Romeku 10:3 - Mewar Alqawarang

³ Nu̱ke nu̱ zu̱n njiv dambi nu̱ ɗa viki she Magham ku ɓa, tu̱ yang sa njiv gwar khar waare solar ɓaanda zum, tu̱ nang sa wor tu̱ zhang njiv dambi ɓu̱ Magham gha.

Romeku 10:3 ပူးပေါင်းရင်းမြစ်များ

Luka 10:29

Yang ku̱me a shim lawa ɗyin varan nu̱ njifang, tu̱ zham Yesu za, “Ki ke nu̱ bing ɓanga?”

Luka 16:15

Tu̱ yang Yesu ze wor za, “Tun kya shim wutan ye nduki za tun nu̱ jeembu, yang Magham wa zu̱n memu̱na nu. Ɗyi nu̱ke nduki a shimndan maɗyi ɗya ɗye zhaana she Magham.

Romeku 1:17

Jiwa chin wutki dambi na viki she Magham, yang nduk ka gwa dambi nang nu̱ ku̱nshe maitaran vu̱ nggarsan ma yir she lauɗarsan. Ba wa nu̱ke a nje bu̱laran za, “Nu̱ dambi, ka ɗana mbe maito ɓaran.”

Romeku 10:2

Nga zu̱n ɗya nu̱ memu̱nar zhiri ghaari ghai ye Magham ku, yang a shiran ku waare zu̱ndi zhire ni.

Romeku 10:20

Yang Yishaya wa zu̱ ɓalar ɓu̱ Magham sawa su̱ ɓa nu̱ zu̱ki za, “Nduki nu̱ke nu̱ kaala nga ku ɓa, wor gwaki nga. Nga wut vara ye nduki nu̱ke nu̱ zham maa nu̱ke nga su̱ ku ɓa.”

Romeku 11:7

Yang kim ɗo? Israila wa ku̱na gwa ɗyi nu̱ke a laɓtan ku maɗyang, yang nduki koɗomma nu̱ datki chele ɓaanda gwaki ku. Tu̱ ɓeena ndukyang kha ma nu̱ kaaku̱ɗakh ɗyin ku.

Romeku 3:22

Chin dambi nu̱ka ɓa ki she Magham nang, nduki nu̱ maitaki kap ka gwa nu̱ ku̱nshe maito mbe Yesu Masiya. Nduk a nje nu̱ khaki zum ɓa,

Romeku 3:26

Shi wanang ma wut nji mbu̱ qaandiku nang za ɗyi nyin shiki zhwang torop, kom ku̱ gaɓ ndu̱ njif nu̱ maitaki Yesu tu̱ kha waare zop gume nda.

Romeku 5:19

Ba wa nu̱ nduki khang khaki ma nu̱ solar ku ku̱me zhangndi tu̱kti maa ɓu̱ nduk kaada, wanang tu̱k nduki khang ka kha waare sola gume Magham nu̱ ku̱nshe mburi zu̱r ɓu̱ Magham nu̱ nduk kaada shiki.

2 Korintiyeku 5:21

Masiya nu̱ shi sola sar da ɓa, yang tu̱ Magham gaɓ ndu̱ chin ma sadke sola ku̱me chemi. Nang ke ɗyi nu̱ saki chem kha ma nu̱ jeembu she Magham mbe Masiya.

Filipiyeku 3:9

tang khan mbe nda tu̱k. Yang ku̱me dambi ɓang mbe mbu Bibiti ghaari ghai ɓa, kope nu̱ ku̱nshe dambi nu̱ nduk ka gwaki nu̱ ku̱nshe maito mbe Masiya, nang ke dambi nu̱ke nduk ka gwaki she Magham mbe maito.

2 Bitu̱rus 1:1

A vi she Siman Biturus, maavi ndu̱ pude ɓu̱ Yesu Masiya, ma yir she nduki nu̱ gwaki maito nu̱ zhaaji ba wa nyem gwaki, nu̱ ku̱nshe dambi ɓu̱ Maghamndi ɓaarem ndu̱ Nu̱ Ɗanar rem Yesu Masiya.