Romeku 11:25 - Mewar Alqawarang

²⁵ Nyeezaku, nga shim wut nga ɗyi tukakandi nggur ye nu ku̱ zu̱n nu, ma ku̱ kha nu ma nu̱ gwaari ɗyin ɓa. Kaaku̱ɗakh memu̱nar ɓu̱ ɓeeni nduki nu̱ Israila nang ɗya ba me sarchi koɗomma, a bu kya sarchi nu̱ke khang ɓu̱ nduki nu̱ke ɗya Yakhudeku ɓa nu̱ke a ɓar she Magham ku̱ nyedli.

Romeku 11:25 ပူးပေါင်းရင်းမြစ်များ

Matta 13:11

Tu̱ Yesu tlogha ye wor za, “Wa vu̱r ye nu ku̱ zu̱n nu ɗyi tukakandi nu̱ke a mbu̱ kwaaɗar ɓu̱ Magham, yang ɓaanda nu̱ vu̱r na ye wor ɓa.

Luka 21:24

Ka tlagha ɓeena nduki mbu̱ dakhlarang, tu̱ ru̱k nu̱ ɓeena nduki nu̱ ku̱ski wor nu̱ mbu̱ ghaiku zum zum ma khar maava. Nduki nu̱ke ɗya Yakhudeku ɓa ka vu̱r bonye ye ghai Urshalima kope sarchi ɓaanda wa nyedli.

Yokhana 10:16

Ɓeeni ndu̱ɓangkwang nje nu̱ke a mbu̱ shapir nang ɓa. Wa ku̱s a ɓa nga ndu̱ wora. Ka tu̱k su̱qura ku, ka kha ma shapir da, ndu̱ nu̱ khutlori da tu̱k.

Romeku 1:13

Nyeezaku, nga shim zu̱n nu nu̱ ɗyine ngaa shim ɓar she nu sar khang, yang ma ɓar meeni wa nggu̱tli nga shir wanang. Ɗyi nu̱ saki tang shim ɓarang chin ke, ku̱ gwa nga tang wopa Labar Mbarkandang chele ɓaanu tu̱ nduki maita, ba wa nang shiki chele nduki nu̱ke ɗya Yakhudeku ɓa.

Romeku 11:12

Yang mbu̱ solar nu̱ shiki kwang a ɓa ndu̱ barke maɗyikandi ye larji, tu̱ tu̱ɓti ɓaanda a ɓa ndu̱ barke ye nduki nu̱ke ɗya Yakhudeku ɓa. Mbu̱ wa gaɓ nu̱ she Magham ku guma da, khang ɓu̱ barke ni ka kha kikimndana!

Romeku 11:24

Tun nduki nu̱ke tun Yakhudeku ɓa, tun a khar ɓu̱ qu̱far Zaitun nu̱ gar nu̱ ɗa ku̱rtaki, tu̱ gu̱n ɓu̱rti yenda ndu̱ qu̱far Zaitun mbarkandi, aa nu̱ke nduk nu̱ka shi wanang ɓa ku̱me wa ngga yen ku. Yang nu̱ke Yakhudeku kya khar wa me bu̱n qu̱far Zaitun mbarkandang, ka kha ndolndol ku̱ Magham gaɓ ndu̱ me bu̱n qu̱far mbarkandang ye maa ɓaanda.

Romeku 12:16

Tun kha mu̱n ndu̱ aaki. Ku̱ kha nu ma nu̱ gwaari ɗyin ɓa, yang tun shi khar ɓaanu ndu̱ nduki nu̱ke gaɓtan gana. Khu̱tl nu ɗyinonu nu̱ gha ɓa.

Romeku 16:25

Bu ku̱ zhaaji kha Magham nu̱ zalale par nu nu̱ mbe maito ba wa nu̱ Labar mbarkandi nu̱ke nga waazu ni ɗyine Yesu Masiya nang zu̱ki. Yang Labar mbarkandi nang ɗya ɗyi tukakandi zhu tang,

Romeku 9:18

Ku̱me nang Magham wa ka ɗaana njif nu̱ shimki ɗaanaran, tu̱ sa kaaku̱ɗakh memu̱nar ye njif nu̱ shimki ku̱ memu̱naran kha kaaku̱ɗakh.

1 Korintiyeku 10:1

Nyeezaku, nga shim kor nu ɗyine zhikaneremku wa shi yir ku su̱ ku̱zapti, tu̱ dla gaawu gwaanji vyangndang nu̱ dam.

1 Korintiyeku 12:1

Yang leendang, nyeezaku, ɗyine ɓalar vu̱rtiku ɓu̱ Jiimbi shakhshakhndi, nang shim ku̱ kha nu mbu̱ zhum ɓa.

1 Korintiyeku 2:7

Nga zu̱kya kaɗari ɓu̱ Magham tukakandi, ɗyen tukaran zhu ɗau, nang ke kaɗari ɓu̱ Magham nu̱ daasaki ma vu̱r zhaaji yerem me ku̱ du̱ng larji.

1 Korintiyeku 4:1

Wa shipa ku̱ kwaari ɓaanu khan ɗyine chem ɗya nu̱ tlu̱narku ɓu̱ Masiya, yang Magham wa vu̱r du̱ngdi ɗyiku tukakandi ɓaran yerem.

Afiseku 1:9

Tu̱ Magham sa chem zu̱n shimndi ɓaran tukakandi ɗyine ɗyi nyin ku̱rki, tu̱ yang nyel nda nu̱ ku̱nshe Masiya.

Afiseku 3:9

Magham, nu̱ du̱ngki aa nu̱m, wa shim ku̱ shaata nga aaki tu̱ zu̱n ɗyi tukakandi nyin daasaki nu̱ shoɓki a nje tukaran mbu̱ memu̱naran.

Afiseku 4:18

Memu̱na wor zhum maɗyi mbu̱ zu̱ndi ɓaanda. Wa mbu̱ɗ nyifi nu̱ke Magham ka vu̱rki, ku̱me song zu̱ndi ndu̱ kaaku̱ɗakh ɗyin ɓaanda.

2 Bitu̱rus 3:8

Yang tun raptaku nu̱ke nga ndolaran, tun da nu̱ke nang shim ku̱ mona nu ɓa, chin ke qaandi da she Zhinkir gwaanji a khar wa sonyi du̱pu, yang sonyi du̱pu a khar wa qaandi da.

Ɗyin mbu̱ tukari 1:20

“Wonji ɗyi tukakandi nu̱ mbu̱ anjinjeku mutndi no naki mbu̱ khara nu̱ zu̱mang, kom ndu̱ mbu tokhol ɓai ku nu̱ ginarwe wor mutndang. Wor anjinje mutndi nang, ɗya nu̱ ru̱ktiku ɓu̱ tabarku ɓu̱ nu̱ mbu Yesu ku mutndang, yang tu̱k tokhol ɓai ku nu̱ ginarwe wor mutndi nang, ɗya tabar ɓu̱ nu̱ mbu Yesu ku wor mutndang.”

Ɗyin mbu̱ tukari 10:7

Yang mbu̱ qaandi virkirku nu̱ke nu̱ ru̱kti ɓu̱ Magham nu̱ mutndang shiki bing pi domndi ɓaran ɗyi tukakandi ɓu̱ Magham ka nyedli ba wa nu̱ wopaki ye maaviku ɓaran annabiku.”

Ɗyin mbu̱ tukari 11:15

Tu̱ nu̱ ru̱kti ɓu̱ Magham nu̱ mut pi domndi ɓaran. Tang tu̱k su̱qur ɓalarku khang du̱mbu̱rkandi mbu̱ viɗi a zu̱ran ku za: “Kwaaɗar ɓu̱ larjyang wa kha ma kwaaɗar ɓu̱ Zhinerem gwaanji ndu̱ ɓu̱ Masiye ɓaran, yang ka shi kwaaɗar aakochi koɗokhsi ɓa!”

Ɗyin mbu̱ tukari 7:9

Qu̱rse nang, nang nggu̱tki tang na tabar ɓu̱ nduki khang ku̱na shiga. A vi mbu̱ aa nyi pooni dlar maa ku, ndu̱ pooni nduki, ndu̱ nduki, ndu̱ me ghaiku, chingndan gha ku gume zhakhɗyang kom ndu̱ gume Ye gamndang. Wa sa luktiku ɓongndi, khubtan nu̱ me bu̱n qu̱far jipu̱no mbu̱ khar wora.