Romeku 11:7 - Mewar Alqawarang

⁷ Yang kim ɗo? Israila wa ku̱na gwa ɗyi nu̱ke a laɓtan ku maɗyang, yang nduki koɗomma nu̱ datki chele ɓaanda gwaki ku. Tu̱ ɓeena ndukyang kha ma nu̱ kaaku̱ɗakh ɗyin ku.

Romeku 11:7 ပူးပေါင်းရင်းမြစ်များ

Markus 6:52

Yang nu̱ da mbu̱ ɗyi nu̱ke a mbu̱ zu̱mndi nu̱ nduki du̱pu qurmun nu̱ shikya ɓa ku̱me kaaku̱ɗakh memu̱nar ɓaanda.

Luka 13:24

“Shi ma komkomi tun vi me vi ɓorɓorndang, ku̱me nga zu̱ran ye nu, nduki khang ka shim viri yang ɓu̱ ɗu̱ma ɓa.

Yokhana 12:40

“Wa gaɓ ndu̱ wor ma pugumku, tu̱ sa memu̱na wor tu̱ shi kaaku̱ɗakh. Ma ku̱ na ndu̱ yiti wor ɓa, ku̱ da mban ndu̱ memu̱na wor, ma ku̱ ɗa gaɓ ku nu̱ sha tang shaana wor nu̱gha ɓa.”

Romeku 10:3

Nu̱ke nu̱ zu̱n njiv dambi nu̱ ɗa viki she Magham ku ɓa, tu̱ yang sa njiv gwar khar waare solar ɓaanda zum, tu̱ nang sa wor tu̱ zhang njiv dambi ɓu̱ Magham gha.

Romeku 11:25

Nyeezaku, nga shim wut nga ɗyi tukakandi nggur ye nu ku̱ zu̱n nu, ma ku̱ kha nu ma nu̱ gwaari ɗyin ɓa. Kaaku̱ɗakh memu̱nar ɓu̱ ɓeeni nduki nu̱ Israila nang ɗya ba me sarchi koɗomma, a bu kya sarchi nu̱ke khang ɓu̱ nduki nu̱ke ɗya Yakhudeku ɓa nu̱ke a ɓar she Magham ku̱ nyedli.

Romeku 11:5

Ɗyen ba wanang tu̱k leendang. Rong ma kaani ɓeena nduki a nje nu̱ Magham datki wor nu̱ ku̱nshe mu̱nkir ɓaran.

Romeku 3:9

Yang chem ka lauɗa su̱ ɓalar nang za kim ɗo? Chem Yakhudeku chem wa duk ɓeeni nduki mu? Auwo! Ɗyen wanang shwat ɓa! Chem wa woɗa wutan nu̱ ɗyine Yakhudeku ndu̱ nduki nu̱ke ɗya Yakhudeku ɓa ɗya nu̱ sola ku kap, yang a mbu̱ bu̱n sola ku kap.

Romeku 6:15

Yang nang mban za kim ɗo? Chem ka zu̱m guma ndu̱ solari ku̱me chem a mbu̱ bu̱n Bibitang ɓa, chem a mbu̱ bu̱n mu̱nkir ɓu̱ Magham mu? Auwo! Chem ɓu̱ shi wanang sar da ɓa!

Romeku 9:18

Ku̱me nang Magham wa ka ɗaana njif nu̱ shimki ɗaanaran, tu̱ sa kaaku̱ɗakh memu̱nar ye njif nu̱ shimki ku̱ memu̱naran kha kaaku̱ɗakh.

Romeku 9:23

Shi wanang ma wut nji yele ɓu̱ zhaaji ɓaran ye ɗyiku nyin shimki ɗaana nji wora. Daasa ɗyiku nyin ɗaanaki nang nu̱ ɗawi ma ku̱ gwa zhaaji ɓaran.

1 Korintiyeku 10:19

Nu̱m ke mbu̱ ɓalar nu̱ke nga shiran nangang na? Ɗyi nu dlaki ye mu̱lu̱mku ke ɗyi nggur mu? Yang mu̱lu̱mang ke ɗyi ngguri?

2 Korintiyeku 3:14

Yang memu̱na wor kaaku̱ɗakh, ku̱me ma ɓar ye meeni ɗyi nggur a nje nu̱ka nggu̱tlki wor nar zhire nu̱ke a nje mbu̱ bu̱lar geema alqawarang sarchi nu̱ke a nggu̱tan ku. Nang wa wut nu̱ ɗyine ma ɓar ye meeni nu̱ ghar ɗyi nu̱ lu̱paki mbu̱ yitanang ɓar ɓa, ku̱me Masiya ɗyenda ka gharki lu̱parang ɓara.

2 Korintiyeku 4:4

Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

Afiseku 1:4

Wa daaterem nu̱ ku̱nshe khar ɓaarem da ndu̱ Masiya me ku̱ du̱ng larji, ma ku̱ kha mi shakhshakh, waare sola gume nda ku̱me ndolar ɓaran.

Afiseku 4:18

Memu̱na wor zhum maɗyi mbu̱ zu̱ndi ɓaanda. Wa mbu̱ɗ nyifi nu̱ke Magham ka vu̱rki, ku̱me song zu̱ndi ndu̱ kaaku̱ɗakh ɗyin ɓaanda.

Filipiyeku 1:18

Yang ba, aa shi kikimndi, ndu̱ nduki nu̱ke a shiran ndu̱ kwaari ɗyi nggur zum ndu̱ nduki nu̱ke a shiran ndu̱ memu̱na wor da, a wopakya Masiya ku. Nang ke ɗyi nu̱ saki tang kasha ɗyen. I ɗo, ngga zu̱m guma ndu̱ kashar nang,

Yibraniyeku 12:17

Yang tun wa zu̱n nu̱ ɗyine qu̱rse nang wa shim ku̱ gwa nji barkyang, tu̱ yang zhang gha yenda. Nu̱ gwa zalale ku̱ nggoɗ nji nu̱ gha ɓa, aa nu̱ke wa laɓ barke nang ndu̱ ɗyim ghoori.

1 Biturus 1:2

Tun ke nduki nu̱ Magham Zhinki datki nu wa nu̱ daasaki, tu̱ gaɓ ndu̱ tun konggol nu̱ ku̱nshe wakar nu̱ Jiimbi shakhshakhndi shiki ye nu. Ɗya shimndi ɓaran ku̱ mbu nu zu̱r ɓu̱ Yesu Masiya, tun gwa boote ni nu̱ Ku̱nshe baatli tom ɓaran. Bu ku̱ Magham boosa nu ndu̱ mu̱nkir ndu̱ qaandi memu̱nari.