Romeku 10:17 - Mewar Alqawarang

¹⁷ Ku̱me nang, maito ka ɓa nu̱ ku̱nshe tu̱kti labarang, yang nduk ka tu̱k labar nang nu̱ ku̱nshe ɓalar ɓu̱ Masiya.

Romeku 10:17 ပူးပေါင်းရင်းမြစ်များ

Markus 4:24

Tu̱ ze wor tu̱k za, “Gwa ma dlu̱mndonu ye ɗyi nu̱ke tun a tu̱ktan. Du̱ɓ zhiiri no zhiki si, ka gaɓ tu̱ shaata yor nu̱ ɗyinan tu̱k.

Luka 11:28

Tu̱ Yesu tlogha yenda za, “Nduki nu̱ ka tu̱kki ɓalar ɓu̱ Magham tu̱ tlu̱na wa duk ndu̱ barke.”

Luka 8:11

“Wonji mbakhti mbu̱ ku̱rti ɓalarang: Ye poonang ɗya ɓalar ɓu̱ Magham.

Luka 8:21

Tu̱ Yesu tlogha ye wor za, “Kap nduki nu̱ tu̱kki ɓalar ɓu̱ Magham, tu̱ shi tlu̱nar si ku, wor ke mankir ɓanga ndu̱ khata ku.”

Yokhana 1:37

Ni nu̱ mburi nda kwang tu̱kki ɓalar nu̱ Yokhana shikyang, tu̱ mbu gaanje Yesu ku.

Romeku 1:16

Labar Mbarkandang ɗya ɗye kawa sha ɓa, ku̱me chin ke zalale ɓu̱ Magham nu̱ka vu̱rki ɗanar ye anyi nduk nu̱ maitaki, Yakhudeku ke nu̱ gumapaali, kom ndu̱ nduki nu̱ke ɗya Yakhudeku ɓa.

Romeku 10:14

Yang wor ka qa njif nu̱ke nu̱ wor maita nda ku ɓa ma ku̱ shaata wor ɗa kikimndana? Ka shi kikimndi tu̱ wor maita njif nu̱ke nu̱ wor tu̱k labar ɓaran ɓa nda na? Yang ka tu̱k ku kikimndana, mbu̱ nduk a nje nu̱ke ka shiki waazu ye wor ɓa?

2 Korintiyeku 2:17

Ɓaarem nyem kha wa ɓeeni nduki nu̱ke a wopa Labar Mbarkandang ma gwa tun ɗyinan ɓa. Yang nu̱ke Magham ru̱kki remang, chem a zu̱kya zhire gume nda, ye khar ɓaarem nu̱ tlu̱narku ɓu̱ Masiya.

Galatiyeku 3:2

Yang ɓa, bu shi nga zhamndi ye nu kaada. Shwat Jiimbi shakhshakhndi a ɓa ye nu ku̱me tun a mbu Bibitang mu, yang ku̱me tun wa maita ɓalar nun tu̱kki?

Galatiyeku 3:5

Magham nu̱ vu̱rki Jiimbi ɓaran ye nu, tu̱ shi ɗye lazhamku chele ɓanwang ɗa, shi ku̱me tun a mbu Bibiti mu, yang ku̱me maitar nun shiki sarchi nun tu̱kki ɓalar ɓu̱ Masiya mu?

Kolosiyeku 3:16

Wa ku̱s ku̱ yele ɓalar ɓu̱ Masiya khan mbu̱ memu̱na nu. Tun a shogaran ye yen, tun a wu yen mbe aa nyi pooni kaɗari. Tun a taazi Zabure ndu̱ nu̱ khamndi Magham, tun a taazi ku mbe jiimba ye Magham, tun a kuna nda mbu̱ memu̱na nu.

1 Tasalonikeku 2:13

Chem a kuna Magham aakochi ku̱men, nu̱ke sarchi nun tu̱kki ɓalar ɓu̱ Magham she rem tun dli, nun dlu̱ wa ɗya ɓalar ɓu̱ nduk ɓa. Tun dlu̱ ba wa nu̱ke a si, ɗya ɓalar ɓu̱ Magham nu̱ke a tlu̱nar mbu̱ memu̱na nu, tun nun maitaki.

Yibraniyeku 4:2

Jiwa chem wa woɗa tu̱k Labar Mbarkandang ba wa nu̱ tu̱kki ku. Yang Labar mbarkandi nu̱ tu̱kki kwang nu̱ boota wor sar da ɓa, ku̱me nu̱ dlu̱ ku su̱yen ndu̱ maito ɓa.

1 Biturus 1:23

Jiwa tun wa gwa mewar khari. Yang mewar nyifi ɓaanu nang tun gwa she pooni nu̱ke wa ka mu̱t ɓa, tun gwa she pooni nu̱ke nu̱ka shi mu̱t ɓa. Kha nu nu̱ ku̱nshe ɓalar ɓu̱ Magham nu̱ke nyifiri a si yang nu̱ka shi mu̱ti ɓa.

Ɗyin mbu̱ tukari 1:9

Nga, Yokhana, khatonu ndu̱ mu̱dlonu mbe bonye ndu̱ kwaaɗari ndu̱ kaɗanyi mbe sar memu̱nar nu̱ke ɗya ɓaarem mbe Yesu. Nga ɗyin chenjesi Patu̱mos ku̱me ɓalar ɓu̱ Magham nu̱ saidar Yesu.