiimbi shakhshakhndi.

Romeku 14:19

Ku̱me nang ku̱ shi mi ɗyi nu̱ke chem ka ɗu̱maki shiran ma a ɓa mi ndu̱ khar mu̱nkandi ndu̱ par du̱mbu̱r ye yen.

1 Korintiyeku 7:15

Yang mbu̱ njif nu̱ke ɗya nu̱ mbu Yesu ɓa ndang a shim shakh nji ndu̱ nu̱ mbu Yeswang, ku̱ shakh ku. Mbu̱ ɗyen wa ku̱s wanang, zop ve khuskyang ndu̱ nokhzi nu̱ke ɗya nu̱ mbu Yeswang ɓa. Magham wa qarem ma ku̱ shi mi khar mu̱ndi ndu̱ yen.

2 Korintiyeku 13:11

Ye lauɗar san, nyeezaku, kope fu̱ɗa ngguri. Shi ma tun kha nyeedlan, tu̱k ma khuti ɓanga, kha ma ma tun da tun shi khar mu̱nkandi ndu̱ yen. Nang ka saki tu̱ Maghamndi nu̱ ndola kha gha su̱yen ndu̱ tunu.

Galatiyeku 5:22

Yang ɗye shir mbarkandi ku ɓu̱ Jiimba chin ke, ndola, ndu̱ kasha, ndu̱ qaandi memu̱na, ndu̱ kanaɗyi, ndu̱ mbarkiri, ndu̱ shir ɗyi toropndi, ndu̱ shir zhire,

Afiseku 4:3

Shi ma ɗyi nu̱ke tun ka ɗu̱maki kap ma ku̱ ɗang nu khar da nu̱ Jiimba vu̱rki ye nu, nu̱ ku̱nshe qaandi memu̱nar nu̱ gu̱nki nu nu̱ ye maa da.

1 Tasalonikeku 5:13

Tun khuɓ wor ndu̱ zhaaji maɗyi ndu̱ ndolar tu̱k ku̱me tlu̱nar nu̱ke a shiran kwang. Tun shi khar mu̱nkandi ndu̱ yen.

2 Timoti 2:22

Ɗo shimndi ɗyiku malkandi ku bam bamndi nu̱ me woi, to sa ɗyinoro ma laɓ dambi ndu̱ maito ndu̱ ndola, ndu̱ qaandi memu̱na, su̱yen ndu̱ nduki nu̱ke a qa Zhinkir gwaanji ndu̱ memu̱nar shakhshakhndi.

Yibraniyeku 12:14

Shi ma ɗyi nu̱ke tun ka ɗu̱maki ma ku̱ kha nu mu̱n ndu̱ aaki, tun kha shakhshakh, ku̱me nduk a nje nu̱ke ka naki Magham waare khar shakhshakhndi ɓa.

1 Biturus 3:11

Ku̱ shakh ɗyinan ndu̱ mu̱na, tu̱ shi mbarkiri, tu̱ laɓ qaandi memu̱na tu̱ wuta gwaran.