Romeku 11:20 - Mewar Alqawarang

²⁰ Ɗyen wanang shwat! Yang ku̱rta wor ɓar ve man qu̱farang ku̱me song maito ɓaanda, to yang maito ɓa ka saki to zu̱m guma ndu̱ khar ve man qu̱farang. Ku̱me nang shi na me nggu̱nggal ɓa, to ka tu̱k kya sawa.

Romeku 11:20 ပူးပေါင်းရင်းမြစ်များ

Luka 18:14

“Nga zu̱ran ye nu, njif nang, gaɓki nu̱ kaari nu̱ gwar yaapar she Magham, yang Parise nang nu̱ gwa aa nu̱m ɓa. Aaki daki ɗyinan ma ɗyi ngguri ka gaɓ ndu̱ chin ma aa nu̱m ɓa, yang njif nu̱ kataki ɗyinan nu̱ gha, ka vu̱r gorkir yenda.”

Tlu̱nar ɓu̱ Pudeku 18:6

Tu̱ yang keela ku tu̱ ku̱s pu̱zi nda. Ku̱me nang tu̱ mba lukti ɓaran nu̱gha tu̱ ze wor za, “Ku̱ tom ɓaanu khan ɗyine nu! Zop ɗyina ku̱men ɓa, ji meeni ngga ɗu̱ kya she nduki nu̱ke ɗya Yakhudeku ɓa.”

Romeku 11:18

Ku̱me nang shi nu wakhti ye me bu̱n qu̱farku nu̱ ku̱rtaki nu̱gha ku nang ɓa. Mbu̱ tun wa shi wakhti, tun kor nang; tun kya ku̱s dlu̱dlarsi qu̱farang ɓa dlu̱dlarsi qu̱farang kya ku̱si nu.

Romeku 11:21

Mbu̱ Magham nu̱ njig me bu̱n qu̱farku nu̱ke wor ke me bu̱n qu̱far nu̱ gumapaali ve man qu̱farang ɓa, ɓu̱ njig to zum ɓa.

Romeku 12:16

Tun kha mu̱n ndu̱ aaki. Ku̱ kha nu ma nu̱ gwaari ɗyin ɓa, yang tun shi khar ɓaanu ndu̱ nduki nu̱ke gaɓtan gana. Khu̱tl nu ɗyinonu nu̱ gha ɓa.

Romeku 12:3

Ku̱me mu̱nkir nu̱ shiki ya, nga zu̱ran ye aaki chele ɓaanu: Ku̱ aaki da ɗyinan tu̱ peeta maa nu̱ke a si ɓa. Me ɓu̱ nang ku̱ aaki kuma ɗyinan viɗ ɗyine vu̱rti zhire nu̱ Magham vu̱rki yenda.

Romeku 3:3

Yang nu̱ke ɓeeni Yakhudeku nu̱ maita ɓa ɗa? Song maitaranang ka nggu̱tl khar ɓu̱ Magham ma nu̱ shir zhire mu?

1 Korintiyeku 10:12

Ku̱me nang mbu̱ to chingndan shaanggu̱ɗang ye nar ɓaaro, ching gha va buran ma ku̱ nggu̱ɗ na ɓa.

1 Korintiyeku 15:1

Yang leendang, nyeezaku, nga shim ku̱ kor nga Labar mbarkandi nang zu̱ki ye nwang ye nu, chin labar nun dlu̱ki, tun ching nu̱ ɗyinanang.

1 Korintiyeku 16:13

Kha ma daasaran, tun ching gha shaanggu̱ɗang mbu̱ maito ɓaanu, tun kha wang, ndu̱ du̱mbu̱r tu̱k.

2 Korintiyeku 1:24

Chem a shimkya wut zalale ɗyine maito ɓaanu ɓa, chem a shikya tlu̱nar su̱yen, ma ku̱ kasha nu, ku̱me tun chingndan ndu̱ du̱mbu̱r mbu̱ maito ɓaanu.

2 Korintiyeku 10:5

Chem wa ka ra aa nyi keele, chem gu̱ɗa aa nyi ɓalar nu̱ ka nggu̱tlki zu̱ndi Magham nu̱gha si, chem sa nduki tu̱ shi kwaari mbu̱ ghaari ghai ndu̱ mbu zu̱r ɓu̱ Masiya nu̱ke a shiran ku.

Filipiyeku 2:12

Ku̱me nang, raptaku, nga khutonu ba wa nun ka tu̱kki ɓalar ɓang aakochi aa nga nje su̱yen ndu̱ tun ɓa, yang leendang shaata man si nu̱ke nga nje su̱yen ndu̱ tun tu̱k ɓa. Zu̱m ma guma tun ki tlu̱nar nu̱ gwar ɗanar ɓaanu ndu̱ sawari ndu̱ dlu̱rti vari.

Kolosiyeku 2:7

Shi ma dlu̱dlarsi mbe nda tun ku̱s tun du̱ng khar viti ɓaanu nu̱ ɗyine nda, tun shi du̱mbu̱r nu̱ si mbu̱ maito ɓaanu, ba wa nyem shogaki ye nu, tun a kuna nda aa nyi sarchi.

2 Tasalonikeku 2:4

Chin ka ɓa shiki kare, tu̱ ɓa shi gwaari ɗyin tu̱ ɓa da ɗyinan guma ndu̱ ɗyi nu̱ke dlu̱m Magham a nje mban kap, ndu̱ ɗyi nu̱ka gharki ghai yenda. Ka ɓaa khan mbu̱ rafti ɓu̱ Magham, tu̱ ɓa zu̱ za chin ke Magham nggwa.

1 Timoti 6:17

Zu̱ ma ye nu̱ gu̱narku nu̱ mbu̱ larji nang ku̱ kha ndu̱ gwaari ɗyin ku ɓa yang ku̱ sa memu̱na wor nu̱ ɗyin gu̱nar ɓaanda nu̱ke nu̱ka shoɓ ɓa nda ɓa. Ku̱ sakya memu̱na wor ye Magham nu̱ka vu̱rki aa nu̱m yerem kharan nggaran ma ku̱ tu̱k mi mu̱ndi.

Yibraniyeku 3:12

Nyeezaku, shi ma ɗyi nu̱ke tun ka ɗu̱maki ma ku̱ njif nggur chele ɓaanu nu̱ke solar ndu̱ song maito nu̱ke a mbu̱ memu̱naran ka saki nda tu̱ njig Magham nu̱ nyifi ɓa.

Yibraniyeku 3:19

Ku̱me nang chem wa na nu̱ ɗyine song maito saki nu̱ ɗu̱ma viri nu̱ mbu̱ maasi nang ku ɓa.

Yibraniyeku 4:11

Ku̱me nang, shi mi ɗyi nu̱ke chem ka shiki kap ma vi mi nu̱ mbu̱ maasi nang. Ku̱ aaki ku̱na viri nu̱ mban wa nu̱ ku̱naki ku ku̱me zhangndi tu̱kti maa ɓa.

Yibraniyeku 4:6

Yang zalale a nje leendang ye nduki ma ku̱ gwa maasang ku. Nduki nu̱ tu̱kki Labar mbarkandi nu̱ ɓalar maasi nang zhu nu̱ gwa maasi kwa ɓa, ku̱me nu̱ maita ɓalarang ku ɓa.

Yaqub 2:19

Ta maita no za Magham kaada. Nang mbari! Yang aa khu̱kheetiku wa maita nang, ndu̱ dlu̱rti vari.

Yaqub 4:6

Yang Magham a nje a shaata mu̱nkir khangndi yerem, nang ke ɗyi nu̱ saki tu̱ bu̱lar Ɓalar ɓu̱ Magham zu̱ za, “Magham wa zhang nu̱ gwaari ɗyin, yang wa ka shi mu̱nkir ye nu̱ ɓu̱tokh memu̱na.”

1 Biturus 1:17

Ma nu̱ke tun wa ka qa Magham “Zhinki” sarchi nu̱ke tun a barari. Ku̱me nang tun shi khar ɓaanu ndu̱ sawa ma ɓar ye sarchi nu̱ke tun ka woɗaki khar runggi nu̱ke tun a shiran mbu̱ larji nang. Ku̱me Magham ɗya nu̱ kuma yang ka kuma tlu̱nar ɓu̱ aa nyi nduku waare shimndi ɗyin.

1 Biturus 5:12

Nga bu̱la lagarkati koɗommandi nang ye nu ndu̱ shaatar ɓu̱ Sila, nu̱ke nga da nda ɗya khachinkir maitokandi yang nga na wa khu̱l ku̱ qa nga nda nu̱ shir zhire. Nga pa du̱mbu̱r ye nu, wut nga yenu nang ke mu̱nkir ɓu̱ Magham zhirekandi. Ku̱me nang ching man mbe mu̱nkir ɓu̱ Magham nang ndu̱ du̱mbu̱r.

1 Biturus 5:9

Ngga nu dalang yenda ɓa. Ching ma gha shaanggu̱ɗang mbe maito ɓaanu, nu̱ke tun wa zu̱n nu̱ ɗyine nyeezonu nu̱ mbu Yesu nu̱ke a aa fu̱n mbu̱ larji nang, a za bonye nang wa nu̱ke tun a zaran.

Ɗyin mbu̱ tukari 18:7

Vu̱r ma bonye yenda maɗyi ndu̱ chiti mbi, ku̱rku̱r ndu̱ zhaaji nu̱ tu̱kti mu̱ndi nu̱ vu̱rki ye varan, mbu̱ memu̱naran. A kham ɗyinan za, ‘Nga kuji nusukandi ɗyine zhakhɗye kwaaɗar ɓanga. Nga ku̱ɗuwan ɓa, yang sar da chiti mbu ɓu̱ gwa nga ɓa.’

Ɗyin mbu̱ tukari 3:17

Jiwa ta zu̱ no za, ‘Nga nu̱ gu̱na, nga shi yele, nang mbu̱ɗ aa nu̱m ɓa.’ Yang no zu̱n ɓa to bootaran, to ɗye zhiyaye, to nungndan, so nggaran, yang to puguman tu̱k.