Romeku 11:16 - Mewar Alqawarang

¹⁶ Mbu̱ buɗuki nu̱ njaki tu̱ ɓu̱r tolir nu̱ vu̱rki ye Magham ma vu̱rti nu̱ gumapaali mbu̱ ɗye ghutiku wa kha shakhshakh buɗukyang kap wa kha shakhshakh tu̱k. Ku̱me nang mbu dlu̱dlarsi qu̱fa wa kha shakhshakh, me bu̱nankwang tu̱k wa kha shakhshakh.

Romeku 11:16 ပူးပေါင်းရင်းမြစ်များ

Romeku 11:17

Mbu̱ke wa ku̱rta ɓeeni me bu̱n qu̱farku nu̱gha, yang tun nu̱ke ɗya qu̱far Zaitun nu̱ gar wa baatla nu tu̱ gu̱n ye man qu̱farang ma ɓu̱rti su̱yen ndu̱ ɓeeni me bu̱n qu̱farkwang. Tun a zu̱m kya boote ɓu̱ man qu̱farang nu̱ ku̱nshe dlu̱dlar sanang.

Romeku 8:23

Yang du̱ngdikwang ɗyenda kya tlu̱rtang ɓa, chem ndu̱ vaarem chem a shiran tu̱k. Chem nyem gwaki Jiimbi shakhshakhndi nu̱ke chin ke vu̱rti nu̱ gumapaali nu̱ vu̱rki yeremang, chem a tlu̱rti mbu̱ nyifi ɓaarem, chem a ku̱rsaran wa nu̱m gom. Ma ku̱ Magham gaɓ ndu̱ chem ma qusonggi ɓaran parakhndi, tu̱ dli ɗyin man vaarem nang.

1 Korintiyeku 7:14

Nga zu̱ wanangang, ku̱me zhimenkir nu̱ke nu̱ maita Yesu ɓa ndang wa kha shakhshakh, nu̱ ku̱nshe khar da ndu̱ nokhzan. Wanang tu̱k nokhzi nu̱ke nu̱ maita Yesu ɓa ndang wa kha shakhshakh, nu̱ ku̱nshe khar da ndu̱ zhimen. Mbu wanang ɓa tu̱ga qusonggi ɓaanu ka kha zopan, yang leendang wa kha shakhshakh ku.

Yaqub 1:18

Magham shimki ku̱ kha rem ku̱nshe ɓalar ɓaran zhirekandi ma ku̱ duk mi ɗyiku nyin du̱ngki ndu̱ zhaaji.

Ɗyin mbu̱ tukari 14:4

Nduki nang ke nduki nu̱ke nu̱ su̱bu̱r var wor nu̱gha nu̱ ku̱nshe qaandi ndu̱ nusuku ɓa, wa shi khar shakhshakhndi ku. Wor kya mbu Ye gamndang a ɗu̱kya fu̱n. Wor nang a masa wor mbe yi ɓu̱ nduki, wor khaki wa boote dam nu̱ zu̱nki gumapaali mbu̱ dam nu̱ka vu̱rki ye Magham ndu̱ Ye gamndang.