Romeku 12:16 - Mewar Alqawarang

¹⁶ Tun kha mu̱n ndu̱ aaki. Ku̱ kha nu ma nu̱ gwaari ɗyin ɓa, yang tun shi khar ɓaanu ndu̱ nduki nu̱ke gaɓtan gana. Khu̱tl nu ɗyinonu nu̱ gha ɓa.

Romeku 12:16 ပူးပေါင်းရင်းမြစ်များ

Matta 11:5

Pugumku a na maari, zu̱ɓtiku a yiri, nu̱ khaati gwaanji kwa khar shakhshakh, tuurangku a tu̱k ɓalari, mu̱tikwang nakhari, nu̱ nungndiku a tu̱k labar mu̱nkandang.

Matta 26:11

Nu̱ nungndiku a nje su̱yen ndu̱ tunu aakochi, yang ngaa nje su̱yen ndu̱ tun aakochi ɓa.

Luka 14:13

Yang mbu̱ ta ma qa tabar zu̱mndi, to qa nu̱ nungndiku, ndu̱ zu̱ɓtiku ndu̱ nu̱ zurɗarku ndu̱ pugumku.

Luka 6:20

Kom tu̱ Yesu dambu̱r nu̱ she nu̱ mburi nda kwa za, “Barkya ve nu tun nun ka naki katar ɓaanu mbe shir shimndi ɓu̱ Magham ku̱me kwaaɗar ɓu̱ Magham ɗya ɓaanu.

Tlu̱nar ɓu̱ Pudeku 4:32

Kwaari ɓu̱ nu̱ mbu Yesu ku kap, ndu̱ memu̱na wor wa kha da, nduk a nje nu̱ daki ɗyin khaa nda ma ɓaran chin ɗyenda ɓa. A shakh ɗyin me khar wor ndu̱ yen.

Romeku 11:20

Ɗyen wanang shwat! Yang ku̱rta wor ɓar ve man qu̱farang ku̱me song maito ɓaanda, to yang maito ɓa ka saki to zu̱m guma ndu̱ khar ve man qu̱farang. Ku̱me nang shi na me nggu̱nggal ɓa, to ka tu̱k kya sawa.

Romeku 11:25

Nyeezaku, nga shim wut nga ɗyi tukakandi nggur ye nu ku̱ zu̱n nu, ma ku̱ kha nu ma nu̱ gwaari ɗyin ɓa. Kaaku̱ɗakh memu̱nar ɓu̱ ɓeeni nduki nu̱ Israila nang ɗya ba me sarchi koɗomma, a bu kya sarchi nu̱ke khang ɓu̱ nduki nu̱ke ɗya Yakhudeku ɓa nu̱ke a ɓar she Magham ku̱ nyedli.

Romeku 12:3

Ku̱me mu̱nkir nu̱ shiki ya, nga zu̱ran ye aaki chele ɓaanu: Ku̱ aaki da ɗyinan tu̱ peeta maa nu̱ke a si ɓa. Me ɓu̱ nang ku̱ aaki kuma ɗyinan viɗ ɗyine vu̱rti zhire nu̱ Magham vu̱rki yenda.

Romeku 15:5

Bu ku̱ Magham nu̱ka vu̱rki sar memu̱na mbe kaɗanyi ndu̱ par du̱mbu̱r sa tun dlu̱ yen sarchi nu̱ke tun a da ɗyin saari Masiya Yesu.

Romeku 6:2

Fu̱n ɗo! Nu̱ shipa sar da ɓa! Chem nyem mu̱tki mbe sola, yang ka shi kikimndi chem zu̱m guma ndu̱ khar mbu̱ solarang na?

1 Korintiyeku 1:10

Nga khutonu, nyeezaku, ku̱me Zhinerem gwaanji Yesu Masiya, tu̱ ɓalar ɓaanu kha da. Ku̱ ɗyinonu kha shakhtan ɓa, tun gonta ɗyinonu ye maa da, tu̱ ɗyi nun ku̱rki ndu̱ kwaari ɓaanu kha da.

1 Korintiyeku 3:18

Ku̱ aaki lamba ɗyinan ɓa. Mbu̱ nduk wa taman za chin ghu̱rtan leendang, ku̱ gaɓ ndu̱ ɗyinan wa nggu̱bu̱ng ma ku̱ kha ghu̱rtan.

1 Korintiyeku 4:10

Chem wa kha ma nggu̱bu̱ngku ku̱me Masiya, yang ɓaanu tun ghu̱rtan mbe Masiya! Chem khukhutan, yang ɓaanu tun shokhku̱rokh! Nduki a na zhaaji ɓaanu, yang ɓaarem a vu̱rkya bonye yerem!

1 Korintiyeku 6:5

Nga zu̱ nang ma ku̱ tu̱k nu kawa, yang alapa aa da nu̱ kaɗari nje chele ɓaanu nu̱ke ka ɗu̱maki somta nu mbu̱ ɗyi nggur wa vi nu̱ chele ɓu̱ nu̱ mbu Yesu ndu̱ mu̱dlen ɓa?

1 Korintiyeku 8:2

Kap njif nu̱ tamanki za chin wa zu̱n aa nu̱m, nu̱ zu̱n ɗyi nu̱ shipaki ku̱ zu̱n nji dong ɓa.

2 Korintiyeku 13:11

Ye lauɗar san, nyeezaku, kope fu̱ɗa ngguri. Shi ma tun kha nyeedlan, tu̱k ma khuti ɓanga, kha ma ma tun da tun shi khar mu̱nkandi ndu̱ yen. Nang ka saki tu̱ Maghamndi nu̱ ndola kha gha su̱yen ndu̱ tunu.

Filipiyeku 1:27

Aa shi kikimndan shi ma khar nu̱ shipaki Labar mbarkandi ɓu̱ Masiya. Aa nga ɓa ma na nu, aa na nga ɓa ɓa, gwa nga labaran za tun chingndan shanggu̱ɗang, kwaari ɓaanu da mbu̱ Jiimbi da, tun a wute su̱yen ma gwa pooni maito nu̱ke a mbu̱ Labar Mbarkandang.

Filipiyeku 3:16

Ɗyi gwaanji chin ke, ye maa nyem khu̱lki kap, ku̱ zu̱m mi guma si.

Filipiyeku 4:2

Nga khutoro Afodiya, nga khutoro Su̱ntiki, tun shi khar mu̱nkandi ndu̱ yen mbe Zhinkir gwaanji.

Yibraniyeku 13:5

Shakh ma ɗyinonu ndu̱ ndolar mu̱zhin, tun gu̱n memu̱nanu ndu̱ ɗyi nu̱ke a kha nu. Wonji Magham wa zu̱ za, “Sar da ngam ɓu̱ njigto nu ɓa, alambu̱ram, ngam ɓu̱ yaɓti nu gha ɓa.”

1 Biturus 3:8

Ye lauɗar san, gonta ma ɗyinonu ye maa da tu̱ kwaari ɓaanu kha da. Tun a na zhiyaye ɓu̱ yen, tun a ndola yen wa khachinkirku, tun a shaata yen gwaari ɗyin su̱ ɓa.

1 Biturus 5:3

Ku̱ kha nu ma nduki nu̱ke a shim wut zalale ɗyine nduki nu̱ke Magham vu̱rki ye nu ɓa, tun kha ma nduki nu̱ke shapirang ka shimki shoga tun khanu.

3 Yokhana 1:9

Nga bu̱la lagarkati ye tabar ɓu̱ nu̱ mbu Yesu ku yang Diyotu̱rifis wa zhang ɓalar ɓaarem gha, ku̱me a shim ku̱ kha nji ma gorki nje.